Սենեքերիմ Տեր-Հակոբյան
Սենեքերիմ Տեր-Հակոբյան | |
|---|---|
| Ծնվել է | 1881 Գյումուշխանե, Տրապիզոնի վիլայեթ, Օսմանյան կայսրություն |
| Մահացել է | 1938 |
| Մասնագիտություն | բանասեր և մանկավարժ |
| Հաստատություն(ներ) | Գևորգյան Հոգևոր Ճեմարան |
| Ալմա մատեր | Գևորգյան Հոգևոր Ճեմարան (1900) |
Սենեքերիմ Խաչատուրի Տեր-Հակոբյան (1881, Գյումուշխանե, Տրապիզոնի վիլայեթ, Օսմանյան կայսրություն - 1938), հայ բանասեր, մանկավարժ։
Կենսագրություն[խմբագրել | խմբագրել կոդը]
Սենեքերիմ Տեր-Հակոբյանը ծնվել է 1881 թվականին Թուրքիայի Տրապիզոնի վիլայեթի Գյումուշխանե գյուղում։ Հայտնի է եղել նաև «Չելեպի» անունով։ Նախնական կրթությունը ստացել է ծննդավայրի վարժարանում։ 1896 թվականին ընդունվել է Էջմիածինի Գևորգյան ճեմարանի դպրոցական բաժինը, որն ավարտել է 1900 թվականին։
Այնուհետև ուսումը շարունակել է ճեմարանի լսարանական բաժնում։ Այստեղ Սենեքերիմ Տեր-Հակոբյանին դասավանդել են Մանուկ Աբեղյանը, Հրաչյա Աճառյանը, Հակոբ Մանանդյանը, Ստեփան Կանայանցը և այլ հայագետներ։ Ուսման ավարտին պաշտպանություն է ներկայացրել «ԺԶ դարու Հայոց եկեղեցական պատմությունը» ավարտական շարադրանքը, որն արժանացել է «հույժ գովելի» գնահատականի։ Ուսումը շարունակել է Գերմանիայի Հանրապետությունում, Ավարտելով 1910 թվականին, Բեռլինի Համալսարանի Փիլիսոփայական ֆակուլտետը։
Դասավանդել է Թավրիզի, Երևանի, Ալեքսանդրապոլի, Շուշիի, Նախիջևանի, Թիֆլիսի և Բաքվի հայկական դպրոցներում, Գևորգյան ճեմարանում (1910-1917 թթ.)։ Եղել է Էջմիածնի թանգարանի վարիչի օգնական (1917-1921 թթ.), Էջմիածնի մատենադարանի տնօրեն (1921-1937 թթ.)։ Մեծ Եղեռնից փրկված հայ գաղթականներից հավաքել է հարուստ ազգագրական նյութեր, մատենադարանի հավաքածուները հարստացրել նոր ձեռագրերով։ Հեղինակ է մի շարք հոդվածների և ուսումնասիրությունների (անտիպ)։ Տեր-Հակոբյանի արխիվը պահվում է Երևանի Մեսրոպ Մաշտոցի անվան Մատենադարանում[1][2]։
Մահ[խմբագրել | խմբագրել կոդը]
Դարձել է ստալինյան բռնաճնշումների զոհ, 1937 թվականին անհիմն բռնադատվել է, ապա՝ գնդակահարվել։ 1954 թվականին արդարացվել է։
Գրականություն[խմբագրել | խմբագրել կոդը]
- Ադամյան Ա., Սենեքերիմ Տեր-Հակոբյանի արխիվը, ԼՀԳ, 1971, № 12:
Ծանոթագրություններ[խմբագրել | խմբագրել կոդը]
- ↑ «Սենեքերիմ Տեր-Հակոբյանի արխիվը» (PDF).(չաշխատող հղում)
- ↑ «Ով ով է։ Հայեր» հանրագիտարան, հատոր երկրորդ, գլխավոր խմբագիր՝ Հովհաննես Այվազյան, Հայկական հանրագիտարան հրատարակչություն, Երևան, 2007։
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 11, էջ 671)։ 
|