Նյուտոն (չափման միավոր)

Անվան այլ գործածումների համար տես՝ Նյուտոն

Նյուտոն (նշանակումը՝ Ն), ուժի չափման միավոր ՄԻ համակարգում: Ընդունված միջազգային անվանումը — newton (նշանակումը՝ N).

Ելնելով Նյուտոնի երկրորդ օրենքից այն որոշվում է որպես ուժ, որը 1 վ-ի ընթացքում փոխում է 1 կգ զանգվածով մարմնի արագությունը 1 մ/վ-ով այդ ուժի կիրառման ուղղությամբ: Այսպիսով, 1 Ն = 1 կգ·մ/վ².

Միավորը այսպես է կոչվել անգլիացի ֆիզիկոս Իսահակ Նյուտոնի պատվին, ով հայտնաբերել է շարժման օրենքները և կապել է ուժի, զանգվածի և արագացման հասկացությունները: Իր աշխատություններում, սակայն, Իսահակ Նյուտոնը չէր օգտագործում ուժի չափման միավոր, դիտարկելով այն որպես վերացական երևույթ: Ուժի չափումը նյուտոններով սկսեցին մեծ գիտնականի մահվանից ավելի քան երկու հարյուր տարի անց, երբ ընդունվեց ՍԻ համակարգը:

Այլ միավորների հետ կապը

Այլ չափման միավորների հետ նյուտոնը կապում են հետևյալ արտահայտությունները՝

• 1 Ն = 10⁵ դին:
• 1 Ն ≈ 0.10197162 կգու.
• 1 Ն = 10⁻³ ստեն.
• 1 Ն ≈ 8.262619 * 10⁻⁴⁵ F_p.