Յարոսլավլ

Վիքիպեդիայից՝ ազատ հանրագիտարանից
Քաղաք
Յարոսլավլ
ռուս.՝ Ярославль
Դրոշ Զինանշան
Դրոշ Զինանշան
View from Yaroslavl footbridge - geograph.org.uk - 1150703.jpg
57°37′00″ հս. լ. 39°51′00″ ավ. ե. / 57.616667° հս. լ. 39.85° աե. ե.
Երկիր Ռուսաստան Ռուսաստան
Շրջան Յարոսլավլի շրջան
Մակերես 205.80 կմ²
Բնակչություն 591 374 մարդ (2011)
Խտություն 2873,5 մարդ/կմ²
Հեռախոսային կոդ 495
+7 499
Փոստային ինդեքսներ 150000—150066
Պաշտոնական կայք www.city-yar.ru
##Յարոսլավլ (Ռուսաստան)
Red pog.png

Յարոսլավլ (ռուս.՝ Ярославль), քաղաք Ռուսաստանում, Յարոսլավլի մարզի կենտրոնը։ Բնակչությունը 2011 թվականի տվյալներով 591 374 է։ Բաղկացած է վեց վարչական շրջաններից։ Բնակչությունը կազմում է 602 400 մարդ (2014)։ Յարոսլավլը Ռուսաստանի Դաշնության կենտրոնական դաշնային շրջանի երրորդ քաղաքն է` ըստ բնակչության թվի։ Քաղաքը տրանսպորտային հանգույց է, որտեղից սկիզբ են առնում երկաթուղային գծեր ու ավտոճանապարհներ դեպի Մոսկվա, Վոլոգդա, Ռիբինսկ, Կոստրոմա, Իվանովո և Կիրով։ Յարոսլավլում գործում են նաև նավահանգիստ և օդանավակայան։ Քաղաքի տարածքը կազմում է 205 կմ²։

Յարոսլավլը Ռուսաստանի ամենահին քաղաքներից մեկն է։ Այն հիմնադրվել է 11-րդ դարում և ծաղկում է ապրել 17-րդ դարում։ 2010 թվականին նշվեց քաղաքի հազարամյակը։ Քաղաքի օրը Յարոսլավլում սովորաբար նշվում է մայիսի վերջին շաբաթ օրը (2010 թվականին քաղաքի հազարամյակըը նշելու պատճառով քաղաքի օրը նշվեց սեպտեմբերի 10-12-ին)[1]։ Քաղաքի պատմական կենտրոնը, որ տեղակայված է Վոլգա ու Կոտորոսլ գետերի միախառնման տեղին մոտ, ընդգրկված է ՅՈՒՆԵՍԿՕ-ի համաշխարհային ժառանգության ցանկում։ Յարոսլավլն ավանդաբար համարվում է Ռուսաստանի Ոսկե օղակի հիմնական օբյեկտներից մեկը։

Ֆիզիկա-աշխարհագրական բնութագիր[խմբագրել]

Աշխարհագրական դիրք[խմբագրել]

Յարոսլավլը գտնվում է Արևելաեվրոպական հարթավայրի կենտրոնական հատվածում (ավելի ճիշտ, Յարոսլավակոստրոմյան ցածրավայրում) Վոլգա գետի երկու ափերի վրա, նրա մեջ Կոտորոսլ գետի թափվելու վայրում, Մոսկվայից 282 կմ դեպի հյուսիս-արևելք: Քաղաքը զբաղեցնում է 205,37 կմ² տարածք: Քաղաքի կենտրոնի միջին բարձրությունը ծովի մակարդակից 100 մ է[2]։

Ժամային գոտի[խմբագրել]

Map of Russia - Moscow time zone.svg

Յարոսլավլ քաղաքը, ինչպես նաև ամբողջ Յարոսլավլի մարզը, գտնվում է ժամային գոտում, որը միջազգային չափանիշներով նշվում է որպես Moscow Time Zone (MSK/MSD): Համաշխարհային կոորդինացված ժամանակի (UTC) նկատմամբ շեղումը +3:00 (MSD) է:

Ջրաբանություն[խմբագրել]

Յարոսլավլի հիմնական գետերն են Վոլգա գետը (Գորկու ջրամբար) և նրա աջ վտակ Կոտորոսլը, որոնց ջրի մակարդակը բարձրացվել է Նիժեգորոդսկի ՀԷԿ-ի օգնությամբ[3]: Այստեղ են թափվում մի քանի գետեր և առվակներ, որոնցից ամենակարևորը Նորա գետն է: Գետաբերանի մոտ, Կոտորոսլ գետի հունի մեջ են ընկած մի քանի կղզիներ (նրանցից մեկի վրա գտնվում է մշակույթի և հանգստի զբոսայգին): Վոլգայի աջ ափը բարձր է, զառիթափ, ձախը՝ ցածրադիր: Յարոսլավլի մոտ Վոլգա գետի միջին տարեկան ծախսը 1110 մ³/վ է[4], իսկ Գորկու ջրամբարի միջին բազմամյա մակարդակը Յարոսլավլի մոտ՝ 84,28 մ[5]:

Կլիմա[խմբագրել]

Քաղաքը գտնվում է չափավոր ցամաքային կլիմայական զոնայում, որը մեղմացնում է Ատլանտյան օվկիանոսի ազդեցությունը: Բուսաճական շրջանի ընդհանուր ջերմաստիճանը (+10 °C բարձր է)՝ 1892 °C: 0°C-ից ցածր ջերմաստիճանով օրերի քանակը 150 օր է: Տեղումների տարեկան քանակը 590 մմ է: Ցուրտ շրջանի տեղումների քանակը՝ 175 մմ: Տաք շրջանի տեղումների քանակը՝ 427 մմ[6]:

Հին ժամանակներում Կոտորոսոլ գետը հայտնի էր իր տարեկան վարարմամբ։

Յարոսլավլում ձմեռը չափավոր ցուրտ է, չափավոր ձնային, տևում է ավելի քան հինգ ամիս: Հունվարի միջին ջերմաստիճանը -11°C է, որոշ ձմեռների ընթացքում սառնամանիքները հասնում են -40°C, -46°C, սակայն պատահում են նաև ձնհալքներ: Այսպես, 1932 թվականի հունվարին գրանցվել է ամբողջ դիտարկումների ընթացքում ամենաերկարատև ձնհալքը (17 օր): Ձյունածածկույթի բարձրությունը 35-50 սմ է, որոշ ձմեռների ընթացքում այն հասնում է 70 սմ, երբեմն չի գերազանցում 20 սմ: Ձյունածածկույթը առաջանում է նոյեմբերի երկրորդ կեսին և պահպանվում է 140 օրերի ընթացքում: Գերակշռում են հարավային և արևմտյան ուղղությունների քամիները: Քամու միջին արագությունը 4,2 մ/վ է, ուժեղ քամիները՝ ավելի քան 8 մ/վ և ձնաբքերը դիտվում են հիմնականում դեկտեմբեր-հունվար ամիսներին, մինչև 8-10 օր[6][7]:

Գարունը բնորոշվում է քիչ տեղումներով: Յարոսլավլում ապրիլի միջին ջերմաստիճանը մոտ +4°C է: Ձնածածկույթը վերանում է ապրիլի առաջին կեսին: Ապրիլին տեղումները այդքան էլ շատ չեն՝ մոտ 40 մմ, տեղումների քանակը աճում է մայիսից՝ հասնելով 50-60 մմ: Մայիսին գրանցվում է տարվա մեջ ամենացածր հարաբերական խոնավությունը՝ մոտ 70%[6]:

Ամառը չափավոր տաք է, խոնավ, տարվա մեջ ամենաբարձր տեղումների քանակով՝ ամիսը մինչև 80 մմ: Հուլիսի միջին ջերմաստիճանը +18°C է, առանձին շոգ օրերին ցերեկը առավելագույն ջերմաստիճանը հասել է +37°C: Հուլիսին թափվում է տարեկան տեղումների մեծ մասը՝ ամիսը 80-90 մմ: Անձրևների մեծ մասը հորդառատ են, հաճախ ամպրոպներով (հունիս-հուլիս ամիսներին 6-8 օր ամպրոպով): Գերակշռում են արևմտյան և հյուսային ուղղության քամիները: Միջին արագությունը 2,5 - 3,5 մ/վ է[6][7]:

Աշունը բնորոշվում է ամպամած օրերի կտրուկ աճով՝ ամիսը մինչև 18 օր և օդի հարաբերական խոնավության աճով՝ մինչև 85%: Յարոսլավլում հոկտեմբերի միջին ջերմաստիճանը +3°C է: Տեղումների քանակը նվազում է, սակայն փոխվում է դրանց բնույթը` տեղատարափ անձրևներ են տեղում և առաջանում է մառախուղ[6]:

Յարոսլավլ, Ռուսաստան (1961-1990)ի կլիմայական տվյալները
Ամիս հունվ փետ մարտ ապր մայ հուն հուլ օգոս սեպ հոկ նոյ դեկ Տարի
Միջին բարձր °C (°F) −8.2
(17.2)
−5.8
(21.6)
0.1
(32.2)
9.0
(48.2)
17.8
(64)
21.4
(70.5)
23.3
(73.9)
21.5
(70.7)
14.9
(58.8)
7.2
(45)
−0.2
(31.6)
−5.2
(22.6)
8.0
(46.4)
Միջին օրական °C (°F) −12.0
(10.4)
−10.0
(14)
−4.3
(24.3)
4.5
(40.1)
12.0
(53.6)
15.7
(60.3)
17.9
(64.2)
16.1
(61)
10.4
(50.7)
4.1
(39.4)
−2.7
(27.1)
−8.4
(16.9)
3.61
(38.5)
Միջին ցածր °C (°F) −15.8
(3.6)
−14.2
(6.4)
−8.6
(16.5)
0.0
(32)
6.2
(43.2)
10.1
(50.2)
12.5
(54.5)
10.7
(51.3)
5.9
(42.6)
0.9
(33.6)
−5.2
(22.6)
−11.6
(11.1)
−0.8
(30.6)
Տեղումներ մմ (դյույմ) 37
(1.46)
27
(1.06)
26
(1.02)
40
(1.57)
52
(2.05)
65
(2.56)
84
(3.31)
64
(2.52)
55
(2.17)
52
(2.05)
46
(1.81)
43
(1.69)
591
(23.27)
աղբյուր: [8]

Կենդանական և բուսական աշխարհ[խմբագրել]

Ամենամյա սոխակների հաշվեգրումը, որն անց է կացվել 2010 թվականի ամռան կեսերին, ցույց է տվել, որ քաղաքի տարածքում իրենց բույնն են հյուսել այդ թռչունների ավելի քան 900 զույգ[9]:

Էկոլոգիա և բնության պահպանում[խմբագրել]

Յարոսլավլը՝ լինելով խոշոր արդյունաբերական և տրանսպորտային կենտրոն, բնորոշվում է շրջակա միջավայրի վրա բարձր տեխնոգեն ծանրաբեռնվածությամբ: Այդ ծանրաբեռնվածությունը պայմանավորող կարևոր մարդածին գործոններն են առաջին հերթին մթնոլորտի, ինչպես նաև ջրային տարածքների և հողատարածքների աղտոտումը: 2010 թվականի դրությամբ Յարոսլավլի քաղաքապետարանի շրջակա միջավայրի պահպանության կոմիտեում հաշվառվում է ավելի քան 1,5 հազար կազմակերպություն, որոնք ունեն շրջակա միջավայրի աղտոտման աղբյուր, և ավելի քան 14 հազար իրավաբանական անձ և անհատ ձեռներեց, որոնց գործունեության արդյունքում առաջանում են տարբեր թափոններ[10]:

Քաղաքի մթնոլորտի աղտոտվածության մակարդակը վերահսկում են հինգ ստացիոնար կայաններ: Հաճախ գերազանցում է բենզոպիրենի թույլատրելի կոնցենտրացիան, օդում առկա է նաև ազոտի երկօքսիդի բարձր կոնցենտրացիա[11]: Օդի մթնոլորտի հիմնական աղտոտիչներից է ավտոմոբիլային տրանսպորտը, ինչպես նաև նավթամշակող «Յարոսլավնեֆթեօրգսինթեզ» (ռուս.՝ «Ярославнефтеоргсинтез») ձեռնարկությունը, տեխնիկական ածխածնի գործարանը, անվադողերի գործարանը[12][13]: Յարոսլավլում օդի ամեբարձր աղտոտվածության մակարդակ ունեցող շրջանը էկոլոգները անվանում են Կարմիր հրապարակ և Տոլբուխինի պողոտա: Ջրի որակը Վոլգայում այդքան էլ բարձր չէ[14]:

Քաղաքի տարածքում են գտնվում մի շարք պահպանության տակ գտնվող բնական տարածքներ՝ բնության հուշարձաններ՝ Վոլգայի մոտ գտնվող սոճու անտառները (Յակովլևսկի անտառ, Լյապինսկի անտառ, Վոզդվիժենսկի անտառ, Տվերիցկի անտառ, Սմոլենսկի անտառ), Տոլգսկու մենաստանի հնադարյան մայրեթուփը, Կրեստովսկի քարահանքը, Կոտորոսլի գետահովտի մեջ գտնվող պարկը, Նեֆտեստրոյ գյուղի պարկը, Դեմիդովսկի այգին, Բուտուսովսկի պարկը, Սկոբիկինսկի պարկը, Պավլովսկի պարկը, լորենիների պուրակ Նորսկոե գյուղում, պաշտպանության տակ գտնվող բնապատմական լանդշաֆտներ՝ Պետրոպավլովսկի պարկը և Վոլգա գետի վրա գտնվող Վերին կղզին[15]:

Ծանոթագրություններ[խմբագրել]

  1. Календарный план международных и общероссийских общественно-значимых мероприятий празднования 1000-летия основания города Ярославля // adm.yar.ru
  2. Народная энциклопедия «Мой город». Ярославль (Ярославская область) // mojgorod.ru
  3. Քաղվածելու սխալ՝ Invalid <ref> tag; no text was provided for refs named bse
  4. Волга — Энциклопедия «Вокруг света» // vokrugsveta.ru
  5. Оперативный ежедневный прогноз возникновения и развития чрезвычайных ситуаций на территории Ярославской области на 16 августа 2010 г. // uglich.ru
  6. 6,0 6,1 6,2 6,3 6,4 Гидрометцентр России. Ярославль // meteoinfo.ru
  7. 7,0 7,1 О нашем городе Ярославль // gorodyaroslavl.ru
  8. «Russian Federal Meteorological Service»։ http://meteoinfo.ru/climate/klimatgorod/1756-1246618396։ Վերցված է March 5, 2010։ 
  9. Элина Труханова. (16.06.2011)։ «Птичья перепись»։ Российская газета։ http://www.rg.ru/2011/06/16/reg-roscentr/solovei.html։ Վերցված է 2012-06-15։ 
  10. Официальный сайт города Ярославля — Экология // city-yar.ru
  11. Анна Коузова. Дышать нечем! Ярославцы озабочены состоянием воздуха в городе // «АиФ Ярославль», № 14 (14) от 01.04.2009
  12. Евгений Соловьев.։ «Ярославцы страдают от прогресса»։ Независимая газета։ Արխիվացված օրիգինալից 2013-06-14-ին։ http://www.webcitation.org/6HMrd3JeH։ Վերցված է 2010-06-18։ 
  13. «Генплан Ярославля»։ Территория и планирование։ № 1 (8), 2007։ Արխիվացված օրիգինալից 2013-06-14-ին։ http://www.webcitation.org/6HMrf0hX5։ Վերցված է 2013-06-13։ 
  14. Ярославские синоптики озабочены состоянием воздуха в городе // yaroslavl.rfn.ru
  15. Перечень особо охраняемых природных территорий Ярославской области (утв. постановлением Администрации Ярославской области от 21 января 2005 г. № 8) // adm.yar.ru