Հրաչ Մարտիրոսյան
- Վիքիպեդիայում կան հոդվածներ Մարտիրոսյան ազգանունով այլ մարդկանց մասին։
Հրաչ Մարտիրոսյան | |
|---|---|
 | |
| Ծնվել է | նոյեմբերի 10, 1964 (59 տարեկան) Կիրովական, Հայկական ԽՍՀ, ԽՍՀՄ |
| Քաղաքացիություն |  ԽՍՀՄ և  Հայաստան |
| Մասնագիտություն | լեզվաբան |
| Հաստատություն(ներ) | Միչիգանի համալսարան, Երևանի պետական համալսարան, Հնագիտության և ազգագրության ինստիտուտ և Լեյդենի համալսարան |
| Գործունեության ոլորտ | համեմատական լեզվաբանություն |
| Ալմա մատեր | ՎՊՀ (1991) և Լեյդենի համալսարան |
| Գիտական աստիճան | բանասիրական գիտությունների թեկնածու |
| Տիրապետում է լեզուներին | հայերեն, անգլերեն, հոլանդերեն և ռուսերեն |
Հրաչ Մարտիրոսյան (նոյեմբերի 10, 1964, Կիրովական, Հայկական ԽՍՀ, ԽՍՀՄ), հայ լեզվաբան, հայագետ։ Բանասիրական գիտությունների թեկնածու (PhD)։
Հրաչ Մարտիրոսյանը դասախոսություններ է կարդացել Միչիգանի համալսարանում[1] և Երևանի պետական համալսարանում[2], Օքսֆորդում, Սորբոնում, Մոսկվայում, Միլանում, Պավիայում, Հայաստանի տարբեր մարզերի համալսարաններում։ 2009 թվականից սկսած՝ Հայաստանում պարբերաբար կազմակերպում հայագիտական դասընթացներ՝ ՀԳԱԴ (Հայագիտական արշավային դասընթաց) ձևաչափով[3]։
Կենսագրություն[խմբագրել | խմբագրել կոդը]
Հրաչ Մարտիրոսյանը ծնվել է 1964 թվականի նոյեմբերի 10-ին Կիրովականում (այժմ՝ Վանաձոր)։ Սովորել է Կիրովականի պետական մանկավարժական ինստիտուտի բանասիրական ֆակուլտետում։ 1991–1994 թվականներին եղել է Հայաստանի Հանրապետության ԳԱԱ հնագիտության և ազգագրության ինստիտուտի գիտաշխատող (գիտական ղեկավար` պրոֆ. դր Սարգիս Հարությունյան)։ 1995 թվականին տեղափոխվել է Նիդեռլանդներ և մինչև աշխատանքի թույլտվություն ստանալը կատարել է կամավոր աշխատանք գրադարանում, որպես ազատ ունկնդիր հաճախել համեմատական լեզվաբանության դասընթացի Լեյդենի համալսարանում, ինչպես նաև զբաղվել է տարբեր հայագիտական աշխատանքներով Լեյդենի հայագիտական նախագծերի շրջանակներում (ղեկավար` պրոֆ. դր Յ. Վայտենբերգ)։
2001-2007 թվականներին Հրաչ Մարտիրոսյանը եղել է Լեյդենի համալսարանի գիտաշխատող (Assistant in training), 2009-2010 թվականներին՝ հետդոկտորային գիտաշխատող նույն համալսարանում և հրավիրյալ դասախոս Միչիգանի համալսարանում։ 2011 թվականից մինչև 2015 թվականի հունվար որպես հրավիրյալ դասախոս աշխատել է Լեյդենի համալսարանում։ Որպես հետդոկտորային գիտաշխատող՝ Հրաչ Մարտիրոսյանը 2015 թվականի փետրվարից աշխատում է Վիեննայում՝ Ավստրիայի գիտությունների ակադեմիայի Institute of Iranian Studies ինստիտուտում։
Աշխարհայացք[խմբագրել | խմբագրել կոդը]
Հրաչ Մարտիրոսյանն ինքն իրեն համարում է «համոզված աթեիստ»։ 2014 թվականի մայիսին նա այն մտավորականներից էր, որոնք բաց նամակով հանդես էին եկել Երևանի քաղաքային խորհրդի կողմից խորհրդային քաղաքական գործիչ Անաստաս Միկոյանի արձանի տեղադրման որոշման դեմ[4]։
Հրապարակումներ[խմբագրել | խմբագրել կոդը]
- Martirosyan, Hrach (2010). Etymological Dictionary of the Armenian Inherited Lexicon. BRILL. ISBN 9789004173378.
Ծանոթագրություններ[խմբագրել | խմբագրել կոդը]
- ↑ «Lecture Explores the Origins of Armenian Language». Armenian Mirror-Spectator. 2010 թ․ մարտի 10.
- ↑ «ԵՐԵՎԱՆԻ ՊԵՏԱԿԱՆ ՀԱՄԱԼՍԱՐԱՆԻ ՈՒՍԱՆՈՂԱԿԱՆ ԳԻՏԱԿԱՆ ԸՆԿԵՐՈՒԹՅԱՆ ՆԱԽԱՆՇՎԱԾ ՄԻՋՈՑԱՌՈՒՄՆԵՐԻ ԾՐԱԳԻՐ (2014-2015 ուստարվա 1-ին կիսամյակ)» (PDF). ysu.am. 2014 թ․ սեպտեմբերի 23. Արխիվացված է օրիգինալից (PDF) 2015 թ․ ապրիլի 2-ին. Վերցված է 2016 թ․ հոկտեմբերի 22-ին.
- ↑ «Hiking Summer School of Armenology». Արխիվացված է օրիգինալից 2020 թ․ փետրվարի 27-ին. Վերցված է 2020 թ․ մարտի 1-ին.
- ↑ «Պահանջում են չեղյալ համարել Անաստաս Միկոյանի արձանը տեղադրելու Երևանի քաղաքապետարանի ավագանու որոշումը [They demand to cancel the decision of the Yerevan City Hall to erect a statue of Anastas Mikoyan]». Aravot. 2014 թ․ մայիսի 7.
Արտաքին հղումներ[խմբագրել | խմբագրել կոդը]
- «Հարցազրույց Հայաստանի հետ։ Հրաչ Մարտիրոսյան. Գիտության բերկրանքը ["Interview with Armenia": Hrach Martirosyan]». ilur.am. 2014 թ․ փետրվարի 17. Արխիվացված է օրիգինալից 2016 թ․ նոյեմբերի 10-ին. Վերցված է 2016 թ․ հոկտեմբերի 22-ին.
- Հրաչ Մարտիրոսյանի «Հայագիտական արշավային դասընթաց 2016» հոլովակները Բուն TV-ում Արխիվացված 2020-02-28 Wayback Machine
| ||||||||
