Հրանտ Այվազյան

	Հրանտ Այվազյան
Դրոշ	ՀՀ ԱԺ 7-րդ գումարման պատգամավոր
2019 հունվարի 14-ից
Կուսակցություն՝	Լուսավոր Հայաստան
Մասնագիտություն՝	քաղաքական գործիչ
Ծննդյան օր	սեպտեմբերի 14, 1969
Ծննդավայր	Կիրովական, Հայկական ԽՍՀ, ԽՍՀՄ
Վախճանի օր	փետրվարի 6, 2024 (54 տարեկան)
Վախճանի վայր	Արագածոտնի մարզ, Հայաստան

Հրանտ Գնունու Այվազյան (սեպտեմբերի 14, 1969(1969-09-14), Կիրովական, Հայկական ԽՍՀ, ԽՍՀՄ - փետրվարի 6, 2024(2024-02-06), Արագածոտնի մարզ, Հայաստան), հայ քաղաքական գործիչ, ՀՀ ԱԺ 7-րդ գումարման պատգամավոր^[1]։ «Լուսավոր Հայաստան» խմբակցության անդամ։

Կենսագրություն[խմբագրել | խմբագրել կոդը]

Հրանտ Այվազյանը ծնվել է 1969 թվականի սեպտեմբերի 14-ին, Վանաձորում^[2]։

Կրթություն[խմբագրել | խմբագրել կոդը]

1992 թվականին ավարտել է Երևանի պոլիտեխնիկական ինստիտուտի Կիրովականի մասնաճյուղը։ Ճարտարագետ։ Ճարտարագետ-մեխանիկ։

Աշխատանք[խմբագրել | խմբագրել կոդը]

1997-2001 թվականներին դասավանդել է Վանաձորի թիվ 13 դպրոցում։ 2003 թվականին՝ «ՀԿ սեկտորի կարողությունների գնահատում» ծրագրի փորձագետ- գնահատող, 2006 թվականին եղել է «Թափոնների համապարփակ կառավարման համակարգի ամրապնդումը ՀՀ-ում» ծրագրի փորձագետ։ 2008-2019 թվականներին եղել է Լոռու մարզի «Արմոբիլ» ՓԲԸ անվտանգության ծառայության ղեկավար։ 2011 թվականից Հայաստանի ազգային պոլիտեխնիկական համալսարանի Վանաձորի մասնաճյուղի դասախոս է։ 2016-2019 թվականներին եղել է Վանաձորի ավագանու անդամ «Լուսավոր Հայաստան» խմբակցության կազմում։

2003-2019 թվականներին` «Լոռու զարգացման կենտրոն» ՀԿ նախագահ։ 2008-2014 թվականներին Վանաձորի սոցիալական աջակցության տարածքային բաժնին կից սոցիալական աջակցության խորհրդի անդամ է, 2016-2018 թվականներին` Լոռու մարզի զբաղվածության աջակցության մարզային հանձնաժողովի, 2018 թվականին՝ ՀՀ տարածքային կառավարման և զարգացման նախարարին կից հասարակական խորհրդի անդամ։

2018 թվականին ընտրվել է ՀՀ ԱԺ պատգամավոր Լուսավոր Հայաստան կուսակցության թիվ 9 ընտրատարածքի տարածքային ընտրական ցուցակով։

Զոհվել է 2024 թվականի փետրվարի 6-ին՝ Երևան-Վանաձոր ավտոճանապարհին տեղի ունեցած խոշոր ավտովթարի հետևանքով^[3]։

Ընտանեկան կարգավիճակ[խմբագրել | խմբագրել կոդը]

Ամուսնացած է, ունի երկու զավակ։

Ծանոթագրություններ[խմբագրել | խմբագրել կոդը]

↑ «ԿԸՀ-ն հաստատեց ԱԺ պատգամավորների անվանացանկը․ ովքեր են լինելու «Լուսավոր Հայաստան» խմբակցության պատգամավորները».
↑ ԱԺ պատգամավար Հրանտ Այվազյան
↑ «Խոշոր ավտովթարի հետևանքով մահացել է ԱԺ նախկին պատգամավոր Հրանտ Այվազյանը». news.am. 2024 թ․ փետրվարի 6. Վերցված է 2024 թ․ փետրվարի 6-ին.

[mfa-1] «ԿԸՀ-ն հաստատեց ԱԺ պատգամավորների անվանացանկը․ ովքեր են լինելու «Լուսավոր Հայաստան» խմբակցության պատգամավորները».

[2] ԱԺ պատգամավար Հրանտ Այվազյան

[3] «Խոշոր ավտովթարի հետևանքով մահացել է ԱԺ նախկին պատգամավոր Հրանտ Այվազյանը». news.am. 2024 թ․ փետրվարի 6. Վերցված է 2024 թ․ փետրվարի 6-ին.

[1]

[2]

[3]