Ծավալք (Շահբուզի շրջան)

Ծավալք
Գյուղ
	Ծավալք
	Mərəlik
Երկիր	Ադրբեջան
Ինքնավար ; հանրապետություն	Նախիջևանի Ինքնավար Հանրապետություն
Շրջան	Շահբուզի շրջան
Այլ անվանումներ	Ծավալք, Մարալիկ
Կլիմայի տեսակ	Մերձարևադարձային կլիմա
Պաշտոնական լեզու	ադրբեջաներեն
Բնակչություն	222 մարդ (2009)
Ազգային կազմ	ադրբեջանցիներ
Կրոնական կազմ	շիա իսլամ
Ժամային գոտի	UTC+4
	Ծավալք (Շահբուզի շրջան) (Ադրբեջան)
	Ծավալք (Շահբուզի շրջան) (Ադրբեջան)

Անվան այլ կիրառումների համար տե՛ս՝ Ծավալք (այլ կիրառումներ)

Ծավալք (ներկայիս պաշտոնական անվանումը՝ Մարալիկ ադրբ.՝ Mərəlik, տառադարձմամբ՝ «Մարալիք»), գյուղ Ադրբեջանական Հանրապետության կազմում գտնվող Նախիջևանի Ինքնավար Հանրապետության Շահբուզի շրջանում։

Պատմություն[խմբագրել | խմբագրել կոդը]

Ներկայիս Ծավալք (Մարալիկ) գյուղի մոտ՝ Նախիջևան գետի ձախ ափին, Սաղուասոնք գետակը Նախիջևան գետին միախառնվելու տեղում, գտնվում էր միջնադարյան հայաբնակ գյուղ^[1]։ Այդ հին գյուղի տարածքը ընդգրկել է 45-50 բնակելի և այլ շինություններ։ Գյուղատեղին ներկայումս վերածվել է ավերակի^[1]։

Ուսումնասիրությունները հավաստում են, որ միջնադարյան հայկական գյուղի տարածքում եղել են ինչպես բնակելի շինություններ, այնպես էլ պաշտպանական ամրություն՝ ամրոց։

18-րդ դարում գյուղը Տաթևի վանքին վճարել է 12 միավոր հարկ։

Աշխարհագրություն[խմբագրել | խմբագրել կոդը]

Ծավալքը գտնվում է Նախիջևանի Ինքնավար Հանրապետության հյուսիս-արևելքում՝ Հայաստանի Հանրապետության միջպետական սահմանից մի քանի կմ հեռավորության վրա։

Կլիման մերձարևադարձային է` տաք ամառներով և մեղմ ձմեռներով։

Բնակչություն[խմբագրել | խմբագրել կոդը]

Ըստ 2009 թվականի մարդահամարի տվյալների՝ Ծավալքի բնակչությունը կազմում է 222 մարդ։ Բնակչությունը հիմնականում ադրբեջանցիներ են, որոնք դավանում են շիա իսլամ։