Լուելլա Պարսոնս

Լուելլա Պարսոնս; անգլ.՝ Louella Parsons
Ծնվել է	օգոստոսի 6, 1881
Ծննդավայր	Freeport, Իլինոյս, ԱՄՆ
Մահացել է	դեկտեմբերի 9, 1972 (91 տարեկան)
Մահվան վայր	Սանտա Մոնիկա, Լոս Անջելես շրջան, Կալիֆոռնիա, ԱՄՆ
Գերեզման	Սուրբ խաչի գերեզմանատուն
Կրթություն	Dixon High School?
Քաղաքացիություն	ԱՄՆ
Մասնագիտություն	դերասանուհի, լրագրող, սցենարիստ, ռադիոհաղորդավար, կինոքննադատ և գրող
Ամուսին(ներ)	Harry Martin?
Երեխա(ներ)	Harriet Parsons?
Պարգևներ և մրցանակներ	Հոլիվուդյան փառքի ծառուղու աստղ

Լուելլա Պարսոնս (անգլ.՝ Louella Parsons, 1881 թվական օգոստոսի 6, Ֆրիպորտ -1972 թվական դեկտեմբերի 9, Սանտա–Մոնիկաօգոստոսի 6, 1881(1881-08-06)^[1]^[2], Freeport, Իլինոյս, ԱՄՆ - դեկտեմբերի 9, 1972(1972-12-09)^[1], Սանտա Մոնիկա, Լոս Անջելես շրջան, Կալիֆոռնիա, ԱՄՆ), ամերիկյան լրագրողուհի, կինոարտադրող և սյունակագիր^[3]։

Կենսագրություն[խմբագրել | խմբագրել կոդը]

Լուելլա Ռոուզ Օտտինգերը (անգլ.՝ Louella Rose Oettinger) ծնվել է Իլլինոյսում՝ գերմանական արմատներով հրեական ընտանիքում^[4]։ 1905 թվականին նա ամուսնացել է Ջոն Դեմենտ Պարսոնսի հետ, որի ազգանունը վերցրել է։ Մեկ տարի անց ծնվել է դուստրը՝ Հենրիետան, իսկ 9 տարի ամուսնությունից հետո նրանք բաժանվում են։

Կինեմատոգրաֆիան և կինոդերասաններին նվիրված իր առաջին սյունակը նա սկսել է վարել 1914 թվականին "Chicago Record-Herald" թերթում։ Նյու Յորք տեղափոխվելուց հետո Պարսոնսը սկզբում գրել է «New York Morning Telegraph» թերթի համար, իսկ 1923 թվականին պայմանագիր է կնքել Ուիլյամ Ռենդոլֆ Հերստի հետ և սկսել է աշխատել նրա «New York Journal American» թերթում։ 1925 թվականին Փարսոնսի մոտ տուբերկուլյոզ էին ախտորոշել, և նա ստիպված էր լքել Նյու Յորքը և տեղափոխվել ավելի չոր կլիմայով նահանգներ՝ սկզբում Արիզոնա, այնուհետև՝ Լոս Անջելես։

Լոս Անջելեսում նա վերադարձել է իր աշխատանքին՝ դառնալով Հիդլանդի սինդիկացված սյունակագիր Hearst Corporation-ի համար։ Նրա Los Angeles Herald-Examiner-ի սյունակը տպագրվել է աշխարհի ավելի քան վեց հարյուր թերթերում`ավելի քան քսան միլիոն մարդկանց ընթերցմամբ, ինչի պատճառով Պարսոնսը դառնում է Միացյալ Նահանգների ամենաազդեցիկ սյունակագիրը^[3]։ 1928-ին նա դառնում է առաջատար ամենշաբաթյա ռադիոհաղորդավարը, որում նկարահանվում են կինոաստղերը։ Իր կարիերայի հաջորդ տարիներին Պարսոնսը շարունակում է սերտորեն կապված լինել Հյորստի տարբեր ընկերությունների հետ։ Փարսոնը մի քանի անգամ հայտնվել է մեծ էկրանին՝ կատարելով կամեո «Հոլիվուդ Հոթել» (1937), «Անվերապահորեն» (1946) և "Աստղերով օդանավում" (1951) ֆիլմերում։

Տարիների ընթացքում Պարսոնսի կարիերան կապված է եղել իր երբեմնի ընկերուհու՝ Հեդդա Հոփփերի անվան հետ։ Նյու Յորքում աշխատելու ժամանակ Հոպերը Պարսոնին հաճախ պատմել է հոլիվուդյան աստղերի կյանքի տարբեր ասեկոսեներ։ Նրանց փոխադարձ դիմակայությունը, որը լի էր միմյանց հասցեին հեգնական արտահայտություններով, փոփոխական հաջողությամբ տևեց՝ ընդհուպ մինչև Հոպերի մահը^[5]։

1950-ականների սկզբին Պարսոնի ազդեցությունը սկսեց աստիճանաբար նվազել։ 1960 թվականին նրան շնորհվել է «Ոսկե գլոբուս» հատուկ մրցանակ լրագրության բնագավառում ունեցած վաստակի համար։ Պարսոնսը շարունակել է իր սյունակը վարել մինչև 1965 թվականի դեկտեմբերը, որից հետո իր տեղը հանձնել է Դորոթի Մեններսի օգնականին^[3]։ Իր կյանքի վերջին տարիները նա անցկացրել է Սանտա Մոնիկայի ծերանոցում, որտեղ էլ մահացել է աթերոսկլերոզից՝ 1972 թվականին՝ 91 տարեկանում։ Պարսոնսը թաղված է Սուրբ Խաչ գերեզմանատանը, Կալիֆոռնիայում։ Նրա ազդեցությունը շոու-բիզնեսի աշխարհում նշվել է Հոլիվուդի Փառքի ծառուղում՝ կինոյում և ռադիոյում ունեցած ավանդի համար։

1985 թվականին նկարահանվել է հեռուստատեսային ֆիլմ՝ «Բանսարկություններ հրաշքների երկրում», որը պատմում է Հեդդա Հոպերի և Լուելա Պարսոնսի բարդ փոխհարաբերությունների մասին։ Ֆիլմում Պարսոնսի դերը կատարել է Էլիզաբեթ Թեյլորը։ 2001 թվականին Ջենիֆեր Թիլլին կատարել է Պարսոնսի դերը «Մահը Հոլիվուդում» ֆիլմում։

Ծանոթագրություններ[խմբագրել | խմբագրել կոդը]

↑ ^1,0 ^1,1 ^1,2 ^1,3 ^1,4 Encyclopædia Britannica
↑ ^2,0 ^2,1 FemBio տվյալների շտեմարան (գերմ.)
↑ ^3,0 ^3,1 ^3,2 Louella Parsons (American newspaper writer) — Encyclopedia Britannica
↑ Samantha, Barbas The First Lady of Hollywood: A Biography of Louella Parsons. — California: University of Calinfornia Press, 2005. — С. 9. — ISBN 0-520-24213-0
↑ Niven, David Bring On the Empty Horses. — New York: Putnam, 1975. — С. 69. — ISBN 9780399115424. — «[Louella Parsons and Hedda Hopper] were an unlikely couple, but they had one thing in common-they loathed each other.».

Վիքիպահեստն ունի նյութեր, որոնք վերաբերում են «Լուելլա Պարսոնս» հոդվածին։

[_3bc882440168a577-1] 1,0 ^1,1 ^1,2 ^1,3 ^1,4 Encyclopædia Britannica

[_f0b661dae4d34088-2] 2,0 ^2,1 FemBio տվյալների շտեմարան (գերմ.)

[britannica.com-3] 3,0 ^3,1 ^3,2 Louella Parsons (American newspaper writer) — Encyclopedia Britannica

[4] Samantha, Barbas The First Lady of Hollywood: A Biography of Louella Parsons. — California: University of Calinfornia Press, 2005. — С. 9. — ISBN 0-520-24213-0

[5] Niven, David Bring On the Empty Horses. — New York: Putnam, 1975. — С. 69. — ISBN 9780399115424. — «[Louella Parsons and Hedda Hopper] were an unlikely couple, but they had one thing in common-they loathed each other.».

[1]

[2]

[3]

[4]

[5]