Ֆանի Էլոֆ
Ֆանի Էլոֆ | |
---|---|
Ծնվել է | հոկտեմբերի 7, 1885 |
Ծննդավայր | Պրետորիա, ՀԱՀ |
Մահացել է | նոյեմբերի 20, 1947 (62 տարեկան) |
Վախճանի վայրը | Պրետորիա, ՀԱՀ |
Քաղաքացիություն | ՀԱՀ |
Ոճ | իմպրեսիոնիզմ |
Մասնագիտություն | քանդակագործ |
Fanie Eloff Վիքիպահեստում |
Ֆանի Էլոֆ (անգլ.՝ Stephanus Johannes Paulus Eloff, հոկտեմբերի 7, 1885, Պրետորիա, ՀԱՀ - նոյեմբերի 20, 1947, Պրետորիա, ՀԱՀ), հարավաֆրիկացի քանդակագործ։
Կենսագրություն
[խմբագրել | խմբագրել կոդը]Ստեֆանուս Իոհաննես Պաուլուս Էլոֆը Ֆրեդերիկ Քրիստոֆել Էլոֆի (Frederik Christoffel Eloff) և Էլսի Ֆրանցինա Էլոֆի (Elsie Francina Eloff, ծննդյան անունը՝ Կրյուգեր) ընտանիքում եղել է վեցերորդ երեխան և երկրորդ որդին։ Մոր հայրը Հարավաֆրիկյան Հանրապետության 5-րդ նախագահ (1883-1900) Պաուլուս Կրյուգերն էր, որը բնակվում էր նրանցից ոչ հեռու։
Երիտասարդ տարիներին Ֆանի Էլոֆը հարավաֆրիկացի ապագա նկարիչներ Յակոբ Հենդրիկ Պենիֆի (Jacobus Hendrik Pierneef), Ժերար Մուրդեյկի (Gerard Moerdijk) և Գորդոն Լեյթի (Gordon Leith) հետ միասին, մինչև Անգլո-բուրական պատերազմի (1899-1902) սկսվելը հաճախել է Պրետորիայի Staats Model School մոդելային դպրոցը։ Պրետորիայի անկումից հետո 1900 թվականի սեպտեմբերի 3-ին Էլոֆը ընտանիքի և Պաուլ Կրյուգերի հետ միասին գաղթում են Շվեյցարիա։ Կրյուգերի մահից հետո 1904 թվականին ընտանիքը վերադարձել է Պրետորիա և Ֆանի Էլոֆն ավարտել է ուսումը։ Այնուհետև նա ընդունվել է Յոհաննեսբուրգի Հարավաֆրիկյան հանքարդյունաբերության դպրոց, այնտեղ երկրաբանություն ուսումնասիրելու նպատակով[1]։
1908 թվականին Ֆանի Էլոֆը ուսումը շարունակել է Եվրոպայում, Փարիզի Սորբոնի համալսարանում։ Ծանոթանալով հանրահայտ ֆրանսիացի քանդակագործների ստեղծագործություններին, նա որոշեց նվիրվել քանդակագործությանը։ Փարիզում նա ընդունվեց Jardin Des Plantes-ի անատոմիական դասընթացներ և Պիտեր Դևիդ Էդսրոմի (Peter David Edstrom) գեղարվեստական դպրոցի քանդակագործական դասարան[2]։
Կերպարվեստի և պարարվեստի հանդեպ ունեցած սիրո շնորհիվ Էլոֆը ծանոթանում է բալետի փարիզյան դպրոցի վարպետների հետ։ Շատ պարուհիներ նրա համար կեցվածք էին ընդունում, իսկ քանդակագործը հայտնի դարձավ մերկ պարուհիների և մարզիկների քանդակներով։
1924 թվականին քանդակագործը մասնակցեց Փարիզի Օլիմպիադայի շրջանակներում անցկացվող գեղարվեստական մրցույթին[3]։ Այնտեղ ներկայացվեցին նրա «Նիզակ նետողը» և «Բռնցքամարտիկը» աշխատանքները, սակայն քանդակները մրցանակային տեղեր չգրավեցին։
Երկրորդ համաշխարհային պատերազմի տարիներին (1939-1945) Փարիզը գրավել էին գերմանացիները, և Էլոֆը վերադարձավ Հարավային Աֆրիկա։ 1945 թվականին Հարավաֆրիկյան գիտությունների և արվեստի ակադեմիան, արվեստի բնագավառում ունեցած վաստակի համար քանդակագործին պարգևատրեց պատվո մեդալով։ Այդ ժամանակ նրա առողջությունը վատացավ և Էլոֆը արդեն չէր կարող երկար աշխատել։
1947 թվականի նոյեմբերի 20-ին քանդակագործը մահացավ Պրետորիայի հիվանդանոցում, վիրահատության ժամանակ։ Նրա ողջ անշարժ գույքը, ներառյալ Փարիզի արվեստանոցը, 1948 թվականին աճուրդի հանվեցին։ Քանդակագործը թաղված է Պրետորիայի Արևմտյան գերեզմանոցում[4]։
Ցուցահանդեսներ
[խմբագրել | խմբագրել կոդը]- Անհատական ցուցահանդես Pretoria City Hall (1912)
- Ֆանի Էլոֆի և բնանկարիչ Յակոբ Հենդրիկ Պենիֆի համատեղ ցուցահանդեսը Jewish Guild Hall-ում, Յոհաննեսբուրգում (1929)
- Eloff и Pierneef в Pierneef’s House Elangen, համատեղ ցուցահանդես Պրետորիայում (1941)
- Նախաաճուրդային ցուցահանդես Christie’s Gallery-ում, Յոհաննեսբուրգ (1948)
- Նկարչի աշխատանքների հետահայաց ցուցադրություն Mapungubwe Museum-ում, Պրետորիայի համալսարան (2011)
Քանդակներ
[խմբագրել | խմբագրել կոդը]Ներկայումս պահպանվել են քանդակագործի շուրջ 102 աշխատանքներ[5]։ Դրանց որոշ մասը գտնվում է այնպիսի հանրահայտ գեղարվեստական թանգարանների հավաքածուներում, ինչպիսիք են, Պրետորիայի արվեստի թանգարանը, Պրետորիայի համալսարանը, Ժորժ Պոմպիդուի կենտրոնը, Մշակույթի պատմության ազգային թանգարանը, Պ. Կրյուգերի տուն-թանգարանը, Արվեստի ազգային պատկերասրահը Քեյփթաունում, Գիտության և արվեստի հարավաֆրիկյան ակադեմիան։
Գրականություն
[խմբագրել | խմբագրել կոդը]- Ensiklopedie van Suidelike Afrika, Eric Rosenthal, 1967.
- Van Heerden, Rachel Jacoba «Fanie Eloff as beeldhouer». Pretoria. 1963
Պատկերասրահ
[խմբագրել | խմբագրել կոդը]-
Նարգիզ
-
Անտիլոպով ծաղկաման
-
Բալետ II
-
Պարող
-
Հունական կիսանդրի
-
Միություն
Ծանոթագրություններ
[խմբագրել | խմբագրել կոդը]- ↑ De Kamper, Gerard & Chris de Klerk. Sculptured, The complete works of Fanie Eloff. University of Pretoria, 2011, p. 12
- ↑ Van Heerden, RJ. Fanie Eloff as beeldhouer. Unpublished MA dissertation, University of Pretoria, 1963, p. 10
- ↑ «Фани Элофф». Արխիվացված է օրիգինալից 2012 թ․ դեկտեմբերի 16-ին. Վերցված է 2018 թ․ օգոստոսի 8-ին.
- ↑ De Kamper, Gerard & Chris de Klerk. Sculptured, The complete works of Fanie Eloff. University of Pretoria, 2011, p. 14
- ↑ De Kamper, Gerard & Chris de Klerk. Sculptured, The complete works of Fanie Eloff. University of Pretoria, 2011, p. 26-124
Արտաքին հղումներ
[խմբագրել | խմբագրել կոդը]Վիքիպահեստն ունի նյութեր, որոնք վերաբերում են «Ֆանի Էլոֆ» հոդվածին։ |
|