Օզուրգեթի գավառ

Օզուրգեթի գավառ; Озургетский уезд
	Զինանշան
	; Քութայիսի նահանգի զինանշանը
Երկիր	Ռուսական կայսրություն
Կարգավիճակ	գավառ
Մտնում է	Քութայիսի նահանգ
Ներառում է	23 համայնք
Վարչկենտրոն	Օզուրգեթ
Խոշորագույն քաղաք	Օզուրգեթ
Հիմնական լեզու	Վրացերեն, ռուսերեն
Բնակչություն (1897)	90․326
Ազգային կազմ	Վրացիներ (95 %)
Կրոնական կազմ
Տարածք	2,033
Հիմնադրված է	1846 թ.
Պատմական շրջան(ներ)	Գուրիա
	Օզուրգեթի գավառ Վիքիպահեստում

Օզուրգեթի գավառ, վարաքաղաքական միավոր Ռուսական կայսրության կազմում։ 1846-1918 թվականներին մտել է Քութայիսի նահանգի կազմի մեջ։

Գավառի կենտրոնը Օզուրգեթ քաղաքն էր։ Ներառել է ժամանակակից Գուրիայի մարզը։

Պատմություն

Գավառը կազմվել է 1846 թվականին՝ պատմական Գուրիայի իշխանության տարածքում։ Այդ ժամանակ ամբողջ Անդրկովկասը բաժանված էր երկու վարչաքաղաքական միավորի՝ Վրացա-Իմերեթական նահանգ և Կասպիական մարզ։ 1846 թվականին Անդրկովկասում տեղի են ունենում վարչական փոփոխություններ, և ստեղծվում են Թիֆլիսի, Քութայիսի, Շամախիի ու Դերբենդի նահանգները։

1905-1907 թվականների Ռուսական հեղափոխության ընթացքում Օզուրգեթի գավառում բռնկվել է հուժկու գյուղացիական ապստամբություն։ Ստեղծվել է Գուրիայի հանրապետությունը (1905 նոյեմբեր-1906 հունվար), որը, թեև իր կարճ կյանքին և գործունյա ու կենսունակ չլինելուն, առաջին հանրապետությունն էր Անդրկովկասի տարածքում։

1918 թվականին Օզուրգեթի գավառը Քութայիսի նահանգի կազմում մտել է Վրաստանի Դեմոկրատական Հանրապետության կազմի մեջ, իսկ 1921 թվականից՝ Խորհրդային Վրաստանի կազմի մեջ։ Ընթացքում կրել է որոշակի փոփոխություններ

1930 թվականին գավառը բաժանվում է երեք շրջանի՝ Օզուրգեթի, Լանչխութի և Չոխատաուրի։ 1934 թվականին Օզուրգեթն անվանափոխվել է «Մախարաձե»՝ տեղացի կոմունիստ հեղափոխական Ֆիլիպ Մախարաձեի անունով։