Քլելիա Լոլլինի
| Քլելիա Լոլլինի | |
|---|---|
 | |
| Ծնվել է | մայիսի 1, 1890 |
| Ծննդավայր | Հռոմ, Իտալիա |
| Մահացել է | նոյեմբերի 24, 1963 (73 տարեկան) |
| Մահվան վայր | Տրիպոլի, Լիբիա |
| Քաղաքացիություն | .svg){kind=small} Իտալիա և _crowned.svg){kind=small} Իտալիայի թագավորություն |
| Մասնագիտություն | բժիշկ |
| Ծնողներ | հայր՝ Vittorio Lollini?, մայր՝ Էլիզա Ագնինի Լոլլին |
Քլելիա Լոլլինի (մայիսի 1, 1890, Հռոմ, Իտալիա - նոյեմբերի 24, 1963, Տրիպոլի, Լիբիա), իտալացի բժշկուհի։ Օգնել է հիմնել բժշկական կանանց միջազգին ֆեդերացիան և Իտալիայի կանանց բժշկական ասոցիացիան։
Վաղ կյանք[խմբագրել | խմբագրել կոդը]
Քլելիա Լոլլինին ծնվել է Հռոմում, եղել է Վիտտորիո Լոլինիի և Էլիսա Ագնինիի դուստրը։ Նրա հայրը մասնագիտությամբ եղել է իրավաբան, իսկ մայրը` լրագրող և ֆեմինիստ։ Լոլլինիի բոլոր չորս դուստրերը (Օլգա, Կլարա, Լիվիա և Քելլիա) ստացել են բարձրագույն կրթություն։ Քլելիա Լոլլինին բժշկական աստիճանն ստացել է 1915 թվականին[1]։
Կարիերա[խմբագրել | խմբագրել կոդը]
Առաջին համաշխարհային պատերազմի ժամանակ հավաքագրվել և աշխատել է որպես վիրաբույժ Վենետիկի զինվորական հիվանդանոցում[2][3]։ 1919 թվականին Նյու Յորքում մասնակցել է Երիտասարդ Կանանց համաշխարհային քրիստոնեական ասոցիացիայի կին բժիշկների միջազգային խորհրդաժողովին, որտեղ դասախոսություն է կարդացել «մարմնավաճառությունը և սեռավարակների կանխարգելումը Իտալիայում» թեմայով և պատմել իտալական պետական դպրոցների ծրագրում Սոցիալական հիգիենան ներառելու իր ջանքերի մասին[4][5][6][7]։ Նաև բացել է նախածննդյան կլինիկա Հռոմում չամուսնացած կանանց համար[8]։
Դարձել է բժշկական կանանց միջազգային ֆեդերացիայի հիմնադիրներից մեկը։ Նա և Մայրա Կարկուպինո-Ֆերարին շուտով հիմնադրել են Իտալիայի կանանց բժշկական ասոցիացիան (AIDM)[1]: Տուբերկուլյոզի դեմ պայքարի իր սեփական փորձը, այդ թվում՝ առողջարանում երկամյա գտնվելը, հանգեցրել է նրան, որ կենտրոնացել է տուբերկուլյոզի հիվանդների խնամքի վրա։ 1930-1938 թվականներին գլխավորել է Մասսայի հակատուբերկուլյոզային համընկերությունը։ 1938 թվականին տեղափոխվել է Տրիպոլի և այնտեղ շարունակել տուբերկուլյոզի դեմ պայքարի իր աշխատանքը[1]։
Անձնական կյանք և ժառանգություն[խմբագրել | խմբագրել կոդը]
Քլելիա Լոլլինին խոսել է իտալերեն, ֆրանսերեն, գերմաներեն, անգլերեն և արաբերեն։ Մահացել է 1963 թվականին՝ 73 տարեկան հասակում, Տրիպոլիում՝ աչքի վիրահատությունից հետո[1]։
Սիլվիա Մորին գրել է «Polveri di Luna» (2014) վեպը, որը հիմնված է Լոլինիի՝ Մասսայում հակատուբերկուլյոզային համընկերության ղեկավարման տարիների վրա[9]։
Ծանոթագրություններ[խմբագրել | խմբագրել կոդը]
- ↑ 1,0 1,1 1,2 1,3 Silvia Mori, "Clelia Lollini" Enciclopedia delle Donne.
- ↑ Mabel Potter Daggett, Women Wanted: The Story Written in Blood Red Letters on the Horizon of the Great World War (George H. Doran Company 1918): 74.
- ↑ "Dottoresse al fronte? Ecco le donne medico nella Grande Guerra" Estense.com (November 15, 2016).
- ↑ Clelia Lollini, "Prostitution and Prophylaxis of Venereal Disease in Italy" Proceedings of the International Conference of Women Physicians (Woman's Press 1920): 62-66.
- ↑ "International Conference of Women Doctors" The Woman Citizen (September 20, 1919): 393.
- ↑ "The International Conference of Women Physicians" Medical Record (September 27, 1919): 551-552.
- ↑ "Italy and Holland to be Represented at Physicians' Conference" War Work Bulletin (August 29, 1919): 4.
- ↑ Elizabeth O. Toombs, "In the Hands of Women" Good Housekeeping (November 1919): 40.
- ↑ "Le "Polveri di Luna" di Silvia Mori per il ritorno di 'Scrittorincarrara'" Արխիվացված 2017-11-07 Wayback Machine La Gazzetta di Massa e Carrara (January 15, 2015).