Քայլ Սնայդեր
| Քայլ Սնայդեր | |
|---|---|
 | |
| Անձնական տեղեկություն | |
| Սեռ՝ | արական |
| Մասնագիտացում՝ | ըմբիշ և collegiate wrestler |
| Երկիր՝ |  ԱՄՆ |
| Ծննդյան ամսաթիվ՝ | նոյեմբերի 20, 1995 (28 տարեկան) |
| Ծննդավայր՝ | Woodbine[1] |
| Ակումբ՝ | Ohio State Buckeyes wrestling? |
| Մարզիչ(ներ)՝ | Bill Zadick? |
| Հասակ՝ | 181 սանտիմետր |
| Քաշ՝ | 102 կիլոգրամ |
Քայլ Սնայդեր (անգլ.՝ Kyle Snyder; նոյեմբերի 20, 1995, Woodbine[1]), ամերիկացի ազատ ոճի ըմբիշ, աշխարհի եռակի չեմպիոն, 2016 թվականի Օլիմպիական խաղերի մինչև 97 կգ քաշային կարգի չեմպիոն[2], Աշխարհի գավաթի հաղթող։
Կենսագրություն
[խմբագրել | խմբագրել կոդը]Ծնվել է 1995 թվականի նոյեմբերի 20-ին ԱՄՆ Մերիլենդ նահանգում։
Առաջին հաջողությունը Սնայդերին հասել է 2013 թվականին, երբ նա Սոֆիայում կայացած աշխարհի երիտասարդական առաջնության եզրափակչում հաղթել է հայ ըմբիշ Վիկտոր Կազիշվիլիին[3]։
2015 թվականին հաջողության է հասել՝ հաղթելով և Համաամերիկյան խաղերում, և աշխարհի առաջնությունում։ Միևնույն ժամանակ, նա դարձավ ըմբշամարտի աշխարհի ամենաերիտասարդ ամերիկացի չեմպիոնը։
Ռիո դե Ժանեյրոյում 2016 թվականի Օլիմպիական խաղերի եզրափակչում հաղթեց Ադրբեջանի հավաքականը ներկայացնող Խետագա Գոզյումովին՝ դառնալով ազատ ոճի ըմբշամարտի ԱՄՆ-ի ամենաերիտասարդ օլիմպիական չեմպիոնը։
2017 թվականին արծաթ է նվաճել Քերմանշահի աշխարհի գավաթի խաղարկությունում, հաղթել է Լաուրա դի Ֆրեյտասում կայացած Համաամերիկյան առաջնությունում։ Աշխարհի առաջնությունում կրկին ոսկե մեդալ է նվաճել։
Դարձել է թվով չորրորդ ըմբիշը, ով արժանացել է 2017 թվականի Ջեյմս Սալիվանի հեղինակավոր մրցանակին՝ որպես Ամերիկայի Միացյալ Նահանգների նշանավոր սիրողական մարզիկ[4]։
2018 թվականին հաղթել է Այովա Սիթիում կայացած աշխարհի գավաթի խաղարկությունում՝ Ռուսաստանի և Իրանի ուժեղ թիմերի բացակայության պայմաններում։ Աշխարհի 2018 թվականի առաջնությունում նվաճել է արծաթե մեդալ։
2019 թվականին հաղթել է Բուենոս Այրեսի Համաամերիկյան առաջնությունում և Լիմայի Համաամերիկյան խաղերում։ Աշխարհի 2019 թվականի առաջնությունում նվաճել է բրոնզե մեդալ։
2020 թվականին հաղթել է Օտտավայում կայացած Համաամերիկյան առաջնությունում։
2021 թվականին հաղթել է Գվատեմալայում կայացած Համաամերիկյան առաջնությունում։
Հոկտեմբերին Նորվեգիայի մայրաքաղաքում կայացած աշխարհի առաջնությունում դարձել է արծաթե մեդալակիր մինչև 97 կգ քաշային կարգում։ Եզրափակչում զիջել է ռուս ըմբիշ Աբդուլռաշիդ Սադուլաևին։
2022 թվականին, հանդես գալով մինչև 97 կգ քաշային կարգում, ոսկե մեդալներ է նվաճել Ակապուլկոյում կայացած Համաամերիկյան առաջնությունում և Բելգրադում կայացած աշխարհի առաջնությունում։ Աշխարհի առաջնության եզրափակչում հաղթել է սլովակ ըմբիշ Բատիրբեկ Ցակուլովին։
2023 թվականին ոսկե մեդալներ է նվաճել Բուենոս Այրեսի Համաամերիկյան առաջնությունում և Սանտյագոյի Համաամերիկյան խաղերում։ Աշխարհի 2023 թվականի առաջնությունում նվաճել է բրոնզե մեդալ։
2015-2017 թվականներին երեք անգամ արժանացել է Ջոն Սմիթի մրցանակին, որը շնորհվում Է ԱՄՆ-ի տարվա լավագույն ազատ ոճի ըմբիշին[5]։
Ծանոթագրություններ
[խմբագրել | խմբագրել կոդը]- ↑ 1,0 1,1 1,2 http://www.teamusa.org/toronto-2015-pan-american-games/team-usa/wrestling
- ↑ «Kyle Snyder wins gold, becomes youngest U.S. Olympic wrestling champion ever». Արխիվացված օրիգինալից 2017 թ․ օգոստոսի 27-ին. Վերցված է 2017 թ․ հոկտեմբերի 1-ին.
- ↑ Abbott, Gary (2013 թ․ օգոստոսի 17). «UPDATED: Snyder wins gold, Dieringer takes silver in freestyle at Junior Worlds in Bulgaria | TheMat.com - USA Wrestling». TheMat.com. Արխիվացված է օրիգինալից 2013 թ․ սեպտեմբերի 22-ին. Վերցված է 2013 թ․ սեպտեմբերի 23-ին.
- ↑ «Ohio State wrestling champion Kyle Snyder wins Sullivan Award». ESPN. 2018 թ․ ապրիլի 19. Արխիվացված օրիգինալից 2018 թ․ հունիսի 19-ին. Վերցված է 2018 թ․ հուլիսի 8-ին.
- ↑ «Дэвид Тейлор удостоен приза имени Джона Смита». Արխիվացված օրիգինալից 2019 թ․ նոյեմբերի 29-ին. Վերցված է 2019 թ․ ապրիլի 11-ին.
Արտաքին հղումներ
[խմբագրել | խմբագրել կոդը]- teamusa.org
- Кайл Снайдер – օլիմպիական վիճակագրությունը Sports-Reference.com կայքում (անգլ.)
- База данных Федерации «Объединённый мир борьбы» Արխիվացված 2014-10-15 Wayback Machine
- Նոյեմբերի 20 ծնունդներ
- 1995 ծնունդներ
- Ապրող անձինք
- Անձինք այբբենական կարգով
- 20-րդ դարի ամերիկացիներ
- 2016 թվականի Ամառային օլիմպիական խաղերի չեմպիոններ
- 2020 թվականի Ամառային օլիմպիական խաղերի արծաթե մեդալակիրներ
- 21-րդ դարի ամերիկացիներ
- Ամերիկացի ըմբշամարտիկներ
- Ամերիկացի օլիմպիական չեմպիոններ
- Ըմբշամարտի աշխարհի առաջնության մեդալակիրներ
- Օհայո նահանգի համալսարանի շրջանավարտներ