Վլադիմիր Գրիգորյան (նկարիչ)

Անվան այլ կիրառումների համար տե՛ս՝ Վլադիմիր Գրիգորյան (այլ կիրառումներ)

Վիքիպեդիայում կան հոդվածներ Գրիգորյան ազգանունով այլ մարդկանց մասին։

Վլադիմիր Գրիգորյան
Ծնվել է	հոկտեմբերի 17, 1931(1931-10-17) (93 տարեկան)
Ծննդավայր	Լենինական
Քաղաքացիություն	ԽՍՀՄ,  ԱԽՖՍՀ և  Հայաստան
Կրթություն	Փանոս Թերլեմեզյանի անվան գեղարվեստի պետական քոլեջ և Սանկտ Պետերբուրգի գեղարվեստի ակադեմիա
Մասնագիտություն	նկարիչ
Պարգևներ	ՀՀ «Գրիգոր Լուսավորիչ» շքանշան
Ամուսին	Ֆլորա Բաղդասարյան

Վլադիմիր (Վոլոդյա) Կարապետի Գրիգորյան (հոկտեմբերի 17, 1931(1931-10-17), Լենինական, Հայկական ԽՍՀ, ԱԽՖՍՀ, ԽՍՀՄ), հայ գեղանկարիչ։ Հայաստանի նկարիչների միության անդամ (1966)։

Գեղանկարիչ Ֆլորա Բաղդասարյանի ամուսինը։

Կենսագրություն

Վլադիմիր Գրիգորյանը ծնվել է 1931 թվականին Լենինականում։ 1944-1949 թվականներին սովորել է Լենինականի Մերկուրովի անվան գեղարվեստի դպրոցում, 1949-1956 թվականներին՝ Երևանի Փանոս Թերլեմեզյանի անվան գեղարվեստի ուսումնարանում, 1957-1959 թվականներին՝ Լենինգրադի Իլյա Ռեպինի անվան գեղարվեստի ակադեմիայում։ 1961-1974 թվականներին կնոջ հետ ապրել և աշխատել է Ղազախստանում, մինչ 1972 թվականը եղել է Ղազախստանի Թեմիր-Թաու քաղաքի գլխավոր նկարիչը։ 1992-1993 թվականներին նկարիչ ամուսիններն աշխատել են Ավստրալիայում, նկարազարդել են Սիդնեյի հայկական Կաթոլիկ Սուրբ Աստվածածին եկեղեցու որմնանկարները։

Ստեղծագործություններից պահվում են Հայաստանի ազգային պատկերասրահի ֆոնդում, Վանաձորի պատկերասրահում և Մոնղոլիայում։

Ստեղծագործություններ

• «Ծովափին»
• «Կորալ»
• «Սպասում»
• «Գյուղում»
• «Երազանք»
• «Խնձորեսկ»
• «Ֆլորա»
• «Երկուսով»
• «Լեռնային մեղեդի»
• «Զանգեզուրի ազատագրումը»
• «Խոր Վիրապ»
• «Բակ»
• «Ձորափ գյուղում»
• «Մեկնեցին ռազմաճակատ»
• «Նատյուրմորտ»

Պարգևներ

• ՀՀ «Գրիգոր Լուսավորիչ» շքանշան, 1993

Անհատական ցուցահանդեսներ

• Ղազախստան (1962, 1966)
• Մոսկվա(1988)
• Փարիզ (1997, 1998, 2001)
• Սիդնեյ (1992, 1993)
• Երևան (1986, 2011, 2012)