Սթիվեն Ամել

Սթիվեն Ամել
Ծնվել է	մայիսի 8, 1981(1981-05-08) (42 տարեկան)
Ծննդավայր	Տորոնտո, Կանադա
Կրթություն	St. Andrew's College?
Քաղաքացիություն	Կանադա
Մասնագիտություն	կինոդերասան, պրոֆեսիոնալ ըմբշամարտիկ (ռեստլեր) և հեռուստատեսային դերասան
Ընտրանի	Նետ
Ամուսին(ներ)	Քերոլին Լոուրենս և Cassandra Jean?

Ստիվեն Ադամ Ամել (անգլ.՝ Stephen Adam Amell, մայիսի 8, 1981(1981-05-08), Տորոնտո, Կանադա), կանադացի դերասան։ Հայտնի է Օլիվեր Քուին/Կանաչ Նետը դերով «Նետ» հեռուստասերիալում։

Դերասանական կարիերա

2004 թվականին Ամելը նկարահանվել է «Մոտիկ ընկերները» հեռուստասերիալի չորրորդ եթերաշրջանի 2 սերիաներում։ Ամելը մարմնավորել է Ադամին «Դանթեի մանչը» հեռուստասերիալի առաջին եթերաշրջանում, սակայն երկրորդ եթերաշրջանում նրան փոխարինել է Ջոն Ֆլեմինգը։ 2007 թվականին Ամելը հաղթել է Ջեմինի մրցանակաբաշխությունը իր դերով «ՌեԳենեսիս» հեռուստասերիալում։

Նա դերեր է ունեցել «Դա խճճվել է իմ մազերին» և «Հըրթլենդ» հեռուստասերիալներում։ 2010 թվականի դեկտեմբերի 3-ին Ամելը նկարահանվել է Վամպիրի օրագրերը հեռուստասերիալի երկրորդ եթերաշրջանում և մարմնավորել է մարդագայլ Բրեյդիին։

Ամելը մարմնավորել է Ժորան վան դեր Սլութին «Նաթալի Հալոուայ» հեռուստասերիալում, որը հեռարձակվել է 2011 թվականի մայիսին։

2011 թվականի հոկտեմբերի 2-ին Ամելը նկարահանվել է «Կախաղան» հեռուստասերիալի երրորդ եթերաշրջանում և մարմնավորել է Ջեյսոնին։ Նա նաև նկարահանվել է «90210» հեռուստասերիալի չորրորդ եթերաշրջանում Ջիմի դերով։

2011 թվականի հոկտեմբերի 28-ին Ամելը հայտարարում է, որ նա ավարտեց «Նորեկը» հեռուստասերիալի ամանորյա սերիայի նկարահանումները Զոեյ Դեյշենելի և Մաքս Գրինֆիլդի հետ։ 2011 թվականի նոյեմբերի 9-ին նկարահանվել է ABC հեռուստաալիքի «Անձնական պրակտիկա» հեռուստասերիալում մարնավորելով Սքոթիին։

2012 թվականի հունվարին Ամելը ստանում է գլխավոր դեր «Նետ» հեռուստասերիալում, որը սկիզբ է առել «Կանաչ նետը» ծաղրանկարների գրքից։

2015 թվականի մարտի 31-ին Ամելը նկարահանվում է «Նինջա - կրիաներ 2» ֆիլմում՝ մարմնավորելով Քեյսի Ջոնսին։ Այն հեռարձակվելու է 2016 թվականի Հունիսի 3-ին։

Անձնական կյանք

Ամելը ծնվել է Տորոնտոյում։ Նա դերասան Ռոբբի Ամելլի զարմիկն է։

Ամելը ամուսնացած է մոդել և դերասանուհի Քասանդրա Ջինի հետ։ Նրանց ամուսնական արարողությունը եղել է 2012 թվականի դեկտեմբերի 25-ին Կարիբիայում և երկրորորդ անգամ՝ 2013 թվականի մայիսի 26-ին Նոր Օռլեանում։ Նրանք ունեն մեկ դուստր, ով ծնվել է 2013 թվականին։

Ֆիլմագրություն

Ֆիլմ

Տարի	Անվանում	Դեր	Նշումներ
2007	Թրեյսի Ֆրագմենթսը	Դետեկտիվ
2007	Փակելով Մատանին	Թռդի Գորդոն
2009	Ճչացողները	Տղա
2011	Մնա ինձ հետ	Թրեվիս	Կարճամենտրաժ
2016	Նինջա - կրիաներ 2	Քեյսի Ջոնսին

Հեռուստասերիալ

Տարի	Անվանում	Դեր	Նշումներ
2004	Մոտիկ ընկերները	Մարզիչ	2 սերիա
2004	Դեգրասի։ Հաջորդ սերունդը	Դռնապան	Սերիա. «Ուրվականը մեքենայի մեջ. մաս 2»
2005	Կորածը	Իեն Հարինգտոն	Սերիա. «Տարեդարձի թուղթը»
2005	Շրջված	Սպասավոր	Սերիա. «Ռիվեր»
2005	Գեղեցիկ մարդիկ	Ջեյսոն	5 սերիա
2005	Դանթեի մանչը	Ադամ	2 սերիա
2006	Տան հաջորդ դուռը	Բադի Հարելսոն
2006-08	Վարձով զրույց	Բիլի	Գլխավոր դեր. 18 սերիա
2007	ՌեԳենեսիս	Քրեյգ Ռիդելմայեր	2 սերիա
2007-09	Դա խճճվել է իմ մազերին	Մեթև	4 սերիա
2007-12	Հըրթլենդ	Նիք Հարվել	6 սերիա
2009	Պայթյունի կետը	Պիտր Հանդերսոն	Սերիա. «Վերքեր դուրս եկեք»
2010	Կապույտ սարի նահանգը	Թրեվիս ՄաքԿենա	2 սերիա
2010	CSI: Մայամի	Պիտր Թրութ	Սերիա. «Անքունը Մայամիում»
2010	Ջրային ոստիկանություն։ Լոս Անջելես	Մարին Գուների Սերժանտ Էնդրև Ուիվեր	Սերիա. «Առատաձեռնություն»
2010	Խաչվող եզրեր։ Կրակ և Սառույց	Ֆիլիպ Սիվերմ
2011	Վամպիրի օրագրեր	Բրեյդի	2 սերիա
2011	CSI: Հանցանքի վայր	Ա. Գասթ	Սերիա. «73 վայրկյան»
2011	Նատալի Հալոուվայ	Ժորան վան դեր Սլութ
2011	Կախաղանը	Ջեյսոն	10 սերիա
2011	90210	Ջիմ	2 սերիա
2011-12	Նորեկը	Կայլի	2 սերիա
2012	Անձնական պրակտիկա	Սքոթ Բեքեր	7 սերիա
2012-ից	Նետ	Օլիվեր Քուին/Կանաչ Նետ	Գլխավոր
2013	Երբ կանչում է սիրտը	Վին Դելայնի
2014-ից	Ֆլեշ	Օլիվեր Քուին/Կանաչ Նետ	3 սերիա
2015	Ռիլսայդ	Իրեն	Սերիա. «Սուպերհերոսներ»
2015	WWE Raw	Իրեն	2 սերիա
2016	Վաղվա լեգենդները	Օլիվեր Քուին/ Կանաչ Նետ	2 սերիա

Վիքիպահեստն ունի նյութեր, որոնք վերաբերում են «Սթիվեն Ամել» հոդվածին։