Սերգո Միկոյան

Սերգո Միկոյան
Ծնվել է	հունիսի 5, 1929; Մոսկվա, ԽՍՀՄ
Մահացել է	մարտի 6, 2010 (80 տարեկան); Մոսկվա, Ռուսաստան; բնական մահով
Գերեզման	Նովոդեվիչյան գերեզմանոց
Քաղաքացիություն	ԽՍՀՄ և Ռուսաստան
Մասնագիտություն	միջնադարի պատմաբան
Հաստատություն(ներ)	Համաշխարհային տնտեսության և միջազգային հարաբերությունների ինստիտուտ
Ալմա մատեր	Միջազգային հարաբերությունների Մոսկվայի պետական ինստիտուտ (1952)
Գիտական աստիճան	պատմական գիտությունների դոկտոր (1976)
Տիրապետում է լեզուներին	ռուսերեն
Կուսակցություն	ԽՄԿԿ
Հայր	Անաստաս Միկոյան

Վիքիպեդիայում կան հոդվածներ Միկոյան ազգանունով այլ մարդկանց մասին։

Սերգո Անաստասի Միկոյան ({{ԱԾ}^[3]}^[4]^[5]), խորհրդային միջազգայնագետ-պատմաբան, պատմական գիտությունների դոկտոր (1976), Ռուսաստանի ԳԱ Համաշխարհային տնտեսության և միջազգային հարաբերությունների ինստիտուտի գիտական աշխատող, ԽՄԿԿ անդամ (1953 թվականից)։

Անաստաս Միկոյանի որդին է^[6]։

Կենսագրություն

Սերգո Միկոյանը ծնվել է 1929 թվականի հունիսի 5-ին Մոսկվայում։ 1952 թվականին ավարտել է Մոսկվայի միջազգային հարաբերությունների ինստիտուտը, ապա նաև նույն ֆակուլտետի ասպերանտուրան^[6]։ 1960-1969 թվականներին աշխատել է ԽՍՀՄ ԳԱ Համաշխարհային տնտեսության և միջազգային հարաբերությունների ինստիտուտում։ 1970 թվականից եղել է «Լատինական Ամերիկա» («Латинская Америка») ամսագրի գլխավոր խմբագիրը։ Զբաղվել է Ասիայի և Լատինական Ամերիկայի ժողովուրդների ազգային-ազատագրական շարժումների և միջազգային հարաբերությունների խնդիրներով։ Մասնակցել է «Միջազգային հարաբերությունները երկրորդ համաշխարհային պատերազմից հետո» (հ․ 1-3, 1963-1965, ռուս․), «Տնտեսական զարգացման դիվանագիտություն» (1965, ռուս․) կոլեկտիվ աշխատություններին, շուրջ 90 անուն գիտական ուսումնասիրությունների հեղինակ է։ Մասնակցել է միջազգային կոնֆերանսների և կոնգրեսների։ Մեծ ներդրում ունի նաև ակադեմիական լրագրության բնագավառում, որը համատեղել է հետազոտական աշխատանքի հետ, կարդացել հրապարակային դասախոսություններ։ Եղել է Չիկագորյայի համալսարանի պրոֆեսոր, այնուհետև հետազոտող Վաշինգտոնի Վուդրո Վիլսոնի անվան միջազգային հետազոտությունների կենտրոնում, Ջորթոնի համալսարանի պրոֆեսոր^[6]։

1990 թվականից սկսած՝ աշխատել է ԱՄՆ-ում։ Ընթերցողին ներկայացրել է Անաստաս Միկոյանի՝ իր հոր մասին գիրք գրելու առաջին փորձը։ Լինելով Միկոյանի կրտսեր որդին՝ հնարավորություն ուներ հետևելու հոր գործունեությանը, վաղ տարիքից հանդիսանում էր նրա ընտանեկան և ընտանիքից դուրս կյանքի վկան։ Հասուն տարիքում հաճախ է հորն ուղեկցել գործուղումների ընթացքում, նրա հետ եղել է ԽՍՀՄ-ի շատ վայրերում, Հայաստանում, արտասահմանում և, որպես Անաստաս Միկոյանի անձնական քարտուղար՝ մասնակցել է հոր կարևորագույն քաղաքական առաքելություններին՝ այդ թվում նաև արտաքին քաղաքական բնագավառում^[6]։

Պարգևներ

Ակնառու վաստակի համար պարգևատրվել է Պերուի Հանրապետության «Կոմանդոր»-ի աստիճանի շքանշանով^[6]։

Աշխատություններ

Анатомия Карибского кризиса. Москва, Academia, 2006. ISBN 5-87444-242-1
СССР—Мексика: 60 лет сотрудничества. Москва, «Международные отношения», 1984
Куба строит социализм. Москва, 1976
США: государство, политика, выборы. Москва, 1969
Stalinism as I saw it. Kennan Institute for Advanced Russian Studies, 1992
Микоян С. А. Алексей Снегов в борьбе за «десталинизацию» Вопросы истории № 4 стр.69-84, 2006

Ծանոթագրություններ

↑ ^1,0 ^1,1 ^1,2 ^1,3 ^1,4 ^1,5 ^1,6 Հայկական սովետական հանրագիտարան (հայ.) — Երևան: 1981. — հատոր 7. — էջ 542.
↑ AV Production (հայ.) — 2010.
↑ Սերգո Միկոյանի կենսագրությունը zarkfoundation.com կայքում
↑ Умер историк Серго Микоян — lenta.ru
↑ «В Москве на 81-м году жизни умер Серго Микоян». Արխիվացված է օրիգինալից 2010 թ․ մարտի 10-ին. Վերցված է 2010 թ․ մարտի 10-ին.
↑ ^6,0 ^6,1 ^6,2 ^6,3 ^6,4 Հայրս՝ Անաստաս Միկոյանը։Հուշեր/ Սերգո Միկոյան։ Եր․։ Նաիրի, 2007, 308 էջ

Գրականություն

Дабагян Э. С. Памяти Серго Микояна // Новая и новейшая история. 2010. № 5. С. 245—246.
Московская энциклопедия. Том 1: Лица Москвы. Книга 6: А-Я. Дополнения. — М.: ОАО «Московские учебники», 2014

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 7, էջ 542)։

[_c8babdb238fd2714-1] 1,0 ^1,1 ^1,2 ^1,3 ^1,4 ^1,5 ^1,6 Հայկական սովետական հանրագիտարան (հայ.) — Երևան: 1981. — հատոր 7. — էջ 542.

[_32bdab8a966f0aad-2] AV Production (հայ.) — 2010.

[3] Սերգո Միկոյանի կենսագրությունը zarkfoundation.com կայքում

[4] Умер историк Серго Микоян — lenta.ru

[5] «В Москве на 81-м году жизни умер Серго Микоян». Արխիվացված է օրիգինալից 2010 թ․ մարտի 10-ին. Վերցված է 2010 թ․ մարտի 10-ին.

[Հուշեր-6] 6,0 ^6,1 ^6,2 ^6,3 ^6,4 Հայրս՝ Անաստաս Միկոյանը։Հուշեր/ Սերգո Միկոյան։ Եր․։ Նաիրի, 2007, 308 էջ

[1]

[2]

[3]

[4]

[5]

[6]