Սենդի Դենիս

Սենդի Դենիս; անգլ.՝ Sandy Dennis
Ծնվել է	ապրիլի 27, 1937
Ծննդավայր	Հասթինգս, Նեբրասկա, ԱՄՆ
Մահացել է	մարտի 2, 1992[…] (54 տարեկան)
Մահվան վայր	Վեսթփորթ
Կրթություն	Lincoln High School?, HB Studio և Nebraska Wesleyan University?
Քաղաքացիություն	ԱՄՆ
Մասնագիտություն	թատրոնի դերասանուհի, կինոդերասանուհի և հեռուստատեսային դերասանուհի
Պարգևներ և մրցանակներ	Թատերական համաշխարհային մրցանակ «Թոնի» մրցանակ կնոջ լավագույն դերակատարման համար պիեսում և «Թոնի» մրցանակ պիեսում երկրորդ պլանի լավագույն կանացի դերի համար

Սենդի Դենիս (անգլ.՝ Sandy Dennis, ապրիլի 27, 1937(1937-04-27)^[1]^[2]^[3], Հասթինգս, Նեբրասկա, ԱՄՆ - մարտի 2, 1992(1992-03-02)^[1]^[2]^[3]^[…], Վեսթփորթ), ամերիկացի դերասանուհի, 1967 թվականին «Օսկար» մրցանակի դափնեկիր։

Կենսագրություն[խմբագրել | խմբագրել կոդը]

Սանդրա Դեյլ «Սենդի» Դենիսը (անգլ.՝ Sandra Dale «Sandy» Dennis) ծնվել է 1937 թվականի ապրիլի 27-ին Նեբրասկա նահանգի Հասթինգս քաղաքում՝ Իվոնի քարտուղար և փոստային ծառայող Ջեկ Դենիսի ընտանիքում։ Նրանից բացի՝ ընտանիքը նաև ուներ Ֆրենկ անունով որդի։ Նրա մանկությունն անցել է Լինքոլն քաղաքում, որտեղ եղել է թատերախմբի անդամ, իսկ 19 տարեկանում Դենիսը տեղափոխվել է Նյու Յորք։

1956 թվականին Սենդի Դենիսը առաջին քայլերն է արել հեռուստատեսությունում, իսկ 1961 թվականին նա առաջին անգամ նկարահանվել է կինոյում՝ «Շքեղությունը խոտի մեջ» ֆիլմում։ Քիչ ավելի ուշ սկսվել է նրա թատերական կարիերան, և արդեն 1963 թվականին նա արժանացել է «Թոնի» մրցանակի՝ «Լավագույն սկսնակ դերասանուհի» անվանակարգում՝ «Հազար ծաղրածուներ» պիեսում իր խաղացած դերի համար։ Մեկ տարի անց նա նորից «Թոնի» մրցանակ ստացել է՝ «Յուրաքանչյուր չորեքշաբթի» պիեսում իր դերի համար։ 1966 թվականին դերասանուհին խաղացել է Ջորջ Սիգալի կերպարի հարբեցող կնոջ՝ Հանիի դերը «Ո՞վ է վախենում Վիրջինիա Վուլֆից» ֆիլմում, մի դեր, որը նրան բերել է «Օսկար» մրցանակ՝ երկրորդ պլանի լավագույն կանացի դերի համար։ Նրա հաջորդ հաջողված դերերից են եղել Սիլվիան ՝ Բել Կաուֆմանի «Ներքև տանող աստիճանով դեպի վեր» վեպի հիման վրա նկարահանված ֆիլմում (1967), Սառան՝ «Քաղցր նոյեմբեր» ռոմանտիկ կինոնկարում (1968), և Մոնան՝ Էդա Գրաժիկի «Արի՛ ինձ հետ հանդիպման, Ջիմմի՛ Դին, Ջիմմի՛ Դին» (1982) պիեսի էկրանավորման մեջ։

Երկար ժամանակ ապրել է ջազային երաժիշտ Ջերրի Մալիգանի հետ, որից բաժանվել է 1976 թվականին։ 1980 թվականից մինչև 1985 թվականը ապրել է դերասան Էրիկ Ռոբերտսի հետ։

Սենդի Դենիսը մահացել է քաղցկեղից 1992 թվականի մարտի 2-ին՝ 54 տարեկան հասակում, Կոնեկտիկուտ նահանգի Ուեստպորտ քաղաքում։

Ֆիլմերի ընտրանի[խմբագրել | խմբագրել կոդը]

«Վազող հնդկացին» (1991), տիկին Ռոբերտսի դերում
«Սատանայի հեռախոսը» (1988), մորաքույր Լյուսիի դերում
«Տարօրինակ ծնողներ» (1989), Միլլի Դյուի դերում
«Ուրիշ կին» (1988), Քլերի դերում
«Արի՛ ինձ հետ հանդիպման, Ջիմմի՛ Դին, Ջիմմի՛ Դին» (1982), Մոնայի դերում
«Տարվա եղանակներ» (1981), Էնն Քոլանի դերում
«Աստված հրամայել է ինձ» (1976), Մարթա Նիկոլասի դերում
«Եկվորները» (1970), Գվեն Քելլերմանի դերում
«Սիրո հպումը» (1969), Ռոզամունդ Սթեյսիի դերում
«Այն ցուրտ օրը զբոսայգում» (1969), Ֆրենսիս Օսթինի դերում
«Քաղցր նոյեմբեր» (1968), Սառա Դիվերի դերում
«Աղվես» (1967), Ջիլ Բենֆորդի դերում
«Ներքև տանող աստիճանով դեպի վեր» (1967), Սիլվիա Բարեթի դերում
Երեք քույր (1966), Իրինայի դերում
«Ո՞վ է վախենում Վիրջինիա Վուլֆից» (1966), Հանիի դերում
«Շքեղությունը խոտի մեջ» (1961), Քեյի դերում

Պարգևներ[խմբագրել | խմբագրել կոդը]

«Օսկար» 1967 թվական՝ «Երկրորդ պլանի լավագույն կանացի դեր» անվանակարգ («Ո՞վ է վախենում Վիրջինիա Վուլֆից» ֆիլմ)
«Թոնի»

1963 թվական՝ «Երկրորդ պլանի լավագույն կանացի դեր պիեսում » անվանակարգ («Հազար ծաղրածուներ» պիես)

1964 թվական՝ «Լավագույն կանացի դեր պիեսում» («Յուրաքանչյուր չորեքշաբթի» պիես)

Ծանոթագրություններ[խմբագրել | խմբագրել կոդը]

↑ ^1,0 ^1,1 ^1,2 ^1,3 ^1,4 Internet Broadway Database — 2000.
↑ ^2,0 ^2,1 ^2,2 ^2,3 ^2,4 FemBio տվյալների շտեմարան (գերմ.)
↑ ^3,0 ^3,1 ^3,2 ^3,3 ^3,4 Bibliothèque nationale de France data.bnf.fr (ֆր.): տվյալների բաց շտեմարան — 2011.
↑ http://www.theatreworldawards.org/past-recipients.html

Վիքիպահեստն ունի նյութեր, որոնք վերաբերում են «Սենդի Դենիս» հոդվածին։

[_99e2f21785f4dbe9-1] 1,0 ^1,1 ^1,2 ^1,3 ^1,4 Internet Broadway Database — 2000.

[_3f97c1b10d3c1f75-2] 2,0 ^2,1 ^2,2 ^2,3 ^2,4 FemBio տվյալների շտեմարան (գերմ.)

[_f0d6777d34aab76e-3] 3,0 ^3,1 ^3,2 ^3,3 ^3,4 Bibliothèque nationale de France data.bnf.fr (ֆր.): տվյալների բաց շտեմարան — 2011.

[_d73629059895ff41-4] ttp://www.theatreworldawards.org/past-recipients.html

[1]

[2]

[3]

[4]