Ռոզա Գրիգորյան (ճարտարապետ)
Անվան այլ կիրառումների համար տե՛ս՝ Ռոզա Գրիգորյան (այլ կիրառումներ)- Վիքիպեդիայում կան հոդվածներ Գրիգորյան ազգանունով այլ մարդկանց մասին։
| Ռոզա Գրիգորյան | |
|---|---|
| Ծնվել է | մարտի 13, 1904 |
| Ծննդավայր | Դիլիջան, Երևանի նահանգ, Ռուսական կայսրություն |
| Մահացել է | մայիսի 30, 1988 (84 տարեկան) |
| Վախճանի վայր | Երևան, Հայկական ԽՍՀ, ԽՍՀՄ |
| Կրթություն | ՀԱՊՀ (1930) |
Ռոզա Հայկի Գրիգորյան (մարտի 13, 1904, Դիլիջան, Երևանի նահանգ, Ռուսական կայսրություն - մայիսի 30, 1988, Երևան, Հայկական ԽՍՀ, ԽՍՀՄ), հայ ճարտարապետ։ Հայաստանի ճարտարապետների միության անդամ (1938)[1]։ ՀԽՍՀ վաստակավոր շինարար։
Կենսագրություն[խմբագրել | խմբագրել կոդը]
Ռոզա Գրիգորյանը ծնվել է 1904 թվականին, Դիլիջան քաղաքում։ 1930 թվականին ավարտել է Երևանի պոլիտեխնիկական ինստիտուտը։ 1938 թվականից եղել է Հայաստանի ճարտարապետների միության անդամ[1]։ Աշխատել է Ալեքսանդր Թամանյանի արվեստանոցում։ Մասնակցել է Երևան քաղաքի գլխավոր հատակագծի ստեղծման աշխատանքներին[2]։
Մահացել է 1988 թվականին, Երևանում։
Հիմնական աշխատանքներ[խմբագրել | խմբագրել կոդը]
- Դիլիջան քաղաքի գլխավոր հատակագիծը (1980)
- Հայաստանի Վեդի, Մարտունի, Թալին քաղաքների նախագծեր
- Արարատ, Բամբակաշատ, Վանաշեն, Ֆանտան գյուղերի նախագծեր
- Արզնի առողջարանի նախագիծ
- Արմավիր և Սպիտակ քաղաքների հրապարակների նախագծեր
- Բնակելի տներ Ազիզբեկով, Սպիտակ և այլ քաղաքներում
- Կալինինոյի շրջգործկոմ
- ՀԽՍՀ-ում կառուցվող բնակելի տների տիպային նախագծեր
Պարգևներ, մրցանականեր[խմբագրել | խմբագրել կոդը]
- Կին ճարտարապետների համամիութենական մրցույթի դափնեկիր, 1948
- ՀԽՍՀ բարձրագույն խորհրդի նախագահության պատվոգիր, 1960
- ՀԽՍՀ վաստակավոր շինարար
Ծանոթագրություններ[խմբագրել | խմբագրել կոդը]
- ↑ 1,0 1,1 «Члены союза, Григорян Роза Гайковна». uaa.am. Վերցված է 2019 թ․ մարտի 13-ին.(չաշխատող հղում)
- ↑ «AV Production - Ռոզա Գրիգորյան». avproduction.am. Արխիվացված է օրիգինալից 2020 թ․ օգոստոսի 8-ին. Վերցված է 2019 թ․ մարտի 13-ին.