Ուրսուլա Պլասնիկ
| Ուրսուլա Պլասնիկ | |
| |
| Կուսակցություն՝ | Ավստրիայի ժողովրդական կուսակցություն |
|---|---|
| Կրթություն՝ | Վիեննայի համալսարան և Եվրոպական քոլեջ |
| Մասնագիտություն՝ | դիվանագետ և քաղաքական գործիչ |
| Դավանանք | լյութերականություն |
| Ծննդյան օր | մայիսի 23, 1956[1][2] (68 տարեկան) |
| Ծննդավայր | Կլագենֆուրտ, Ավստրիա |
| Քաղաքացիություն |  Ավստրիա
|
| Պարգևներ | |
Ուրսուլա Պլասնիկ (գերմ.՝ Ursula Plassnik, մայիսի 23, 1956[1][2], Կլագենֆուրտ, Ավստրիա), ավստրիացի պետական և քաղաքական գործիչ, 2004 թվականի հոկտեմբերի 20-ից մինչև 2008 թվականի դեկտեմբերի 2-ն Ավստրիայի արտաքին գործերի նախարար[4]։
Կենսագրություն
[խմբագրել | խմբագրել կոդը]Ուրսուլա Պլասնիկը ծնվել է 1956 թվականի մայիսի 23-ին Կլագենֆուրտում։ Կրթություն է ստացել Վիեննայի համալսարանում, ինչպես նաև Բրյուգգեի Եվրոպայի քոլեջում[5]։ Աշխատել է Ավստրիայի արտաքին գործերի նախարարության համակարգում։ 1997-2000 թվականներին Ավստրիայի փոխկանցլեր Վոլֆգանգ Շյուսելի քարտուղարության պետ է եղել։ Ուրսուլա Պլասնիկն արագ դարձել է Շյուսելի վստահված անձը, և այն բանից հետո, երբ 2000 թվականին նա գլխավորել է երկրի կառավարությունը, աշխատակազմում զբաղեցրել է քարտուղարության պետի պաշտոնը։ Այդ պաշտոնից հեռացել է 2004 թվականին, որից հետո շարունակել է դիվանագիտական կարիերան։ 2004 թվականի հունվար-հոկտեմբեր ամիսներին Շվեյցարիայում եղել է Ավստրիայի դեսպանը[6]։
2004 թվականի հոկտեմբերի 20-ից մինչև 2008 թվականի դեկտեմբերի 2-ը եղել է Ավստրիայի արտաքին գործերի նախարար։ Այդ պաշտոնն զբաղեցրել էր արտաքին գործերի գործող նախարար Բենիտա Ֆերերո-Վալդների՝ Եվրոպական հանձնաժողովում աշխատանքի անցնելուց հետո։ Նախարարի պաշտոնում նշանակվելուց հետո Պլասնիկը, որն ավելի վաղ հայտարարել էր սոցիալ-դեմոկրատական համոզմունքների մասին, ընդգրկվել է Ավստրիական պահպանողական ժողովրդական կուսակցության կազմում։ Ուրսուլա Պլասնիկը պահպանել է իր պաշտոնը նաև Ալֆրեդ Գուզենբաուերի կառավարությունում։ Ալֆրեդ Գուզենբաուերի կառավարության անկումից հետո հրաժարական է տվել և մինչև 2011 թվականի հուլիսը Ավստրիայի ազգային խորհրդի պատգամավոր մնացել։ 2011-2016 թվականներին Ֆրանսիայում եղել է Ավստրիայի դեսպանը։ 2016 թվականի սեպտեմբերի 1-ից աշխատում է Շվեյցարիայում Ավստրիայի դեսպան։
Պլասնիկը ամուսնացել է երկու անգամ։ Տիրապետում է գերմաներենի, անգլերենի և ֆրանսերենի։ Պատվո լեգեոնի շքանշանի սպա է, եռակողմ հանձնաժողովի անդամ։
Մրցանակներ և կոչումներ
[խմբագրել | խմբագրել կոդը]- Պատվո լեգեոնի շքանշանի սպա
- «Իտալիայի Հանրապետությանը մատուցած ծառայությունների համար» շքանշանի մեծ խաչի ասպետ
Ծանոթագրություններ
[խմբագրել | խմբագրել կոդը]- ↑ 1,0 1,1 Բրոքհաուզի հանրագիտարան (գերմ.)
- ↑ 2,0 2,1 Munzinger Personen (գերմ.)
- ↑ https://www.kongehuset.no/tildelinger.html?tid=28028&sek=27995&q=Plassnik%2C+Ursula&type=27120&aarstall=2007 — Norwegian royal family.
- ↑ Austrian Foreign Min: End Lebanon-Israel Conflict Now Արխիվացված Սեպտեմբեր 27, 2007 Wayback Machine, Easy Bourse
- ↑ Team Արխիվացված 2020-04-30 Wayback Machine Foreign Policy and United Nations Association of Austria (UNA-AUSTRIA).
- ↑ Turkish OSCE veto causes a stir Արխիվացված 2011-06-15 Wayback Machine Austrian Independent 6 June 2011
Արտաքին հղումներ
[խմբագրել | խմբագրել կոդը]- The Foreign Minister Wayback Machine (արխիվացված 2007-10-15(Timestamp length))
 | Վիքիպահեստն ունի նյութեր, որոնք վերաբերում են «Ուրսուլա Պլասնիկ» հոդվածին։ |
| ||||||||||||||||
- Վիեննայի համալսարանի շրջանավարտներ
- Մայիսի 23 ծնունդներ
- 1956 ծնունդներ
- Ապրող անձինք
- Քլանգեֆուրտ քաղաքում ծնվածներ
- Պատվո լեգեոնի շքանշանի սպաներ
- «Իտալիայի Հանրապետությանը մատուցած ծառայությունների համար» շքանշանի մեծ խաչի ասպետներ
- Անձինք այբբենական կարգով
- Ավստրիայի արտաքին գործերի նախարարներ
- Ավստրիայի քաղաքական գործիչներ
- Արտաքին գործերի կին նախարարներ
- Ավստրիացի դիվանագետներ