Նիկոլայ Սադովսկի

Նիկոլայ Սադովսկի; ուկրաիներեն՝ Микола Карпович Садовський
Ծնվել է	հուլիսի 6 (18), 1856
Ծննդավայր	Կամենո-Կոստովատոե, Bobrinetsky Uyezd, Խերսոնի նահանգ, Ռուսական կայսրություն
Մահացել է	փետրվարի 7, 1933 (76 տարեկան)
Մահվան վայր	Կիև, Ուկրաինական ԽՍՀ, ԽՍՀՄ
Գերեզման	Բայկովո գերեզմանատուն
Կրթություն	Ելիզավետգրադի տեղական ռեալական ուսումնարան
Քաղաքացիություն	Ռուսական կայսրություն, Ռուսական հանրապետություն, Ուկրաինայի Ժողովրդական Հանրապետություն, Ուկրաինական պետություն, Ուկրաինական ԽՍՀ և ԽՍՀՄ
Ազգություն	ուկրաինացի
Կրոն	ուղղափառություն
Մասնագիտություն	դերասան, թատերական ռեժիսոր և թատրոնի դերասան
Ծնողներ	հայր՝ Կարպո Տոբիլևիչ, մայր՝ Եվդոկիա Սադովսկա
Երեխա(ներ)	Նիկոլայ Տոբիլևիչ

Նիկոլայ Կարպովիչ Սադովսկի (իսկական ազգանունը՝ Տոբիլևիչ, հուլիսի 6 (18), 1856, Կամենո-Կոստովատոե, Bobrinetsky Uyezd, Խերսոնի նահանգ, Ռուսական կայսրություն - փետրվարի 7, 1933(1933-02-07)^[1], Կիև, Ուկրաինական ԽՍՀ, ԽՍՀՄ), ուկրաինացի դերասան, ռեժիսոր։

Ի․ Կ․ Կարպենկո-Կարիի և Պ․ Կ․ Սակսագանսկու եղբայրը։

Կենսագրություն

Պրոֆեսիոնալ թատրոնում գործունեությունն սկսել է 1881-ին, աշխատել Մ․ Լ․ Կրոպիվնիցկու, Մ․ Պ․ Ատարիցկու և այլոց թատերախմբերում։ 1888-ին Մ․ Կ․ Զանկովեցկայայի հետ գլխավորել է սեփական թատերախումբը (1898-ին միացել է Սակսագանսկու, 1900-ին՝ Կրոպիվնիցկու թատերախմբերին), որը դարձել է ուկրաինական լավագույն կոլեկտիվներից։

1906-ին կազմակերպել է առաջին մշտական ուկրաինական պրոֆեսիոնալ թատրոնը (գործել է Պոլտավայում, ապա մինչև 1920-ը՝ Կիևում), առաջին անգամ այստեղ ուկրաիներեն բեմադրվել են Գոգոլի «Ռևիզորը» (1907), Ա․ Օստրովսկու «Եկամտաբեր պաշտոն»-ը (1909) ևն։

Սադովսկիի դերասանական արվեստի վրա ազդել են Գոգոլի, Շևչենկոյի, Շչեպկինի գեղագիտական հայացքները, նրա խաղին բնորոշ էր ազգ․ ինքնօրինականությունը, անկեղծությունն ու պարզությունը՝ զուգակցված գունեղ պլաստիկային և երաժշտականությանը։

Ստեղծել է ողբերգական կերպարներ՝ Սավվա (Կարպենկո-Կարիի «Սավվա Չալի»), Բոգդան (Ատարիցկու «Բոգդան Խմելնիցկի»), Կոմանդոր (Լ. Ուկրաինկայի «Քարե տիրակալը») ևն։ Խաղացել է նաև կատակերգական և բնութագրական դերեր (Պուզիր, Կարպենկո-Կարիի «Տերը», Քաղաքագլուխ, Գոգոլի «Ռևիզոր» ևն)։

1920–26-ին ապրել է արտասահմանում, վերադառնալուց հետո Ուկրաինայի տարբեր թատրոններում խաղացել է նախկին դերերը։

Ծանոթագրություններ

↑ ^1,0 ^1,1 ^1,2 Енциклопедія історії України (укр.) — Київ: Наукова думка, 2003. — ISBN 966-00-0632-2

Վիքիպահեստն ունի նյութեր, որոնք վերաբերում են «Նիկոլայ Սադովսկի» հոդվածին։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 10, էջ 110)։

[_dfa806db236f4550-1] 1,0 ^1,1 ^1,2 Енциклопедія історії України (укр.) — Київ: Наукова думка, 2003. — ISBN 966-00-0632-2

[1]