Նելլի Ասատրյան

Նելլի Ասատրյան
Ծնվել է	հոկտեմբերի 6, 1944 (79 տարեկան)
Ծննդավայր	Երևան, Հայկական ԽՍՀ, ԽՍՀՄ
Քաղաքացիություն	Հայաստան
Կրթություն	Փանոս Թերլեմեզյանի անվան գեղարվեստական ուսումնարան (1966) և Երևանի պետական գեղարվեստա-թատերական ինստիտուտ (1971)
Մասնագիտություն	նկարչուհի
Ժանր	Գոբելեն և գրաֆիկա
Անդամակցություն	ԽՍՀՄ նկարիչների միություն
	Նելլի Ասատրյան Վիքիդարանում

Վիքիպեդիայում կան հոդվածներ Ասատրյան ազգանունով այլ մարդկանց մասին։

Նելլի Օնիկի Ասատրյան (հոկտեմբերի 6, 1944(1944-10-06), Երևան, Հայկական ԽՍՀ, ԽՍՀՄ), հայ նկարչուհի, գոբելենագործ։ ԽՍՀՄ նկարիչների միության անդամ (1966)։

Կենսագրություն[խմբագրել | խմբագրել կոդը]

1966 թվականին ավարտել է Երևանի գեղարվեստի ուսումնարանը, 1971 թվականին՝ Երևանի պետական գեղարվեստա-թատերական ինստիտուտը։ Ստեղծագործում է հիմնականում գոբելենի և գրաֆիկայի բնագավառում^[1]։

Ասատրյանի աշխատանքներով հետաքրքրված մի շարք ճարտարապետներ առաջարկել են նկարչուհուն մասնակցել ճարտարապետական կառույցների ինտերիերի ձևավորմանը։ Աշխատանքներից գտնվում են Երևանի մարզահամերգային համալիրում, Դիլիջանի կինոմատոգրաֆիստների տանը, «Դվին» համալիրում, Եղիշե Չարենցի տուն-թանգարանում, Արամ Խաչատրյանի տուն-թանգարանում, գոբելենային աշխատանքներից պահպանվում են Սարդարապատի թանգարանում, Հայաստանի ազգային պատկերասրահում^[2], տարբեր անհատական հավաքածուներում։

Ստեղծագործություններ[խմբագրել | խմբագրել կոդը]

Գործերից են՝

«Պոեզիա։ Հայաստան» (1975, Կարեն Դեմիրճյանի անվան մարզահամերգային համալիր) գոբելեն
«Երիտասարդություն» (1976, Երիտասարդության պալատ) գոբելեն
«Դիլիջան» (1977, Դիլիջանի կինեմատոգրաֆիստների տուն) գոբելեն
«Քրիստոսի փորձությունը անապատում», 1996, գրաֆիկական շարքեր
«Ադամն ու Եվան դրախտում», 1996, գրաֆիկական շարքեր

Նելլի Ասատրյանի «Բեատրիչեն ուղեկցում է Դանթեին յոթերորդ երկինք» և «Բեատրիչեն ու Դանթեն դրախտի դռների մոտ» (երկուսն էլ՝ 2001) գրաֆիկական գործերը ցուցադրվել են Ռավեննայում։ «Հայաստան» գոբելենը Լատվիայում մասնակցել է գոբելենի միջազգային սիմպոզիումին^[3]։

Նելլի Ասատրյանի աշխատանքների թեմատիկան բազմազան է՝ դիմանկարներ, հունական դիցաբանություն, Աստվածաշնչյան թեմաներ, Դանթեական շարք, կրկեսային և այլ թեմատիկ գրաֆիկական աշխատանքներ, ինչպես նաև աշխատանքներ արված քրոջ՝ Անահիտ Ասատրյանի պոեզիայի հիման վրա։

Ցուցահանդեսներ[խմբագրել | խմբագրել կոդը]

Անհատական ցուցահանդեսներ է ունեցել Երևանում (1996, 2004, 2021^[4])։ Ասատրյանի աշխատանքները ցուցադրվել են Հունաստանում, Իտալիայում, Ռուսաստանում։

Պատկերասրահ[խմբագրել | խմբագրել կոդը]

Նելլի Ասատրյանի աշխատանքների ցուցահանդեսը Հայաստանի նկարիչների միությունում, 2021
Նելլի Ասատրյանի աշխատանքների ցուցահանդեսը Հայաստանի նկարիչների միությունում, 2021

Ծանոթագրություններ[խմբագրել | խմբագրել կոդը]

↑ Ով ով է. Հայեր. Կենսագրական հանրագիտարան, հատոր առաջին, Երևան, 2005.
↑ «Շտեմարան - Հավաքածու - Հայաստանի ազգային պատկերասրահ». www.gallery.am. Վերցված է 2021 թ․ հուլիսի 26-ին.
↑ Նելլի Ասատրյան (Գրաֆիկա, ալբոմ), 2021, ISBN 978-9939-0-3680-9
↑ Աբունց, Սոնա (2021 թ․ հուլիսի 17). «Գոբելեն ու գրաֆիկա. տեղի ունեցավ նկարչուհի Նելլի Ասատրյանի ցուցահանդեսը». FreeNews. Վերցված է 2021 թ․ հուլիսի 19-ին.

Վիքիդարանն ունի նյութեր, որոնք վերաբերում են «Նելլի Ասատրյան» հոդվածին։

[1] Ով ով է. Հայեր. Կենսագրական հանրագիտարան, հատոր առաջին, Երևան, 2005.

[2] «Շտեմարան - Հավաքածու - Հայաստանի ազգային պատկերասրահ». www.gallery.am. Վերցված է 2021 թ․ հուլիսի 26-ին.

[3] Նելլի Ասատրյան (Գրաֆիկա, ալբոմ), 2021, ISBN 978-9939-0-3680-9

[4] Աբունց, Սոնա (2021 թ․ հուլիսի 17). «Գոբելեն ու գրաֆիկա. տեղի ունեցավ նկարչուհի Նելլի Ասատրյանի ցուցահանդեսը». FreeNews. Վերցված է 2021 թ․ հուլիսի 19-ին.

[1]

[2]

[3]

[4]