Յակով Ֆլիեր

Յակով Ֆլիեր; ռուս.՝ Я́ков Флие́р
Ծնվել է	հոկտեմբերի 21, 1912
Ծննդավայր	Օրեխովո-Զուևո
Մահացել է	դեկտեմբերի 18, 1977 (65 տարեկան)
Մահվան վայր	Մոսկվա, ԽՍՀՄ
Գերեզման	Կունցևսկոե գերեզմանատուն
Քաղաքացիություն	Ռուսական կայսրություն և ԽՍՀՄ
Կրթություն	Մոսկվայի կոնսերվատորիա
Մասնագիտություն	դաշնակահար, համալսարանի դասախոս և երաժշտության ուսուցիչ
Աշխատավայր	Մոսկվայի կոնսերվատորիա
Պարգևներ և ; մրցանակներ	; և
Երեխաներ	Andrei Flier?
	Yakov Flier Վիքիպահեստում

Յակով Վլադիմիրովիչ Ֆլիեր (հոկտեմբերի 21, 1912(1912-10-21), Օրեխովո-Զուևո^[1] - դեկտեմբերի 18, 1977(1977-12-18)^[2], Մոսկվա, ԽՍՀՄ), խորհրդային դաշնակահար, ԽՍՀՄ ժողովրդական արտիստ (1966)։ ԽՄԿԿ անդամ 1943 թվականից։

1934 թվականին ավարտել է Մոսկվայի կոնսերվատորիան (Կ․ Ն․ Իգումնովի դաշնամուրի դասարանը), 1937 թվականին ասպիրանտուրան։ Համերգներով հանդես է եկել 1935 թվականից, հյուրախաղերով՝ Եվրոպայի երկրներում, ԱՄՆ–ում և Ճապոնիայում։

Առաջին մրցանակներ՝ երաժիշտ–կատարողների Համամիութենական 1-րդ (Լենինգրադ, 1935) և դաշնակահարների միջազգային (Վիեննա, 1936), 3-րդ մրցանակ՝ Է․ Իզաիի անվան դաշնակահարների միջագգային (Բրյուսել, 1938) մրցույթներում։

1937 թվականից դասավանդել է Մոսկվայի կոնսերվատորիայում, 1947 թվականից պրոֆեսոր, 1965 սկսած դաշնամուրի ֆակուլտետի դեկան։ Ֆլիերի աշակերտներից են Լև Վլասենկոն, Բելլա Դավիդովիչը, Ռոդիոն Շչեդրինը, Սամվել Ալումյանը, Միխայիլ Պլետնյովը։

Ֆլիերը համարվում է խորհրդային լավագույն դաշնակահարներից մեկը, սակայն ավելի շատ զբավել է դասախոսությամբ, և մինչև 1962 թվականը հանդես չի եկել ԽՍՀՄ-ից դուրս, այսպիսով հանրաճանաչությամբ զիջելով Սվյատոսլավ Ռիխտերին և Էմիլ Գիլելսին։

Ժամանակակիցների կարծիքով, Ֆլիերը եղել է վիրտուոզ դաշնակահար։ Նրա երաժշտական ցանկը կազմված է եղել ռոմանտիկ երգահանների ստեղծագործություններով՝ Ռոբերտ Շուման, Ֆրեդերիկ Շոպեն, Ֆերենց Լիստ, Սերգեյ Ռախմանինով նաև կատարել է իր ժամանակակիցների ստեղծագործություններից, օրինակ Դմիտրի Կաբալևսկիի գործերը։ Ֆլիերի սակավաթիվ պահպանված ձայնագրություններից է դաշնամուրի համերգը Արամ Խաչատրյանի դիրիժորությամբ։

Պարգևատրվել է 4 շքանշանով։

Գրականություն

Яков Флиер. Статьи, воспоминания, интервью. Составители Е. Б. Долинская, М. М. Яковлев. М.: Сов. композитор, 1983.
Цыпин Г. М. Я. В. Флиер. М.: Музыка, 1972.
Черников О. Рояль и голоса великих. Ростов-на-Дону: Феникс, 2011. — 224 стр. ISBN 978-5-222-17864-5

Արտաքին հղումներ

Яков Флиер(անգլ.) Allmusic կայքում
Յակով Ֆլիեր Орехово-Зуево կայքում Արխիվացված 2007-04-29 Wayback Machine

Ծանոթագրություններ

↑ ^1,0 ^1,1 ^1,2 Флиер Яков Владимирович // Большая советская энциклопедия (ռուս.): [в 30 т.] / под ред. А. М. Прохорова — 3-е изд. — М.: Советская энциклопедия, 1969.
↑ ^2,0 ^2,1 ^2,2 Bibliothèque nationale de France data.bnf.fr (ֆր.): տվյալների բաց շտեմարան — 2011.

Վիքիպահեստն ունի նյութեր, որոնք վերաբերում են «Յակով Ֆլիեր» հոդվածին։

[_b3e837e317198397-1] 1,0 ^1,1 ^1,2 Флиер Яков Владимирович // Большая советская энциклопедия (ռուս.): [в 30 т.] / под ред. А. М. Прохорова — 3-е изд. — М.: Советская энциклопедия, 1969.

[_bd6301d30818af15-2] 2,0 ^2,1 ^2,2 Bibliothèque nationale de France data.bnf.fr (ֆր.): տվյալների բաց շտեմարան — 2011.

[1]

[2]