Վիքիպեդիայից՝ ազատ հանրագիտարանից
Մեհյան (այլ կիրառումներ) «Մեհյան» , գրական-գեղարվեստական միամսյա հանդես։ Լույս է տեսել 1914 թվականին (7 համար), Կ․ Պոլսում ։ Տնօրեն-խմբագրապետ՝ Կոստան Զարյան , խմբագիրներ՝ Գեղամ Բարսեղյան , Հակոբ Քյուֆեճյան (Օշական )։ Արևմտահայ իրականության մեջ 1910 -ական թվականներին ծագած, այսպես կոչված, հեթանոսական գրական շարժման (մեհենական հոսանք) ներկայացուցիչների հրատարակություն։ Ձգտել է բարձրացնել գրականության դերը Ժողովրդի բարոյական նկարագրի ձևավորման գործում, նպաստել հայ ժողովրդի տարանջատված հատվածների հոգևոր միասնությանը, մերժել է «ռուսահայ» , «թրքահայ» , «կովկասահայ» հասկացությունները գրական ասպարեզում։ Անդրադարձել է Ռուբեն Զարդարյանի , Գեղամ Տեր-Կարապետյանի , Հակոբ Մնձուրու , Հրանտ Նազարյանի , Տիրան Չրաքյանի (Ինտրա), Լեւոն Շանթի , Վրթանես Փափազյանի և ուրիշների ստեղծագործություններին։ Քննադատական հոդվածներով բարձրացրել է գրական արժեքների վերագնահատման հարցը։ Աշխատակցել են Դանիել Վարուժանը , Վահան Թեքեյանը , Հակոբ Սիրունին , Լևոն Էսաճանյանը , Ռ․ Շիշմանյանը և ուրիշներ։
Ստեղծագործությունների տեքստ
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 7, էջ 444 )։
Անվան այլ կիրառումների համար տե՛ս՝ Մեհյան (այլ կիրառումներ)
.png)
.svg){kind=small}
Օսմանյան կայսրություն
