Մարգարեթ Շրամբյոք
| Մարգարեթ Շրամբյոք գերմ.՝ Margarete Schramböck | |
|---|---|
.jpg) | |
| Ծնվել է | մայիսի 12, 1970[1] (54 տարեկան) |
| Ծննդավայր | St. Johann in Tirol, Kitzbühel District, Տիրոլ, Ավստրիա |
| Քաղաքացիություն |  Ավստրիա |
| Կրթություն | Վիեննայի պետական տնտեսագիտական համալսարան և գիմնազիա |
| Գիտական աստիճան | Doctor of Social Science? |
| Մասնագիտություն | քաղաքական գործիչ, մենեջեր, տնտեսագետ և հասարակական գիտությունների ոլորտում գիտնական |
| Աշխատավայր | Ավստրիայի դաշնային կառավարություն |
| Զբաղեցրած պաշտոններ | Federal Minister for Digital and Economic Affairs?, Ավստրիայի ազգային խորհրդի անդամ, Federal Minister for Digital and Economic Affairs?, Federal Minister for Digital and Economic Affairs? և Federal Minister for Digital and Economic Affairs? |
| Կուսակցություն | Ավստրիայի ժողովրդական կուսակցություն[2] |
| Պարգևներ և մրցանակներ | |
 Margarete Schramböck Վիքիպահեստում | |
Մարգարեթ Շրամբյոք (գերմ.՝ Margarete Schramböck; մայիսի 12, 1970[1], St. Johann in Tirol, Kitzbühel District, Տիրոլ, Ավստրիա), ավստրիացի բիզնես մենեջեր և քաղաքական գործիչ, որն աշխատել է որպես թվային և տնտեսական հարցերի նախարար Սեբաստիան Կուրցի կառավարությունում, Շալենբերգի կառավարությունում, իսկ 2020 թվականի հունվարից մինչև 2022 թվականի մայիսը՝ Նեհամերի երկրորդ կառավարությունում, նախկինում աշխատել է այս պաշտոնում 2017 թվականի դեկտեմբերից մինչև 2019 թվականի հունիսը՝ Կուրցի առաջին կառավարությունում։ 2016 թվականի մայիսից մինչև 2017 թվականի հոկտեմբերը եղել է A1 Telekom Austria-ի գլխավոր գործադիր տնօրենը։ Շրամբյոքը Ավստրիայի ժողովրդական կուսակցության անդամ է։
Կրթություն
[խմբագրել | խմբագրել կոդը]Շրամբյոքը ծնվել է 1970 թվականի մայիսի 12-ին՝ Տիրոլի Սուրբ Յոհանում։ Սովորել է Սանկտ Յոհանի գիմնազիայում, որն ավարտել է 1989 թվականին։
Շրամբյոքը 1994 թվականին Վիեննայի տնտեսագիտության և բիզնեսի համալսարանում ստացել է մագիստրոսի կոչում՝ սոցիալական և տնտեսական գիտությունների ոլորտում (Mag. rer. soc. oec.)՝ ուսումնասիրելով ադամանդի միջազգային շուկա թեմայով մագիստրոսական թեզը։ 1997թվականին նույն դպրոցում ստացել է սոցիալական և տնտեսական գիտությունների դոկտորի աստիճան ՝ բիզնես խորհրդատվության ապագայի վերաբերյալ ատենախոսությամբ։ Նա շարունակել է կրթությունը՝ ընդունվելով Լիոնի համալսարան, ավարտել է 1999 թվականին[3]։
Կարիերան մասնավոր հատվածում
[խմբագրել | խմբագրել կոդը]1995 թվականից սկսած Շրամբյոքն աշխատում էր Alcatel-Lucent-ում՝ տարբեր պաշտոններում։ 1995 թվականից մինչև 1997 թվականը եղել է Կենտրոնական և Արևելյան Եվրոպայի աուդիտոր։ 1997 թվականին տեղափոխվել է ընկերության E Business թև՝ 1997 թվականից աշխատելով որպես ակտիվների կառավարման բաժնի ղեկավար, իսկ 1999 թվականից Ավստրիայի սպասարկման տնօրեն։ 2000 թվականին դարձել է NextIraOne Ավստրիայի հիմնադիր գործադիր տնօրենը։ 2008-2011 թվականներին նաև ղեկավարել է NextIraOne Գերմանիան։ Երբ ընկերությունը 2014 թվականին վերցրել է Dimension Data-ը՝ Շրամբյոքը ընկերությունում մնացել է որպես Dimension Data Austria-ի գործադիր տնօրեն[4][5]։
2016 թվականի մայիսի 1-ից Շրամբյոքը դարձել է A1 Telekom Austria-ի՝ երկրի խոշորագույն հեռահաղորդակցման պրովայդերներից մեկի ղեկավարը։ Նրա պաշտոնավարումն ի սկզբանե նախատեսված էր հինգ տարի[5]։ Սակայն 2017 թվականի հոկտեմբերի 17-ին Ավստրիայի օրենսդիր մարմնի ընտրություններից ընդամենը երկու օր անց, A1-ը հաստատել է, որ Շրամբյոքի պարտականությունները ժամանակավոր կստանձնի Մարկուս Գրաուսամը[6][7][8]։
Քաղաքական կարիերա
[խմբագրել | խմբագրել կոդը]Թեև այդ ժամանակ Շրամբյոքը ոչ մի քաղաքական կուսակցության անդամ չէր, սակայն Ժողովրդական կուսակցության ներքին գործերի նախկին նախարար Յոհաննա Միկլ-Լեյթների մտերիմն էր։ Շրամբյոքը միանգամից ընտրվել է որպես պոտենցիալ նախարար և պաշտոնանկությունից շաբաթներ անց միացել Ժողովրդական կուսակցությանը[7][8]։
Երբ 2017 թվականի դեկտեմբերի 18-ին կանցլեր Սեբաստիան Կուրցը և նրա կաբինետը ստանձնել են պաշտոնը, Շրամբյոքը դարձել է գիտության, հետազոտությունների և էկոնոմիկայի նոր նախարար։ Նույն օրը Շրամբյոքը հայտարարել է, որ միանալու է Տիրոլ կուսակցության ղեկավարությանը։ Նախարարների պարտականությունների բաշխումից հետո՝ քայլ, որը պարբերաբար արվում է խորհրդարանական մեծամասնության նոր առաջնորդների կողմից, 2018 թվականի հունվարի 8-ին Շրամբյոքը նշանակվել է թվային և տնտեսական հարցերի նախարար[9]։
Ի լրումն ազգային մակարդակում իր դերի, Շրամբյոքը ծառայում է որպես Եվրոպական միության խորհրդի Եվրոպական հարցերի նախարարների հանդիպման ղեկավար՝ Եվրամիության խորհրդի նիստերից առաջ հավաքում է աջ կենտրոնամետ Եվրոպական ժողովրդական կուսակցության նախարարներին։
Շրամբյոքն ապրում է Ստորին Ավստրիայում՝ Վիեննայի մոտ գտնվող Սանկտ Անդրա-Վերդերն քաղաքում[10]։
Պարգևներ և մրցանակներ
[խմբագրել | խմբագրել կոդը]- 2017: Տարվա տիրոլացի[11]
- 2017: Վիեննայի պետական տնտեսագիտական համալսարանի տարվա մենեջեր[12]
Ծանոթագրություններ
[խմբագրել | խմբագրել կոդը]- ↑ 1,0 1,1 Munzinger Personen (գերմ.)
- ↑ https://www.profil.at/oesterreich/ministerinnen-oevp-mitglieder-9652476
- ↑ «Margarete Schramböck - Bundesministerin für Digitalisierung und Wirtschaftsstandort». Meine Abgeordneten (գերմաներեն). Վերցված է 2022 թ․ մարտի 22-ին.
- ↑ «45-Jährige wird neue A1-Chefin». oe24 (գերմաներեն). 2016 թ․ փետրվարի 2. Վերցված է 2022 թ․ մարտի 22-ին.
- ↑ 5,0 5,1 Sandra Baierl (2016 թ․ փետրվարի 8). «Neue TA-Chefin Schramböck: "Bin nicht gleich wieder weg"». KURIER (գերմաներեն). Վերցված է 2022 թ․ մարտի 22-ին.
- ↑ «Mexikaner setzen sich durch und A1-Chefin ab». Der Standard (գերմաներեն). 2017 թ․ հոկտեմբերի 17. Վերցված է 2022 թ․ մարտի 22-ին.
- ↑ 7,0 7,1 «Schramböck als Ministerin angelobt». ORF (գերմաներեն). 2017 թ․ դեկտեմբերի 18. Վերցված է 2022 թ․ մարտի 25-ին.
- ↑ 8,0 8,1 «Türkis-Blau: Das sind die neuen Minister» (գերմաներեն). KURIER. 2017 թ․ դեկտեմբերի 16. Վերցված է 2022 թ․ մարտի 25-ին.
- ↑ «Ministerinnen mittlerweile ÖVP-Mitglieder». Profil (գերմաներեն). 2018 թ․ մարտի 29. Վերցված է 2022 թ․ մարտի 25-ին.
- ↑ «Acht Minister erneut angelobt». Die Presse (գերմաներեն). 2018 թ․ հունվարի 8. Վերցված է 2022 թ․ մարտի 25-ին.
- ↑ «Video: Schramböck und Moretti sind die Tiroler des Jahres». Tiroler Tageszeitung. 2017 թ․ սեպտեմբերի 14. Արխիվացված է օրիգինալից 2018 թ․ սեպտեմբերի 25-ին. Վերցված է 2018 թ․ մայիսի 15-ին.
- ↑ «WU Managerin des Jahres 2017». Vienna University of Economics and Business. Արխիվացված է օրիգինալից 2017 թ․ սեպտեմբերի 18-ին. Վերցված է 2017 թ․ սեպտեմբերի 18-ին.