Լիոր Աշքենազի
 եբրայերեն՝ ליאור אשכנזי | |
|---|---|
.jpg) | |
| Ծնվել է | դեկտեմբերի 28, 1968[1] (55 տարեկան) |
| Ծննդավայր | Ռամատ Գան, Իսրայել |
| Կրթություն | Բեյթ Ցվի |
| Քաղաքացիություն |  Իսրայել |
| Կրոն | հուդայականություն |
| Մասնագիտություն | թատրոնի դերասան, կինոդերասան, կրկնօրինակող, հեռուստահաղորդավար, կինոռեժիսոր և դերասան |
| Պարգևներ և մրցանակներ | |
| Անդամություն | Shaham – The Israeli Actors Guild? |
Լիոր Աշքենազի (եբրայերեն՝ ליאור אשכנזי, դեկտեմբերի 28, 1968[1], Ռամատ Գան, Իսրայել), թատրոնի և հեռուստատեսության իսրայելացի դերասան։
Կենսագրություն
[խմբագրել | խմբագրել կոդը]Աշքենազին ծնվել է Թուրքիայից հայրենադարձված սեֆարդյան հրեաների ընտանիքում, որոնք Իսրայել են տեղափոխվել 1964 թվականին։ Մեծացել է Ռամատ Գանի Նևե Յեխոշուա շրջանում։ Հայրը՝ Շմուելը, աշխատել է տպագրիչ։ Մայրը՝ Վիկտորյան, եղել է տնային տնտեսուհի։ Տանը նրա ծնողները խոսել են լադինո լեզվով, որն ապագա դերասանի համար դարձել է մայրենի լեզու։ 16 տարեկան հասակում դպրոցում առկա խնդիրների ֆոնին տեղափոխվել է Ռեգավիմ կիբուց[2]։
Իսրայելի պաշտպանության բանակում ժամկետային ծառայության ժամանակ Աշքենազին ծառայել է որպես պարաշյուտիստ-դեսանտավոր։
Գործունեություն
[խմբագրել | խմբագրել կոդը]Աշքենազին սովորել է 1950 թվականին Ռամատ Գանում հիմնադրված դերասանական վարպետության Բեյթ-Ցվի դպրոցում։ Նա Բեյթ Լեսին թատրոնի մի շարք ներկայացումներում խաղացել է գլխավոր դերեր, որի ռեժիսորը եղել է Բեյթ Ցվիի ուսուցիչներից Ցիպի Պինեսը։ Նա նաև հայտնվել է Թել Ավիվի Կամերի թատրոնի բեմում՝ չնայած Բեյթ Լեսին թատրոնը մնացել է նրա «տնային» թատրոնը[2]։
1996 թվականին Ադիրի հետ նկարահանվել է «Ռևերս» հեռուստասերիալում, որի ռեժիսորներն են Շմուել Հայմովիչը և Էրիկ Ռոթշթեյնը։ 1999 թվականին Լիոր Աշքենազին խաղացել է իր առաջին գլխավոր դերը և, որպես աքսորաբնակ, հանդես եկել «Ճակատամարտ Թել Հայի մոտ» ֆիլմում։
Անձնական կյանք
[խմբագրել | խմբագրել կոդը]Աշքենազին ամուսնացած է եղել դերասանուհի Շիր Ֆարբերի հետ։ Ամուսնալուծությունից հետո հարաբերություններ է ունեցել գրող և սցենարիստ Սիգալ Ավինի հետ։ 2011 թվականի դեկտեմբերին ամուսնացել է պրոդյուսեր Մայա Ամսելի հետ։ 2012 թվականի օգոստոսին նրանք ունեցել են դուստր[2]։
Մրցանակներ
[խմբագրել | խմբագրել կոդը]- Իսրայելական կինոակադեմիայի մրցանակ (2001)՝ «Լավագույն դերասան» «Ուշ հարսանիք» ֆիլմում։
- Իսրայելական կինոակադեմիայի մրցանակ (2011)՝ «Երկրորդական պլանի լավագույն դերասան» «Տողատակ» ֆիլմում։
Ծանոթագրություններ
[խմբագրել | խմբագրել կոդը] | Վիքիպահեստն ունի նյութեր, որոնք վերաբերում են «Լիոր Աշքենազի» հոդվածին։ |
| ||||||||||||||||||||
