Լե Կապել (ֆր.՝ La Capelle), համայնքՖրանսիայի հյուսիսիում՝ Պիկարդիա մարզի Էնա գավառում։ Համայնքը տեղակայված է Վերվեն կանտոնի կազմում՝ Վերվեն շրջանում։ Լե Կապելը գտնվում է Լան քաղաքից 53 կմ դեպի հյուսիս-արևելք և Վալանսիեն քաղաքից 55 կմ դեպի հարավ-արևելք։ Բելգիայի հետ սահմանից հեռու է 19 կմ։ Քաղաքի միջով է անցնում N2 ազգային ավտոմայրուղին։
Սենտ Գրիմոնի եկեղեցին կառուցվել է 19-րդ դարի 80-ական թվականներին էկլեկտիկա ոճով։ Եկեղեցու ճարտարապետն է եղել Շարլ Գարնեն, ով կառուցել է նաև Փարիզի Օպերան։
2011 թվականի գործազրկության մակարդակը կազմել է 19,4% (Ֆրանսիայում այն կազմել է 12,8%, Էնա գավառում՝ 15,9%)։ Մեկ մարդու միջին տարեկան եկամուտը (2011 թվական) կազմել է 17734 եվրո (Ֆրանիսիայում այն եղել է 25140 եվրո, Էնա գավառում՝ 21148 եվրո)։
2010 թվականին համայնքի 1142 աշխատունակ (15-64 տարեկան) բնակիչների 787-ը տնտեսապես ակտիվ էին, 355-ը՝ ոչ ակտիվ (ակտիվության ցուցանիշը կազմել է 68,9%, 1999 թվականին եղել է 67,7%)։ 787 տնտեսապես ակտիվ բնակիչներից աշխատում էին 634-ը (337 տղամարդ և 297 կին), գործազուրկ էին 153 մարդ (76 տղամարդ և 77 կին)։ 355 տնտեսապես ոչ ակտիվ բնակիչներից 93-ը եղել են աշակերտներ կամ ուսանողներ, 124-ը՝ թոշակառուներ, 138-ը տնտեսապես ոչ ակտիվ էին այլ պատճառներով[2]։
2001 թվականից քաղաքապետի պաշտոնը զբաղեցրել է Գի Մերեսը (Guy Méresse)։ 2014 թվականի համայնքային ընտրություններում նրա կողմից գլխավորվող աջ խմբավորումը հաղթեց առաջին փուլում՝ ստանալով ձայների 52,00 %-ը։
↑«Base chiffres clés: emploi — population active 2010» (ֆրանսերեն). Ֆրանսիայի վիճակագրության և տնտեսական հետազոտությունների ինստիտուտ (INSEE). Վերցված է 2014 թ․ մայիսի 14-ին. (մոտավոր տվյալներ, 1999 թվականին ժամանակավոր զբաղվածությունը հաշվի է առնվել մասնակիորեն)
Անվան այլ կիրառումների համար տե՛ս՝ Լա Կապել (այլ կիրառումներ)
_001.jpg)
Ֆրանսիա
