Էլիս Ուոլթոն
| Էլիս Ուոլթոն անգլ.՝ Alice Walton | |
|---|---|
.jpg) | |
| Ծնվել է | հոկտեմբերի 2, 1949 (75 տարեկան) |
| Ծննդավայր | Newport, Արկանզաս, ԱՄՆ |
| Քաղաքացիություն |  ԱՄՆ |
| Կրթություն | Trinity University? |
| Մասնագիտություն | ձեռնարկատեր, բարեգործ, արվեստի կոլեկցիոներ և Q110164338? |
| Ծնողներ | հայր՝ Սեմ Ուոլթոն, մայր՝ Helen Walton? |
| Պարգևներ և մրցանակներ | |
| Կայք | alicewalton.org |
 Alice Walton Վիքիպահեստում | |
Էլիս Լուիզա Ուոլթոն (անգլ.՝ Alice Louise Walton,հոկտեմբերի 2, 1949, Newport, Արկանզաս, ԱՄՆ), ամերիկացի բազմամիլիարդատեր, «Walmart» անդրազգային ցանցի հիմնադիր Սեմ Ուոլթոնի և նրա կնոջ՝ Հելեն Ուոլթոնի դուստրը։ 2018 թվականի մայիսի դրությամբ նրա ունեցվածքը գնահատվել է 41,8 միլիարդ ԱՄՆ դոլար[1]։ «Ֆորբս» ամսագրի ցուցակում նա դարձել է 2018 թվականի երկրորդ ամենահարուստ կինը և աշխարհի 18-րդ ամենահարուստ մարդը։
Կենսագրություն
[խմբագրել | խմբագրել կոդը]Էլիս Ուոլթոնը ծնվել է 1949 թվականի հոկտեմբերի 7-ին, «Walmart» խանութների ցանցի հիմնադիրներ Սեմյուել Մուր և Հելեն Ռոբսոն Ուոլթոնների ընտանիքում։ Նա իր մանկությունն անցկացրել է Արկանզաս նահանգի Նյուպորտ քաղաքում գտնվող հայրական կալվածքում։ Էլիսից բացի, ընտանիքում եղել են երեք եղբայրներ՝ Ռոբը, Ջիմը և Ջոնը։
Դպրոցն ավարտելուց հետո նա ընդունվել է Տրինիտիի համալսարան (Սան Անտոնիո, Տեխաս)[2]։ Այստեղ նա ստացել է ֆինանսական և տնտեսական գործունեության բակալավրի աստիճան[3]։ Էլիսն իր մասնագիտական կարիերան սկսել է ընտանեկան ընկերությունում[4]։ Ավելի ուշ, Ուոլթոնն աշխատել է որպես փոխնախագահ և զբաղվել է բոլոր այն միջոցառումների ղեկավարմամբ, որոնք կապված են եղել «Arvest» բանկի ներդրումների հետ[5]։ 1988 թվականին Էլիս Ուոլթոնը դարձել է «Llama» սեփական ներդրումային ֆինանսական կազմակերպության հիմնադիրը։ Նա դարձել է սեփական բանկի նախագահ, միաժամանակ եղել է կառավարիչ և գլխավոր տնօրեն[4][5]։ Հոր մահից հետո, փակել է իր բանկը և մեկնել Տեխասում ապրելու, և Միլսապ ագարակում սկսել է զբաղվել ձիաբուծությամբ[3][6][7]։
Ուոլթոնը հետաքրքրվել է նկարների հավաքածուներով։ 2004 թվականին Նյու Յորքում կայացել է աճուրդ, որտեղ նա 20 միլիոն դոլարով ձեռք է բերել արվեստի առարկաներ։ 2005 թվականին Էլիս Ուոլթոնը գնել է բնանկարիչ Աշեր Բրաուն Դյուրանի նկարների հավաքածուն[8], ինչպես նաև ձեռք է բերել Ուինսլոու Հոմերի և Էդվարդ Գոպերի աշխատանքները[9]։
Նա հովանավորել է հայտնի արվեստագետների, բանաստեղծների և ակտիվորեն ներգրավված է եղել Միացյալ Նահանգների մշակութային կյանքում։ Արվեստի հանդեպ սիրո շնորհիվ Ուոլթոնն ակտիվ մասնակցություն է ունեցել «Ուոլթոնի ընտանիքի հիմնադրամ»-ում և դարձել է նրա ղեկավարը։ Այս կազմակերպության շնորհիվ ամերիկյան արվեստի զարգացման թանգարանը հետագա զարգացման հնարավորություն է ստացել։ Թանգարանում բացվել են ուսումնական դասընթացներ և կազմակերպվել մշակութային համագործակցություն։ Էլիս Ուոլթոնը նաև ֆինանսավորել է պետական ծ րագրեր, որոնց թվում է 1998 թվականին Բենթոնվիլում կառուցված օդանավակայանը, որի տերմինալներից մեկը կոչվել է նրա անունով[10][11]։
Անձնական կյանք
[խմբագրել | խմբագրել կոդը]Էլիս Ուոլթոնն առաջին անգամ ամուսնացել է 24 տարեկանում։ Նրա ընտրյալը եղել է բանկիր, Լուիզիանա նահանգից։ Սակայն նրանց ամուսնությունը երկար չի տևել, 2,5 տարի անց ամուսինները բաժանվել են։ Երկրորդ անգամ Ուոլթոնն ամուսնացել է բանվորի հետ, որը նրանց տանը լողավազան է կառուցել, սակայն այդ ամուսնությունը ևս ավարտվել է ամուսնալուծությամբ։
Ծանոթագրություններ
[խմբագրել | խմբագրել կոդը]- ↑ https://www.forbes.com/profile/alice-walton/
- ↑ «The World's Billionaires». Forbes. Վերցված է 2017 թ․ հուլիսի 5-ին.
- ↑ 3,0 3,1 O'Connor, Clair (2013 թ․ հոկտեմբերի 7). «Inside the World of Walmart Billionaire Alice Walton, America's Richest Art Collector». Forbes.
- ↑ 4,0 4,1 Hosticka, Alexis (2015 թ․ օգոստոսի 24). «Arkansas Women's Hall of Fame: Alice walton». Arkansas Business. Վերցված է 2017 թ․ մայիսի 8-ին.
- ↑ 5,0 5,1 Gill, Todd (2012 թ․ փետրվարի 16). «Alice Walton to receive honorary degree from the University of Arkansas». Fayetteville Flyer. Վերցված է 2017 թ․ մայիսի 8-ին.
- ↑ Paul, Steve (2006 թ․ դեկտեմբերի 10). «Alice Walton's big picture: The Wal-Mart heir turns her eye, and her money, to art collecting». The Washington Post. Վերցված է 2017 թ․ մայիսի 9-ին.
- ↑ «Wal-Mart heiress loves cutting horses». Associated Press. 1999 թ․ դեկտեմբերի 19. Վերցված է 2017 թ․ մայիսի 9-ին.
- ↑ «Asher B. Durand's 'Kindred Spirits'». Exhibitions. National Gallery of Art. Արխիվացված է օրիգինալից 2007 թ․ հունվարի 28-ին. Վերցված է 2018 թ․ հոկտեմբերի 31-ին.
- ↑ Solnit, Rebecca Alice Walton's Fig Leaf(անգլ.) // The Nation[en] : magazine. — 2006. Архивировано из первоисточника 17 Նոյեմբերի 2018.
- ↑ Mead, Rebecca (2011 թ․ հունիսի 27). «Alice's Wonderland: A Walmart Heiress Builds a Museum in the Ozarks». The New Yorker.
- ↑ «Airport board names terminal after Alice Walton». The Associated Press. 1999 թ․ օգոստոսի 13. Վերցված է 2017 թ․ մայիսի 8-ին.
Արտաքին հղումներ
[խմբագրել | խմբագրել կոդը]- Forbes The World’S Billionaires: Alice Walton Արխիվացված 2017-01-25 Wayback Machine, 2007
- Forbes The 400 Richest Americans: Alice Walton, 2007
 | Վիքիպահեստն ունի նյութեր, որոնք վերաբերում են «Էլիս Ուոլթոն» հոդվածին։ |
| ||||||||||
