Էլիզաբեթ Գեորգևսկայա
| Էլիզաբեթ Գեորգևսկայա | |
|---|---|
.jpg) | |
| Ծնվել է | մայիսի 6, 1972 (52 տարեկան) |
| Ծննդավայր | Սկոպիե, ՀՍՖՀ |
| Կրթություն | Սկոպյեի համալսարան |
| Մասնագիտություն | բժիշկ և հետազոտող |
Էլիզաբեթա Գեորգևսկայա[1][2] (մակեդոներեն՝ Елизабета Ѓоргиевска, մայիսի 6, 1972, Սկոպիե, ՀՍՖՀ), Հյուսիսային Մակեդոնիայի ատամնաբուժության ֆակուլտետի պրոֆեսոր և Սկոպիեի Սուրբ Կիրիլի և Մեթոդիուսի համալսարանի մանկական և կանխարգելիչ ստոմատոլոգիայի ամբիոնի վարիչ։ Հյուսիսային Մակեդոնիայի նախագահի Սթևո Պենդարովսկիի կինը։ Հյուսիսային Մակեդոնիայի առաջին տիկինը 2019 թվականի մայիսի 12-ից։
Կենսագրություն
[խմբագրել | խմբագրել կոդը]Էլիզաբեթ Գեորգիևսկան ծնվել է 1972 թվականի մայիսի 6-ին Սկոպիեում։ 1996թ. մարտին ավարտել է Սկոպիեի համալսարանի ստոմատոլոգիական ֆակուլտետը (այժմ՝ Սկոպիեի Սուրբ Կիրիլի և Մեթոդիոսի համալսարան)։ 1998 թվականից սովորել է նույն ֆակուլտետի մագիստրատուրայում, 2002 թվականին պաշտպանել է թեկնածուական ատենախոսություն, իսկ 2006 թվականին՝ դոկտորական ատենախոսություն[3]։
Աշխատանքային գործունեություն
[խմբագրել | խմբագրել կոդը]1997 թվականից մինչև 1998 թվականը աշխատել է Դիմածնոտային վիրաբուժության կլինիկայում որպես կամավոր։ Էլիզաբեթ Գեորգիևսկան 1998 թվականից աշխատել է մանկական և կանխարգելիչ ստոմատոլոգիայի կլինիկայում՝ որպես բժիշկ։ 2002 թվականին հանձնել է քննություն մասնագիտությամբ։ 2004 թվականին Էլիզաբեթ Գեորգիևսկան դարձել է կրտսեր ասիստենտ, իսկ 2006 թվականին՝ Սկոպիեի համալսարանի մանկական կանխարգելիչ ստոմատոլոգիայի ամբիոնի ասիստենտ։ 2008թվականից եղել է դոցենտ։ 2002 թվականից ունի մագիստրոսի, մանկական և կանխարգելիչ ստոմատոլոգիայի մասնագետի կոչում, իսկ 2006 թվականից՝ գիտությունների դոկտորի։ Նա մի քանի հետազոտական այցեր է կատարել Մեծ Բրիտանիայի, Բելգիայի և ԱՄՆ-ի համալսարաններ, ինչպես նաև աշխատել է մի շարք միջազգային հետազոտական նախագծերի վրա։ Նա հրապարակել է ավելի քան 90 աշխատություն։ Նա եղել է մի շարք ազգային և միջազգային սիմպոզիումների և գիտաժողովների կազմակերպչական և գիտական հանձնաժողովների անդամ։ Նա դասախոսություններ և սեմինարներ է կարդացել Հյուսիսային Մակեդոնիայում և արտերկրում գիտական կոնֆերանսներում։ Հեղինակ է բազմաթիվ աշխատությունների և երկու մենագրությունների և ևս երեք մենագրությունների համահեղինակ է։ 2010-2014 թվականներին եղել է Մակեդոնիայի մանկական և կանխարգելիչ ստոմատոլոգիայի ասոցիացիայի նախագահը։ Նա ստոմատոլոգիայի հետ կապված տարբեր միջազգային կազմակերպությունների անդամ է և Նյու Յորքի Կոլումբիայի համալսարանի հրավիրյալ պրոֆեսոր[4]:
Հյուսիսային Մակեդոնիայի առաջին տիկին
[խմբագրել | խմբագրել կոդը]2019 թվականի մայիսի 12-ից նա Հյուսիսային Մակեդոնիայի առաջին տիկինն է։ Նա ուղեկցում է իր ամուսնուն՝ նախագահ Սթևո Պենդարովսկուն քաղաքական գործիչների տարբեր հանդիպումների և արտասահմանյան այցերի ժամանակ։ Օրինակ՝ նա կրել է իր մանուշակագույն զգեստը ամուսնու և Լեհաստանի նախագահ Անջեյ Դուդայի հետ հանդիպման ժամանակ, ով 2021 թվականի նոյեմբերին այցելեց Հյուսիսային Մակեդոնիա[5]։
Անձնական կյանք
[խմբագրել | խմբագրել կոդը]Էլիզաբեթն ու Սթևո Պենդարովսկին ունեցել են մեկ որդի՝ Օգնեն։ Էլիզաբեթն աջակցել է ամուսնուն երկրի նախագահական ընտրություններում 2014 և 2019 թվականներին[6]։ Ստևո Պենդարովսկին հարցազրույցներից մեկում ասել է, որ ամուսնացել է Էլիզաբեթայի հետ, քանի որ նա առաջին լիգայի տնային տնտեսուհի է, ով նույնպես աշխատասեր է և ունի գիտությունների դոկտորի կոչում[7]։
Մեկնաբանություններ
[խմբագրել | խմբագրել կոդը]Օգտագործված է նաև Էլիզաբետա Գեորգիևսկայի տարբերակը
Ծանոթագրություններ
[խմբագրել | խմբագրել կոդը]- ↑ Александр Борисов (2019 թ․ մայիսի 12). «Стево Пендаровский вступил в должность президента Северной Македонии». Российская газета.
- ↑ «Пендаровски, Стево». Энциклопедия: Персоны. Страны. Темы. ТАСС — Краткие справки обо всех странах мира, их руководителях, а также о событиях, привлёкших внимание мировых и российских СМИ.
- ↑ «Реферат за избор на наставник во сите наставно-научни звања во наставно-научната област (дисциплина) детска стоматологија и превентивна стоматологија на Стоматолошкиот факултет во Скопје (д-р Елизабета Ѓоргиевска, д-р Ана Сторивоска Ивковска, д-р Златко Георгиев)» (PDF). Билтен на Универзитетот „Св. Кирил и Методиј“ во Скопје. Скопје (1163): 183. 15 февруари 2018. Արխիվացված (PDF) օրիգինալից 2022 թ․ մարտի 8-ին.
- ↑ Pretsedatel.mk
- ↑ «Колоритни први дами: Елеганцијата на Елизабета Ѓоргиевска и Агата Корнхаузер-Дуда» (մակեդոներեն). Независен Весник. 2021 թ․ նոյեմբերի 19. Արխիվացված օրիգինալից 2022 թ․ մարտի 23-ին. Վերցված է 2022 թ․ մարտի 23-ին.
- ↑ «„Домаќинка прва лига" рече Пендаровски за првата дама» (մակեդոներեն). 21TV. 2022 թ․ հունվարի 1. Արխիվացված օրիգինալից 2022 թ․ հունվարի 1-ին. Վերցված է 2022 թ․ մարտի 22-ին.
- ↑ «(Видео) Сопругата на Пендаровски со пофални зборови за кандидатот за претседател». Фактор Портал. 2019 թ․ ապրիլի 12. Արխիվացված օրիգինալից 2019 թ․ ապրիլի 12-ին. Վերցված է 2022 թ․ մարտի 22-ին.
Արտաքին հղումներ
[խմբագրել | խմբագրել կոդը]- «Сопруга на претседателот». Pretsedatel.mk (մակեդոներեն). Сайт Президента Республики Северная Македония. Արխիվացված օրիգինալից 2022 թ․ փետրվարի 23-ին. Վերցված է 2022 թ․ մարտի 22-ին.