Էդվարդ Բոուել
Էդվարդ Բոուել Edward Bowell | |
|---|---|
| Ծնվել է | 1943 Լոնդոն, Միացյալ Թագավորություն |
| Քաղաքացիություն |  ԱՄՆ |
| Մասնագիտություն | աստղագետ |
| Հաստատություն(ներ) | Լոուելի աստղադիտարան |
| Գործունեության ոլորտ | աստղագիտություն |
| Անդամակցություն | Միջազգային աստղագիտական միություն |
| Ալմա մատեր | Փարիզի համալսարան, Լոնդոնի համալսարանի քոլեջ և Էմանուել դպրոց |
Էդվարդ Բոուել (անգլ.՝ Edward L. G. Bowell, 1943, Լոնդոն, Միացյալ Թագավորություն), ամերիկացի աստղագետ, գիսաստղների և աստերոիդների հայտնաբերող, ծնվել է 1943 թ. Լոնդոնում, հայտնի է նաև որպես Թեդ Բոուել։ 1977-ից 1994 ընկած ժամանակահատվածում Լոուելի աստղադիտարանի Անդերսոն-Մեսա կայանում նրա կողմից հայտնաբերվել է ընդհանուր առմամբ 572 աստերոիդ, այդ թվում տրոյացիներ (2357) Ֆերեկլոսը, (2759) Իդոմենեսը, (2797) Տեվկրը, (2920) Աուտոմեդոնը, (3564) Տալթիբիուսը, (4057) Դեմոֆոնը և (4489) 1988 AK[1]։ Ինչպես նաև մեկ այլ ամերիկացի աստղագետ Բրայան Սկիֆի հետ համատեղ նա հայտնաբերել է կարճ պարբերությամբ գիսաստղ 140P/Բոուել-Սկիֆը և երկար պարբերությամբ գիսաստղ C/1980 E1։
Նախնական կրթությունը ստացել է Լոնդոնի Էմանուել դպրոցում, որից հետո սկզբից ընդունվել է Լոնդոնի համալսարանային քոլեջ, իսկ հետո Փարիզի Սորբոնա համալսարան։ 1970-ական թվականներին աշխատել է Լոուելի աստղադիտարանի Անդերսոն-Մեսա կայանում։ 1993 թ. մինչև 2008 թ. փետրվար ամիսը գլխավորել է Լոուելի աստղադիտարանում իրականացվող երկրամերձ աստերոիդների որոնման LONEOS ծրագիրը։
Նրա պատվին է անվանվել (2246) Բոուել աստերոիդը։
Տես նաև
[խմբագրել | խմբագրել կոդը]Ծանոթագրություններ
[խմբագրել | խմբագրել կոդը]- ↑ «Փոքր Մոլորակների Կենտրոն». Փոքր Մոլորակների Կենտրոն. Արխիվացված օրիգինալից 2012 թ․ մարտի 14-ին. Վերցված է 2011 թ․ հունվարի 1-ին.
Արտաքին հղումներ
[խմբագրել | խմբագրել կոդը]- «Էդվարդ Բոուել, աստղագետ». Լոուելի աստղադիտարան. Արխիվացված է օրիգինալից 2007 թ․ հուլիսի 11-ին. Վերցված է 2012 թ․ հոկտեմբերի 2-ին.
|
