Զավեն Կոշտոյան

Զավեն Կոշտոյան
Ծնվել է	հոկտեմբերի 7, 1940
Ծննդավայր	Լենինական, Հայկական ԽՍՀ, ԽՍՀՄ
Վախճանվել է	հուլիսի 1, 2016 (75 տարեկան)
Մահվան վայր	Գյումրի, Հայաստան
Կրթություն	Փանոս Թերլեմեզյանի անվան գեղարվեստական ուսումնարան (1964) և Երևանի պետական գեղարվեստա-թատերական ինստիտուտ (1969)
Մասնագիտություն	նկարիչ և քանդակագործ
Ուշագրավ աշխատանքներ	Բարձրաքանդակ «Գուսան Շերամ»
Պարգևներ	Հայաստանի վաստակավոր նկարիչ
	Zaven Koshtoyan Վիքիպահեստում

Զավեն Աղասու Կոշտոյան (հոկտեմբերի 7, 1940(1940-10-07), Լենինական, Հայկական ԽՍՀ, ԽՍՀՄ - հուլիսի 1, 2016(2016-07-01), Գյումրի, Հայաստան^[1]), հայ նկարիչ, քանդակագործ, Հայաստանի վաստակավոր նկարիչ (1992)։

Կենսագրություն

1950-1955 թվականներին սովորել է Ս. Դ. Մերկուրովի անվան Գյումրու նկարչական դպրոցում ։ 1964 թվականին ավարտել է Երևանի գեղարվեստի ուսումնարանը, 1969 թվականին՝ Երևանի Պետական գեղարվեստա-թատերական ինստիտուտը։ 1995-1997 թվականներին եղել է Շիրակի մարզպետարանի գլխավոր նկարիչ։ 1997 թվականից դասավանդել է ԵԳԱ Գյումրու մասնաճյուղում^[2]։

1977 թվականից եղել է Հայաստանի նկարիչների միության անդամ։ 1990 թվականին արժանացել է Հայաստանի վաստակավոր նկարչի կոչման, 2006 թվականին՝ Գյումրու «Վարպետ» ոսկյա կրծքանշանի, 2008 թվականին՝ Համաշխարհային հայկական կոնգրեսի, Ռուսաստանի հայերի միության, Հայաստանի նկարիչների միության կողմից հայտարարված «Հայաստանը և հայաստանցիները նկարչի աչքերով» թեմայով մրցույթում երկրորդ մրցանակին, 2011 թվականին՝ «Թեքեյան» մշակութային միության «Բաբկեն և Անահիտ Մկրյան» առաջին մրցանակին։

Ստեղծագործական ուղի

Զավեն Կոշտոյանի գործերին բնորոշ է զուսպ մոնումենտալության և խոհաքնարականության նրբին զուգորդումը։

«Ալեքսանդր Պուշկին», 1974, բարձրաքանդակ, բրոնզ, Գյումրի
«Ավետիք Իսահակյան», 1975, բարձրաքանդակ, բրոնզ, Գյումրի
«Երաժշտություն», 1978, տուֆ, Գյումրի
«Ալեք Մանուկյան», 1995, բարձրաքանդակ, բրոնզ, Գյումրի
«Շերամ» բարձրաքանդակ, 1983, Շերամի անվան երաժշտական դպրոցի ճակատամասը, տուֆ, Գյումրի
«Խաչքար», 1988, «Սումգաիթի զոհերի հիշատակին» Սայաթ Նովա փողոցի պուրակում տուֆ, Գյումրի
«Լույս», ֆելզիտ, 2002, Գյումրի
«Քըրք Քըրքորյան», կարմիր բազալտ, 2004, Գյումրի
«Խաչքար», 1995, տուֆ, Լոս Անջելես
«Ե. Չարենց», 2012, կիսանդրի, Գյումրու քաղաքային զբոսայգում, բազալտ։
«Գյումրի», 2013, Քանդակագործության միջազգային Սիմպոզիում, Գյումրի

Ցուցահանդեսներ

Ունեցել է անհատական ցուցահանդեսներ՝ Գյումրիում (1973, 1988)։

Պատկերասրահ

Ա. Ս. Պուշկինի հարթաքանդակը Հաղթանակի պուրակում (բազալտ), 1974
«Երաժշտություն», տուֆ, Գյումրի, 1978,
«Խաչքար», «Սումգաիթի զոհերի հիշատակին», Գյումրի, 1988
«Երկրաշարժի զոհերի հիշատակին», հուշարձան Սուրբ Հակոբ Մծբինեցի եկեղեցու բակում (ֆելզիտ), 2002
«Գյումրի», Քանդակագործության միջազգային սիմպոզիում, Գյումրի, 2013
«Ե. Չարենց» կիսանդրին Գյումրու քաղաքային զբոսայգում, 2012
«Շերամ» բարձրաքանդակ, Շերամի անվան երաժշտական դպրոցի ճակատային մասի վրա, 1983