Ես գիտեմ, որ դա ճիշտ է
Ես գիտեմ, որ դա ճիշտ է | |
|---|---|
 | |
| Ժանր | վեպի հիման վրա նկարահանված հեռուստասերիալ |
| Երկիր |  ԱՄՆ |
| Հիմք | I Know This Much Is True? |
| Լեզու | անգլերեն |
| Ռեժիսոր | Դերեք Սիանֆրենս |
| Գլխավոր դերերում | Philip Ettinger?, Մելիսա Լեո, Ռոզի Օ'Դոննել, Արչի Փանջաբի, Իմոջեն Փութս, Ջուլիետ Լևիս, Քեթրին Հան, Մարկ Ռուֆալո, John Procaccino?, Kersti Bryan?, Simone Coppo?, Marcello Fonte? և Մայքլ Գրեյես |
| Եթերաշրջանների քանակ | 1 |
| Սերիաների քանակ | 6 |
| Էկրաններին է | մայիսի 10, 2020-ից հունիսի 14, 2020-ը |
| Հեռուստաալիք | HBO |
| Դիստրիբյուտոր | HBO Max |
| Պաշտոնական կայքէջ | |
«Ես գիտեմ, որ դա ճիշտ է» (անգլ.՝ I Know This Much Is True), Դերեք Սիենֆրենսի ամերիկյան դրամատիկական մինի սերիալ։ Ուոլի Լեմբի համանուն վեպի էկրանավորումն է։ Պրեմիերան կայացել է 2020 թվականի մայիսի 10-ին HBO հեռուստաալիքով։
Սյուժե
[խմբագրել | խմբագրել կոդը]Դոմինիկ Բըրդսին սովորական ներկարար է, որը ստիպված է ամբողջ կյանքում հոգ տանել իր երկվորյակ եղբոր՝ շիզոֆրենիայով տառապող Թոմասի մասին։ Ֆլեշբեքները հերոսներին տանում են դեպի անցյալ։ Ինչ-որ պահի Թոմասը դադարում է ընդունել դեղորայք և նրա վիճակը վատթարանում է։ Նրան հարկադիր բուժման են տեղափոխում հոգեբուժարան և եղբայրը փորձում է գտնել նրան բուժելու միջոց։ Մինչդեռ Դոմինիկի կյանքը դժվար է դասավորվում։ Որոշ ժամանակ առաջ մահացել էր նրա փոքր երեխան, ինչը հանգեցրել էր ամուսնալուծության։ Կլինիկայում Դոմինիկը մտերմանում է հոգեթերապևտ դոկտոր Փատելի հետ և փնտրում է բնականոն կյանք վերադառնալու ուղիներ։
Դերասանական կազմ
[խմբագրել | խմբագրել կոդը]- Մարկ Ռուֆալո՝ Դոմինիկ և Թոմաս Բըրդսի, երկվորյակ եղբայրներ
- Ֆիլիպ Էթինգեր՝ Դոմինիկը և Թոմասը երիտասարդ տարիքում
- Մելիսա Լեո՝ Մա (Կոնցետինա Իպոլիտա Թեմփեստա Բըրդսի)
- Ռոզի Օ'Դոննել՝ Լիզա Շեֆեր
- Արչի Փանջաբի՝ դոկտոր Փատել
- Իմոջեն Փութս՝ Ջոյ Հենքս
- Ջոն Պրոկաչինո՝ Ռեյ Բըրդսի
- Ռոբ Հյուբել՝ Լեո
- Մայքլ Գրեյես՝ Ռալֆ Դրինկոուտեր
- Գիլերմո Դիաս՝ սերժանտ Դիաս
- Մարչելո Ֆոնտե՝ Դոմենիկո Օնոֆրիո Թեմպեստա
- Բրյուս Գրինվուդ՝ դոկտոր Հյում
- Բրայան Գուդման՝ Էլ
- Ջուլետ Լյուիս՝ Նեդրա Ֆրենկ
- Քեթրին Հան՝ Դեսա Կոնստանտին
- Էշլինգ Ֆրանչոզի՝ Դեսան երիտասարդ տարիքում
Արտադրություն
[խմբագրել | խմբագրել կոդը]Մշակում
[խմբագրել | խմբագրել կոդը]2017 թվականի հոկտեմբերին հայտարարվել է, որ Դերեք Սիենֆրենսը HBO հեռուստաալիքի համար զբաղվում է Ուոլի Լեմբի հեղինակած «Այդ ամենում ես վստահ եմ» վեպի էկրանավորմամբ։ Մարկ Ռուֆալոն, Լեմբը, Սիենֆրենսը, Բեն Բրաունինգը և Գլեն Բասները հայտարարվել են որպես գործադիր պրոդյուսեր[1]։ 2018 թվականի հոկտեմբերին հայտարարվել է, որ HBO-ն պաշտոնապես պատվիրել է սերիալի արտադրությունը[2][3]։ 2020 թվականի հունվարին հայտարարվել է, որ շոուի պրեմիերան կայանալու է նույն տարվա ապրիլին[4]։
Քասթինգ
[խմբագրել | խմբագրել կոդը]2017 թվականի հոկտեմբերին շոուի աշխատանքներն սկսելու մասին հայտարարելու հետ միասին հայտնի է դարձել, որ Մարկ Ռուֆալոն կատարելու է երկվորյակ եղբայրների գլխավոր դերերը[1]։ 2019 թվականի ապրիլին շոուի դերասանական կազմին միացել են Մելիսա Լեոն, Ռոզի Օ'Դոննելը, Արչի Փանջաբին, Իմոջեն Փութսը, Ջուլետ Լյուիսը և Քեթրին Հանը[5]։ Նույն տարվա նոյեմբերին կազմին են միացել Էշլինգ Ֆրանչոզին, Ջոն Պրոկաչինոն, Ռոբ Հյուբելը, Ֆիլիպ Էթինգերը և Մայքլ Գրեյեսը[6]։
Նկարահանումներ
[խմբագրել | խմբագրել կոդը]Շոուի նկարահանումներն անցկացվել են Նյու Յորք նահանգի տարբեր քաղաքներում[7]։ 2019 թվականի մայիսի 9-ին Էլենվիլի ավտոմեքենաների ցուցասրահում՝ նկարահանման հրապարակում, հրդեհ է բռնկվել, որը ոչնչացրել է կինոապարատը և 20 դասական ավտոմեքենա, ինչի հետևանքով նկարահանումները կարճ ժամանակով դադարեցվել են[8]։
Ծանոթագրություններ
[խմբագրել | խմբագրել կոդը]- ↑ 1,0 1,1 Andreeva, Nellie (2017 թ․ հոկտեմբերի 18). «Mark Ruffalo To Star In HBO Limited Drama Series In Works From Derek Cianfrance Based On Wally Lamb Book». Deadline (անգլերեն).
- ↑ Nakamura, Reid (2018 թ․ հոկտեմբերի 18). «Mark Ruffalo to Play Twins in HBO Limited Series 'I Know This Much Is True'». TheWrap (անգլերեն).
- ↑ Goldberg, Lesley (2018 թ․ հոկտեմբերի 18). «Mark Ruffalo to Play Twins in HBO Limited Series». The Hollywood Reporter (անգլերեն).
- ↑ «Limited Series "I Know This Much Is True," Starring Mark Ruffalo; Debuts This April, Exclusively on HBO». The Futon Critic (անգլերեն). 2020 թ․ հունվարի 15.
- ↑ Porter, Rick (2019 թ․ ապրիլի 3). «HBO's Mark Ruffalo Limited Series Adds Star-Packed Sextet to Cast». The Hollywood Reporter (անգլերեն).
- ↑ Petski, Denise (2019 թ․ հոկտեմբերի 22). «Mark Ruffalo's HBO Limited Series 'I Know This Much Is True' Adds Five To Cast». Deadline (անգլերեն).
- ↑ Steves, Ashley (2019 թ․ ապրիլի 18). «N.Y. What's Filming: Mark Ruffalo HBO Miniseries 'I Know This Much Is True'». Backstage (անգլերեն).
- ↑ Barry, John W (2019 թ․ մայիսի 9). «HBO: Mark Ruffalo production shut down in wake of Ellenville fire». USA Today (անգլերեն). Poughkeepsie Journal.
|
