Գարախոնայ ազգային պարկ
Գարախոնայ ազգային պարկ | |
Garajonay National Park* | |
---|---|
ՅՈՒՆԵՍԿՕ-ի համաշխարհային ժառանգություն | |
Երկիր | Իսպանիա |
Տիպ | բնական |
Չափանիշներ | vii, ix |
Ցանկ | ՅՈՒՆԵՍԿՕ֊ի ցանկ |
Աշխարհամաս** | Եվրոպա |
Ընդգրկման պատմություն | |
Ընդգրկում | 1986 (անհայտ նստաշրջան) |
Համար | 380 |
* Անվանումը պաշտոնական անգլերեն ցանկում ** Երկրամասը ըստ ՅՈՒՆԵՍԿՕ-ի դասակարգման | |
Համաշխարհային ժառանգություն |
Գարախոնայ ազգային պարկ (իսպ.՝ Parque nacional de Garajonay), տեղակայված է Հոմերա կղզիների կենտրոնական մասում, (Կանարյան կղզիներ, Իսպանիա)։ Ազգային պարկ անվանումը ստացել է 1981 թվականին, իսկ 1986 ընդգրկվել է ՅՈՒՆԵՍԿՕ–ի համաշխարհային ժառանգության օբյեկտների ցանկում[1]։ Ազգային պարկի տարածքը կազմում է 40 կմ²։ Անվանումը ստացել է Գարախոնայ լեռներից, որի ամենաբարձ կետը 1484 մ է։ Այդ բարձրավանդակը տեղակայված է 790-1400 մ ծովի մակարդակից։
Պարկում աճում են խոնավասեր, մերձարևադարձային կլիմայական գոտուն բնորոշ բուսատեսակներ, որոնք մեծ տարածում ունեն Եվրոպայում։ Աճում են նաև Ազորյան կղզիների և Մադեյրա կղզուն բնորոշ մշտականաչ և խոնավասեր ծառեր, նրանց բարձրությունը հասնում է 40 մ։ Առանձնացվում են նաև հատուկ նշանակության մացառուտներ, անողնաշարավորներ, թռչուններ և չղջիկներ։ Շատ բուսատեսակներ Կանարյան կղզիներից առանձնացվում են իրենց էնդեմիկությամբ։ Անտառները զբաղեցնում են ընդհանուր պարկի մակերեսի 70%-ը։
Գարա և Խոնայ[խմբագրել | խմբագրել կոդը]
Պարկն անվանվել է ի պատիվ երիտասարդ սիրահարներ Գարայի և Խոնայի, որոնց պատմությունը նման է Ռոմեոյի և Ջուլիետի պատմությանը, ինչպես նաև Հերոյի և Լեանդրի պատմությանը (հունական դիցաբանություն)։ Ավանդույթի համաձայն տոնի ժամանակ Բենեսմեն կղզում բնակվող Ագուլայի չամուսնացած աղջիկներն այդ օրը պետք է ջրում նայեին իրենց արտացոլանքին։ Եթե արտացոլանքը ջրում պարզ էր երևում, ապա աղջիկը մոտակա ժամանակահատվածում կգտներ իր ամուսնուն, հակառակ դեպքում կյանքը խոստանում է անհաջողություններ անձնական կյանքում։ Երբ Գարան նայում է ջրին՝ պատկերը հստակ երևում է։ Սակայն նա այնքան է նայում իր արտացոլանքին, որ արևը ժամանակավորապես կուրացնում է նրան։ Գերիա անունով իմաստունը ասում է, որ աղջիկը պետք է խուսափի կրակից, այլապես նա նրան կուլ կտա։
Խոնայը՝ Տեներիֆեի թագավոր Ադեհի տղան, որը նույնպես ժամանել էր մասնակցելու կղզում կայանալիք տոնին։ Խոնայի ուշադրությունը գրավում է Գարան, որն էլ սիրահարվում է երիտասարդին։ Ցավոք, երբ հայտարարվում է նշանադրությունը, Տայիդե կղզու հրաբուխը ժայթքում է։ Ծնողների կողմից սա դիտվում է որպես վատ նշան, և նրանք ստիպում են երիտասարդներին խզել իրենց կապերը։ Այսպիսով Խոնայը ստիպված է լինում վերադառնալ Տեներիֆե։ Բայց մի գիշեր, երբ նրանք հերթական անգամ հանդիպում են, տղայի հայրը հրամայում է գտնել նրանց։ Հուսահատությունից դրդված՝ նրանք որոշում ինքնասպան լինել։
ՅՈՒՆԵՍԿՕ-ի Համաշխարհային ժառանգության ցանկում[խմբագրել | խմբագրել կոդը]
Նման բարձր կարգավիճակ պարկին շնորհվել է 1986 թվականին։ Դրա համար կան մի քանի պատճառներ՝
- Հետազոտողները հաստատել են, որ այստեղ է պահպանվել եզակի դափնու անտառները, որոնք ավելի քան 2 միլիոն տարի առաջ ծածկել էին Եվրոպայի մայրցամաքային հսկայական հատվածը։
- Սառցե դարաշրջանում Եվրոպա աշխարամասի գրեթե ամբողջ կանաչապատ տարածքները անհետացել են ամբողջ երկրում միայն այստեղ է հայտնաբերվել նման բուսականություն։
- Այստեղ կան յուրահատուկ էնդեմիկ կենդանական և բուսական աշխարհ, որոնք չեն կարող հայտնաբերվել աշխարհի մեկ այլ տարածքում։
- Կղզին ունի հրաբխային ծագում, բայց հրաբխային գործունեության հետքեր չեն գտնվել։
Պարկի նկարագրություն[խմբագրել | խմբագրել կոդը]
Պարկի հիմքում ընկած է բավականին հարուստ կանաչ բուսականություն։ Ծովի մակարդակից ունի 1487 մ բարձրություն։ Չնայած նրան, որ կղզում կա նաև Պունտալաննա պարկը, զբոսաշրջությանը առավել հայտնի է Գարախոնայը, այսպիսով շատ լուսանկարիչներ գալիս են այստեղ և ժամեր շարունակ լուսանկարում գեղեցիկ բնապատկերները։ Անտառները բավականին սաղարթախիտ են և ստվերոտ։ Սրա շնորհիվ շատ քչերին է հաջողվում հասնել անանցանելի անտառի ծայրը՝ ստիպելով հորինել բազմաթիվ պատմություններ և առասպելներ դրանց շուրջ։
Պատկերասրահ[խմբագրել | խմբագրել կոդը]
-
«Roque Ojila»
-
«Roque de Agando»
-
«Roque de La Zarcita»
-
Փայտե արձանները Գարա և Խոնայա այգում
-
Ազգային պարկի տեղը կղզու վրա
-
Տեյդե հրաբուխը Գարախոնայ պարկից
-
Պարկի տեսքը տիեզերքից
-
Գարախոնայ ազգային պարկի անտառ
Ծանոթագրություններ[խմբագրել | խմբագրել կոդը]
- ↑ Գարախոնայ ազգային պարկը ՅՈՒՆԵՍԿՕ-ի կայքում
Արտաքին հղումներ[խմբագրել | խմբագրել կոդը]
- Гарахонай на сайте национальных парков Испании Արխիվացված 2011-09-02 Wayback Machine(իսպ.)
- UNESCO: Национальный парк Гарахонай (Канарские острова) Արխիվացված 2008-04-11 Wayback Machine
- Легенда Гары и Хоная Արխիվացված 2004-12-28 Wayback Machine(իսպ.)
Վիքիպահեստն ունի նյութեր, որոնք վերաբերում են «Գարախոնայ ազգային պարկ» հոդվածին։ |
|