Բիչերին
| Բիչերին | |
|---|---|
 | |
| Ենթատեսակ | սրճային ըմպելիք |
| Բաղադրամասեր | Էսպրեսո, Տաք շոկոլադ և կաթ |
| Ծագման երկիր |  Իտալիա |
 Bicerin Վիքիպահեստում | |
Բիչերին (իտալ.՝ Bicerin, պիեմ.՝ փոքր բաժակ), սրճային հիմքով տաք ըմպելիք, որը տարածված է Իտալիայի Թուրին շրջանում։ Բիչերինը պատրաստվում է հերթականությամբ լցնելով էսպրեսո, տաք շոկոլադ և կաթ և մատուցվում է ոչ մեծ, ապակյա բաժակով՝ ափսեի վրա դրված։ Միացյալ Նահանգներում կաթը հաճախ փոխարինում են սերուցքով[1]։ 2001 թվականին բիչերինը պաշտոնական տեղեկագրի միջոցով[2] ճանաչվեց Պիեմոնտի ավանդական ըմպելիք։
Ծագում
[խմբագրել | խմբագրել կոդը]
«Բիչերին» բառը պիեմոտերեն լեզվում նշանակում է «փոքր բաժակ» և իտալերեն բիչերինո (իտալ.՝ bicchierino) բառի բարբառային տարբերակն է։ Ըմպելիքը Թուրինի սրճարաններում մատուցվում է 18-րդ դարից ի վեր։ Բիչերինի մասին 1852 թվականին դրական է արտահայտվել Ալեքսանդր Դյուման[3]։ Հավանական է, որ բիչերինը պատրաստվել է 17-րդ դարի բավարիզա ըմպելիքի նմանությամբ։ Բիչերինի գլխավոր տարբերությունը բավարիզայից այն է, որ երեք բաղադրիչները շերտերով, զգուշորեն լցնում են բաժակի մեջ՝ առանց խառնելու։ Թուրինի Պյացա դելա Կոնսոլատա հրապարակի «Կաֆե ալ Բիչերին» սրճարանում, որը գտնվում է Սանտուարիո դելա Կոնսոլատա տաճարի դիմաց, բիչերին են մատուցում 18-րդ դարից ի վեր և ոմանք կարծում են, որ ըմպելիքը հենց այդ վայրում է ստեղծվել։ Մյուսներն էլ կարծում են, որ այն ստեղծվել է Կաֆե Ֆիորիոյում, մոտավորապես 1704 թվականին։
Տես նաև
[խմբագրել | խմբագրել կոդը]Ծանոթագրություններ
[խմբագրել | խմբագրել կոդը]- ↑ Bowen, Dana (2006 թ․ փետրվարի 8). «Why Settle for Gold in Turin? The Real Prize Is a Darker Delight» – via www.nytimes.com.
- ↑ Официальный бюллетень региона Пьемонт (իտալ.)
- ↑ Bicerin at Cioccolatò(անգլ.)
Արտաքին հղումներ
[խմբագրել | խմբագրել կոդը]
|
Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Բիչերին կատեգորիայում։ |