Բերնարդո Պարենտինո
Բերնարդո Պարենտինո | |
|---|---|
| Ծնվել է | մոտ 1437[1] |
| Ծննդավայր | Պորեչ, Իստրիա, Խորվաթիա |
| Վախճանվել է | հոկտեմբերի 28, 1531[1] |
| Մահվան վայր | Վինչենցա, Վենետո, Իտալիա |
| Քաղաքացիություն |  Վենետիկի հանրապետություն |
| Մասնագիտություն | նկարիչ |
| Ոճ | Վենետիկի գեղարվեստի դպրոց |
| Ուշագրավ աշխատանքներ | The Adoration of the Magi? |
| Ներշնչվել է | Անդրեա Մանտենյա |
 Bernardo Parentino Վիքիպահեստում | |
Բերնարդո Պարենտինո (մոտ 1437[1], Պորեչ, Իստրիա, Խորվաթիա - հոկտեմբերի 28, 1531[1], Վինչենցա, Վենետո, Իտալիա), վերածննդի դարաշրջանի իտալացի նկարիչ։ Նա հիմնականում աշխատում էր Պադովայում։
Կենսագրություն
[խմբագրել | խմբագրել կոդը]Ծնվել է Վենետիկյան հանրապետությանը պատկանող Պորեչ քաղաքում, որը գտնվում է Իստրիայի թերակղզու ափին։ Ամենայն հավանականությամբ, այնտեղ է ստացել իր նախնական կրթությունը[2]։ Մահացել է Վիչենցա քաղաքում։ Մեծապես կրել է Անդրեա Մանտենյայի ազդեցությունը, հավանաբար եղել է նաև նրա աշակերտը։
Նկարիչը հայտնի է նաև Բերնարդո Պարենցանո, Բերնարդո դա Պարենցո, Բերնարդինո Պարենտինո անուններով։ Նա սխալմամբ նույնացվել է վանական Լորենցոյի հետ[2]։
Ստեղծագործություն
[խմբագրել | խմբագրել կոդը]Բերնարդո Պարենտինոյի վրձնին են պատկանում Պադովայի սուրբ Ջուստինա վանքի համար ստեղծված «Սուրբ Բենեդիկտի կյանքը» աշխատանքը և «Սուրբ Ծնունդ» ստեղծագործությունը, որը գտնվում է Վենետիկի ակադեմիայի պատկերասրահում։ Նա նաև ստեղծել է «Սուրբ Անտոնիոսի գայթակղությունը» ընդհանուր թեմային վերաբերող նկարների շարքը, որոնք գտնվում են Դորիա Պամֆիլի պատկերասրահում։ Նրան է պատկանում նաև «Մոգերի երկրպագությունը» ստեղծագործությունը։
Նկարչի աշխատանքներում տեսանելի է մանրուքների նկատմամբ խիստ ուշադրությունը[2]։
Ծանոթագրություններ
[խմբագրել | խմբագրել կոդը]- ↑ 1,0 1,1 1,2 1,3 1,4 RKDartists (նիդերլ.)
- ↑ 2,0 2,1 2,2 Туинова, Екатерина Сокровища европейских музеев. — РООССА, 2006. — С. 29. — ISBN 978-5-91926-060-8
Գրականություն
[խմբագրել | խմբագրել կոդը]- Farquhar, Maria Biographical catalogue of the principal Italian painters. — Woodfall & Kinder, Angel Court, Skinner Street, London; Digitized by Googlebooks from Oxford University copy on Jun 27, 2006, 1855. — С. 120.
- Museum entry(չաշխատող հղում)
Արտաքին հղումներ
[խմբագրել | խմբագրել կոդը] | Վիքիպահեստն ունի նյութեր, որոնք վերաբերում են «Բերնարդո Պարենտինո» հոդվածին։ |
| ||||||||||||||||
