Արմեն Թութունջյան
- Վիքիպեդիայում կան հոդվածներ Թութունջյան ազգանունով այլ մարդկանց մասին։
| Արմեն Թութունջյան | |
|---|---|
 | |
| Հիմնական տվյալներ | |
| Ծնվել է | հունվարի 28, 1944 Երևան, Հայկական ԽՍՀ, ԽՍՀՄ |
| Երկիր |  ԽՍՀՄ և  Հայաստան |
| Մահացել է | հունիսի 8, 2017 (73 տարեկան) |
| Ժանրեր | ջազ |
| Մասնագիտություն | ջազ երաժիշտ |
| Գործիքներ | դաշնամուր, ջութակ և հարվածային գործիք |
| Աշխատավայր | Հայաստանի էստրադային նվագախումբ |
| Կապված | Armenian Navy Band Կատուներ |
| Պարգևներ | |
Արմեն Գրիգորի Թութունջյան (հայտնի է նաև որպես Չիկո, հունվարի 28, 1944, Երևան, Հայկական ԽՍՀ, ԽՍՀՄ - հունիսի 8, 2017[1]), հայ ջազային երաժիշտ, «Չիկոն և ընկերները» ջազային խմբի գեղարվեստական ղեկավար, թմբկահար, հեռուստահաղորդավար։ Հայաստանի Հանրապետության արվեստի վաստակավոր գործիչ։ Երևանի պետական կոնսերվատորիայի դոցենտ։ Հարվածային գործիքներ նվագելու ակադեմիական ուսուցման հիմնադիրը Հայաստանում։
Գործունեություն
[խմբագրել | խմբագրել կոդը]1986-1992 թվականներին նվագել է Կոնստանտին Օրբելյանի ղեկավարած Հայաստանի պետական էստրադային նվագախմբում։ 1994 թվականին ԱՄՆ Պետական դեպարտամենտի «Open competition» մրցույթի ժամանակ ճանաչվել է հաղթող։
1992 թվականին մի խումբ երիտասարդ երաժիշտների հետ ստեղծել է «Չիկոն և ընկերները» խումբը, որտեղ նվագել են Հանրապետության մի շարք հայտնի ջազային երաժիշտներ։ Խումբը գործում է ցայսօր։
1996-1998 թվականներին «Հայ FM» ռադիոկայանով վարել է «Սիրված երգիչներ» և «Ջազ» հաղորդումները։ 1998-2017 թվականներին վարել է «Ջազի ժամ» հաղորդումը նախ՝ «Ա1+», «ԱՐ», «Նոր ալիք», «Արարատ», «Երկիր Մեդիա» հեռուստաընկերությամբ։
2008 թվականին Հայաստանի Ազգային երաժշտական մրցանակաբաշխության ժամանակ արժանացել է Հատուկ մրցանակի՝ «Ջազի ժամ» հաղորդաշարի համար։ 2008 թվականին ՀՀ Նախագահի հրամանգրով նրան շնորհվել է ՀՀ արվեստի վաստակավոր գործչի պատվավոր կոչումը[2]։ 2009 թվականից եղել է Վահագն Հայրապետյանի եռյակի և քառյակի թմբկահարը։ 2011 թվականին լույս է տեսել նրա թմբկահարների առաջին հայերեն լեզվով «Ռիթմ և շարժում» ձեռնարկը։
Մահացել է 2017 թվականի հունիսի 8-ին[3]։
Սկավառակագրություն
[խմբագրել | խմբագրել կոդը]- «The Quartet» (2001 թ.)
- «To my friends with love» (2009 թ.)
- «VEM –Session» սկավառակ (2010 թ.)։
Ծանոթագրություններ
[խմբագրել | խմբագրել կոդը]- ↑ «Կյանքից հեռացել է Չիկոն՝ Արմեն Թութունջյանը». Վերցված է 2017 Հունիս 8-ին.
- ↑ Հայաստանի Հանրապետության պատվավոր կոչումներ շնորհելու մասին
- ↑ «Հայտնի մարդիկ, որոնք կյանքից հեռացան 2017 թվականին». style.news.am. 2018 թ․ հունվարի 1. Վերցված է 2023 թ․ հուլիսի 16-ին.
