Արմեն Թութունջյան

Վիքիպեդիայից՝ ազատ հանրագիտարանից
Արմեն Թութունջյան
Արմեն Թութունջյան.jpg
Հիմնական տվյալներ
Ծնվել էհունվարի 28, 1944(1944-01-28)
Երևան, Հայկական ԽՍՀ, Խորհրդային Սոցիալիստական Հանրապետությունների Միություն
ԵրկիրFlag of the Soviet Union.svg Խորհրդային Սոցիալիստական Հանրապետությունների Միություն և Flag of Armenia.svg Հայաստան
Մահացել էհունիսի 8, 2017(2017-06-08) (73 տարեկան)
Ժանրերջազ
Մասնագիտությունջազ երաժիշտ
Գործիքներդաշնամուր, ջութակ և հարվածային գործիք
ԱշխատավայրՀայաստանի էստրադային նվագախումբ
ԿապվածArmenian Navy Band
Կատուներ
Պարգևներ

Արմեն Գրիգորի Թութունջյան (հայտնի է նաև որպես Չիկո, հունվարի 28, 1944(1944-01-28), Երևան, Հայկական ԽՍՀ, Խորհրդային Սոցիալիստական Հանրապետությունների Միություն - հունիսի 8, 2017(2017-06-08)[1]), հայ ջազային երաժիշտ, «Չիկոն և ընկերները» ջազային խմբի գեղարվեստական ղեկավար, թմբկահար, հեռուստահաղորդավար։ Հայաստանի Հանրապետության արվեստի վաստակավոր գործիչ։ Երևանի պետական կոնսերվատորիայի դոցենտ։ Հարվածային գործիքներ նվագելու ակադեմիական ուսուցման հիմնադիրը Հայաստանում։

Գործունեություն[խմբագրել | խմբագրել կոդը]

1986-1992 թթ. նվագել է Կոնստանտին Օրբելյանի ղեկավարած Հայաստանի պետական էստրադային նվագախմբում։ 1994 թ. ԱՄՆ Պետական դեպարտամենտի «Open competition» մրցույթի ժամանակ ճանաչվել է հաղթող։

1992 թ. նա մի խումբ երիտասարդ երաժիշտների հետ ստեղծել է «Չիկոն և ընկերները» խումբը, որտեղ նվագել են Հանրապետության մի շարք հայտնի ջազային երաժիշտներ։ Խումբը գործում է ցայսօր։

1996-1998 թթ. «Հայ FM» ռադիոկայանով վարել է «Սիրված երգիչներ» և «Ջազ» հաղորդումները։ 1998-2017 թթ․ վարել է «Ջազի ժամ» հաղորդումը նախ՝ «Ա1+», «ԱՐ», «Նոր ալիք», «Արարատ», «Երկիր Մեդիա» հեռուստաընկերությամբ։

2008 թ. Հայաստանի Ազգային երաժշտական մրցանակաբաշխության ժամանակ արժանացել է Հատուկ մրցանակի՝ «Ջազի ժամ» հաղորդաշարի համար։ 2008 թ. ՀՀ Նախագահի հրամանգրով նրան շնորհվել է ՀՀ արվեստի վաստակավոր գործչի պատվավոր կոչումը[2]։ 2009 թ.-ից եղել է Վահագն Հայրապետյանի եռյակի և քառյակի թմբկահարը։ 2011 թ. լույս է տեսել նրա թմբկահարների առաջին հայերեն լեզվով «Ռիթմ և շարժում» ձեռնարկը։

Սկավառակագրություն[խմբագրել | խմբագրել կոդը]

  • «The Quartet» (2001 թ.)
  • «To my friends with love» (2009 թ.)
  • «VEM –Session» սկավառակ (2010 թ.)։

Ծանոթագրություններ[խմբագրել | խմբագրել կոդը]