Ասսումպտա Սերնա
![]() | |
---|---|
![]() | |
Ծնվել է | սեպտեմբերի 16, 1957[1] (66 տարեկան) |
Ծննդավայր | Բարսելոնա, Իսպանիա |
Քաղաքացիություն | ![]() |
Մասնագիտություն | դերասանուհի, թատրոնի դերասանուհի, կինոդերասանուհի և կինոռեժիսոր |
Ամուսին(ներ) | Սքոթ Կլևերդոն |
Ասսումպտա Սերնա (իսպ.՝ Assumpta Serna, սեպտեմբերի 16, 1957[1], Բարսելոնա, Իսպանիա), իսպանացի դերասանուհի։
Կյանքը և կարիերան
[խմբագրել | խմբագրել կոդը]Սերնան ծնվել է Կատալոնիայի Բարսելոնա քաղաքում Մարիա Ասունսոն Ռոդես Սերնա (իսպ.՝ María Asunción Rodés Serna) անունով[2]։
Նրա առաջին նշանակալի դերը դարձավ մեքսիկացի միանձնուհի Խուանա Ինես դե լա Կրուսը «Ես ստեղծվածներից ամենավատն եմ» (1990) ֆիլմում։ Հետագայում նա խաղացել է պարտիզանական հրամանատար Թերեզա Մորենոյի դերը Պիրենեյան պատերազմի ժամանակ ITV հեռուստաալիքի «Թագավորական հրաձիգ Շարպի արկածները» ֆիլմի առաջին չորս մասերում, որը նկարահանվել է Բեռնարդ Կորնուելի վեպի մոտիվներով։ Նա նկարահանվել է նաև «Մատադոր» (1986) Անտոնիո Բանդերասի հետ, «Վայրի խոլորձ» (1990), «Նոստրադամուս» (1994), «Հրաձիգը» (1995) և «Կախարդանք» (1996) ֆիլմերում։
2003 թվականին Սերնան հայտնվեց ITV հեռուստաալիքի «Հենրիխ VIII» երկմասանոց ֆիլմում Եկատերինա Արագոնացու դերում և «Այստեղ ոչ ոք չէր ապրի» իսպանական հեռուստասերիալում։ 2011-2014 թվականներին նա կատարել է Ալեքսանդր VI պապի սիրուհու, Վաննոցցի դեի Կատտանեի դերը Թոմ Ֆոնտանայի «Բորջիա» պատմական հեռուստասերիալում[3]։
Անձնական կյանք
[խմբագրել | խմբագրել կոդը]1982 թվականից մինչև 1985 թվականն ամուսնացած է եղել դերասան Կարլոս Տրիստանչոյի հետ (ծնված 1955 թվականին)։ 1993 թվականից ամուսնացել է շոտլանդացի դերասան Սքոթ Կլևերդոնի (ծնված 1969 թվականին) հետ։ Նրանք ծանոթացել են «Շարպի վաշտը» ֆիլմի նկարահանումների ժամանակ, որտեղ Կլեվերդոնը խաղում էր լեյտենանտ Հարրի Պրայսի դերը։
Սերնան ազատ խոսում է անգլերեն, ֆրանսերեն, իտալերեն, պորտուգալերեն, կատալոներեն և իսպաներեն լեզուներով։
Ծանոթագրություններ
[խմբագրել | խմբագրել կոդը]- ↑ 1,0 1,1 filmportal.de — 2005.
- ↑ Geneall
- ↑ «"Borgia" llega a Cosmopolitan TV». mundoplus.tv.
Գրականություն
[խմբագրել | խմբագրել կոդը]- Vidal, Nuria (1993). Assumpta Serna (Paperback) (in Spanish) (1st ed.). Barcelona: Icaria. ISBN 978-84-7426-211-7. LCCN 94202146. OL 1207170M. Retrieved 2016-12-02.
![]() | Վիքիպահեստն ունի նյութեր, որոնք վերաբերում են «Ասսումպտա Սերնա» հոդվածին։ |
|