Անաստասիա Էրիսթավի-Խոշտարիա
Անաստասիա Էրիսթավի-Խոշտարիա ანასტასია ერისთავი-ხოშტარია | |
|---|---|
 | |
| Ծնվել է | փետրվարի 3 (15), 1868 |
| Ծննդավայր | Գորի, Թիֆլիսի նահանգ, Ռուսական կայսրություն |
| Վախճանվել է | մայիսի 1, 1951 (83 տարեկան) |
| Վախճանի վայր | Թբիլիսի, Վրացական ԽՍՀ, ԽՍՀՄ |
| Գերեզման | Դիդուբեի պանթեոն |
| Մասնագիտություն | վիպասան և գրող |
| Քաղաքացիություն |  Ռուսական կայսրություն, .svg){kind=small} Վրաստանի Դեմոկրատական Հանրապետություն և .svg){kind=small} ԽՍՀՄ |
| Ամուսին | Դութու Մեգրելի |
 Anastasia Eristavi-Khoshtaria Վիքիպահեստում | |
Անաստասիա Էրիսթավի-Խոշտարիա (վրաց.՝ ანასტასია ერისთავი-ხოშტარია, փետրվարի 3 (15), 1868, Գորի, Թիֆլիսի նահանգ, Ռուսական կայսրություն - մայիսի 1, 1951, Թբիլիսի, Վրացական ԽՍՀ, ԽՍՀՄ), վրացի կին վիպասան։
Կենսագրություն
[խմբագրել | խմբագրել կոդը]Անաստասիա Էրիսթավի-Խոշտարիան ծնվել է Ռուսական կայսրության մաս կազմող Գորի քաղաքում, արիստոկրատ ընտանիքում։ Ծննդավայրում աշխատել է որպես ուսուցիչ, գյուղացի երեխաների համար հիմնադրել է անվճար դպրոց, այնուհետև ստեղծել է կանանց Մանդիլոսանի կազմակերպությունը։
Էրիսթավի-Խոշտարիան տպագրվել է 1885 թվականին, երբ նրա թարգմանությամբ լույս տեսավ օսական լեգենդը՝ ბესო («Բեսո»)։ 1890 թվականին վրացի գրող Ակակի Ծերեթելիի հորդորով տեղափոխվում է Թբիլիսի` շարունակելու իր աշխատանքը բնօրինակ գրվածքների վրա։ 1893 թվականին Ա. Ծերեթելիի առաջարկությամբ հրատարակել է իր առաջին պատմվածքը։ Նրա առաջին վեպերը მოლიპულ გზაზე («Սայթաքուն ճանապարհներին», 1897) և ბედის ტრიალი («Ճակատագրի անիվը», 1901), մեծ ճանաչողական հաջողություն են վայելում։
Անաստասիա Էրիսթավի-Խոշտարիան առաջին վրացի կին վիպասանն է, ով իր ստեղծագործությունները դիտարկում է կնոջ տեսանկյունից և դրանք մատուցում ուսյալ չափահասներին. նրա վեպերում ընդգծվում է վրաց ազնվական կնոջ կարիերան, որը 19-րդ դարի կեսերին հին տնտեսական և բարոյական նորմերի փլուզման խառնաշփոթում էր, առաջ է տանում ազատ աշխատանքի, ընդդեմ կոռումպացված հերոսների ճշմարիտ սիրո իր իդեալները։
1921 թվականին, երբ կարմիր բանակը ներխուժում է Վրաստան, Անաստասիա Էրիսթավի-Խոշտարիան հեռանում է գրական և հասարակական գործունեությունից։ Գրում էր քիչ, բացառությամբ իր սեփական ստեղծագործությունների գաղափարական ուղղիչ վերահրատարակումների ներածություններից[1]։
Անաստասիան ամուսնացել է Դութու Մեգրելի (Դիմիտրի Խոշտարիա) (1867-1938) հետ, ով հանրաճանաչ հայրենասիրական բանաստեղծությունների և մանկական պատմությունների հեղինակ է։
Նրան թաղել են Դիդուբեի պանթեոնում։
Ծանոթագրություններ
[խմբագրել | խմբագրել կոդը]- ↑ Rayfield, Donald (2000), The Literature of Georgia: A History: 2nd edition, p. 217. Routledge, ISBN 0-7007-1163-5
 | Վիքիպահեստն ունի նյութեր, որոնք վերաբերում են «Անաստասիա Էրիսթավի-Խոշտարիա» հոդվածին։ |
| ||||||
