Ալիսիա Յանես Կոսսիո

Ալիսիա Յանես Կոսսիո
Ծնվել է	սեպտեմբերի 10, 1928(1928-09-10) (96 տարեկան)
Ծննդավայր	Կիտո, Էկվադոր
Մասնագիտություն	լրագրող, բանաստեղծուհի, գրող և վիպասան
Լեզու	իսպաներեն
Քաղաքացիություն	Էկվադոր
Կրթություն	Մադրիդի Կոմպլուտենսե համալսարան
Ժանրեր	պոեզիա, պատմվածք, պատմվածք և վեպ
Ուշագրավ աշխատանքներ	Bruna and Her Sisters in the Sleeping City?, Yo vendo unos ojos negros? և La casa del sano placer?
Պարգևներ	Joaquín Gallegos Lara Literary Award? և Premio Eugenio Espejo?
Զավակներ	Luis Miguel Campos?
Alicia Yánez Cossío Վիքիպահեստում

Ալիսա Յանես Կոսսիո (իսպ.՝ Alicia Yánez Cossío, սեպտեմբերի 10, 1928(1928-09-10), Կիտո, Էկվադոր), Էկվադորցի բանաստեղծուհի և լրագրող, Էուխենիո Էսպեխոյի անվան մրցանակի դափնեկիր (2008)։

Կենսագրություն

Ալիսիա Յանես Կոսսիոն ծնվել է Կիտոյում 1928 թվականի դեկտեմբերի 10-ին, Ալֆոնսո Յանես-Պրոագնոյի և Կլեմենսիա Կոսսիո-Լարեայի ընտանիքում։ Վեց տարեկանում ընդունվել է Կիտոյի Սուրբ սրտի քոլեջ, որտեղից շուտով հեռացվել է թվաբանություն սովորելուց հրաժարվելու պատճառով։ Վաղ տարիքում դրսևորել է գրական մեծ տաղանդ։ Միշտ ցանկացել է գրող լինել։

Բանաստեղծուհին ասել է․ «Ես շատ երջանիկ մանկություն եմ ունեցել, գուցե մի փոքր տղայական՝ ազդված իմ վաղ հետաքրքրություններից՝ Ժյուլ Վեռնի վեպերից և Տարզանի սխրագործություններից, ես երբեք չեմ սիրել տիկնիկներ»։

1949 թվականին հրատարակել է իր առաջին ստեղծագործությունը՝ «Լուսիոլաս» (իսպ.՝ Luciolas) վեպը։ Նրա ստեղծագործություններում անհատը հակադրվում է հասարակության անարդարությանը, պայքարում է կանանց հիմնարար իրավունքների համար։ Գրողի ստեղծագործությունների մյուս մշտական թեման տղամարդու շովինիզմի մերկացումն է։ Տղամարդկանց գերազանցությունը նա նկարագրում է հեգնանքով, սարկազմով, օրինակ՝ ուժեղ սեռի տեղական ներկայացուցիչների վերաբերմունքը այնպիսի երևույթների, ինչպիսիք են կուսությունը կամ համասեռամոլությունը։

1971 թվականին Գուայակիլում նա հաղթել է «Տիեզերք» ամսագրի գրական մրցույթում։ 1990-ականներին Ալիսիա Յանես Կոսսիոյի ստեղծագործությունները համբավ են ձեռք բերել Էկվադորի սահմաններից դուրս։ 1998 թվականին հրատարակել է «Կուբայական դիմանկարներ» (իսպ.՝ Relatos cubanos), որտեղ ընդգրկված են եղել 18 պատմվածքներ՝ գրված 1957-1961 թվականներին Կուբայում։ Այդտեղ պատմվում է տեղի բնակիչների ազատության համար մղվող պայքարի մասին։ Գրողի որոշ գործեր դեռևս անտիպ են։ 2008 թվականին Ալիսիա Յանես Կոսսիոն արժանացել է Էուխենիո Էսպեխոյի անվան գրական մրցանակի։

1993 թվականին Ալիսիան այրիացել է։ Նրա որդին՝ Լուիս Միգել Կամպոս-Յանեսը (ծնվ. 1960), գրող է։

Ստեղծագործություններ

Վեպեր

• Bruna, soroche y los tíos (1973) (անգլերեն թարգմանություն՝ "Bruna and Her Sisters in the Sleeping City" Քենեթ Ջ. Ա. Վիշինայի, 1999)
• Yo vendo unos ojos negros (1979)
• Más allá de las islas (1980) (անգլերեն թարգմանություն՝ "Beyond the Islands" Ամալյա Գլադհարթի, 2011)
• La Cofradía del Mullo de la virgen Pipona (1985) (անգլերեն թարգմանություն՝ "The Potbellied Virgin" Ամալյա Գլադհարթի, 2006)
• La casa del sano placer (1989)
• El cristo feo (1995)
• Aprendiendo a morir (1997)
• Y amarle pude... (2000)
• Sé que vienen a matarme (2001)
• Concierto de sombras (2004)
• Esclavos de Chatham (2006)
• Memorias de la Pivihuarmi Cuxirimay Ocllo (2008)

Պոեզիա

• Luciolas (1949)
• De la sangre y el tiempo (1964)
• Plebeya mínima (1974)

Կարճ պատմվածքներ

• El beso y otras fricciones (1975)
• Relatos cubanos (1998)

Թատերական գործեր

• Hacia el Quito de ayer (1951)

Մանկական գրականություն

• El viaje de la abuela (1997)
• Pocapena (1997)
• Los triquitraques (2002)
• ¡No más! (2004)
• La canoa de la abuela (2006)

Մրցանակներ

• Ազգային վեպի մրցույթ՝ Գուայակիլի «El Universo» ամսագրի հիսուներորդ տարեդարձը (1971),
• Սոր Խուանա Ինես դե լա Կրուսի մրցանակ (1996),
• էուխենիո Էսպեխոյի գրականության մրցանակ (2008)

Արտաքին հղումներ

• Biografías y vidas: Alicia Yánez Cossío(իսպ.)
• Narrativa: Alicia Yánez Cossío(իսպ.)
• Fundación Mandrágora: Alicia Yánez Cossío(իսպ.)
• Yánez Cossío, Alicia: Literatura de Alicia Yánez(իսպ.)

Վիքիպահեստն ունի նյութեր, որոնք վերաբերում են «Ալիսիա Յանես Կոսսիո» հոդվածին։