Wescam
Wescam | |
|---|---|
 | |
| Տեսակ | բիզնես ձեռնարկություն |
| Հիմնադրված է | 1959 |
| Վայր | Բերլինգտոն (Օնտարիո), Հալթոն, Օնտարիո, Կանադա |
| Արդյունաբերություն | ռազմական արտադրություն |
| Կայք | wescam.com |
 Wescam Վիքիպահեստում | |
L3Harris Wescam (նաև L3Harris WESCAM) - կանադական ընկերություն, որը մասնագիտացված է գիրոսկոպի ստաբիլիզացիայով աշխատող ռեպրոգրաֆիկ-թերմոգրաֆիկ պատկերային համակարգերի արտադրությամբ։ Wescam Inc.-ը L3Harris Technologies-ի դուստր ձեռնարկությունն է։ Ընկերության անվանումը նաև գործածական է դարձել այդ տեսակի ֆոտոխցիկների համար, չնայած որ աշխարհում կան մի քանի այլ ընկերություններ, որոնք զբաղվում են նմանատիպ համակարգերի արտադրությամբ։ Wescam-ը գտնվում է Կանադայի Բուռլինգտոն քաղաքում։
Պատմություն[խմբագրել | խմբագրել կոդը]
,_fitted_with_a_Wescam_gyro-stabilised_cine_camera,_at_Bankstown_Airport.jpg)
1959 թ․ Westinghouse Canada-ի ռազմական բաժինը մշակեց ստաբիլիզացիայով ֆոտոխցիկի ամրակցում Canadian Defense Research Establishment-ի համար։ Արտադրանքը կոչվեց WESSCAM (Westinghouse Steered Stabilized Camera Mount):
1974 թ․ WESSCAM-ի գյուտարար Նոքս Լիվիթը Westinghouse-ից գնեց լաբորատոր սարքավորումներ և արտոնագրեր և ստեղծեց Istec Limited (Isolation Stabilization Technologies) ընկերությունը[1]։ Ընկերությունն ուներ 17 աշխատակից և մոտ 1 միլիոն դոլլար եկամուտ։ Այն զգալիորեն ընդլայնվեց ներքին զարգացման և ռազմավարական ձեռքբերումների միջոցով։ Արդյունքում ընկերությունը համալրվեց լրացուցիչ տեխնոլոգիաներով, ընդլայնվեց ընկերության ինտելեկտուալ կարողություններն ու շուկայական մասնաբաժինը։
1994 թ․ Istec-ը վերանվանվեց Wescam, իսկ 1995 թ․ վերջինս ներառվեց Տորոնտոյի ֆոնդային բորսայում։
2002 թ․ L3 Technologies ընկերությունը գնեց Wescam-ին։ Որպես L3 Technologies-ի մաս Wescam-ը ընդլայնեց իր ներկայությունը ԱՄՆ-ում և ավելացրեց իր արտադրանքն ու ծառայությունները հաճախորդների համար։
2019 թ․ հունիսին L3 Wescam-ը վերանվանվեց L3Harris Wescam, երբ դրա մայր ընկերությունը՝ L3 Technologies-ը, միաձուլվեց Harris Corporation-ի հետ[1]։
Արտադրանք[խմբագրել | խմբագրել կոդը]
Wescam-ի հիմնական արտադրական գիծը MX-Series-ն է, որը բաղկացած է MX շարքի գլխիկների ընտանիքից՝ MX-8, MX-10, MX-15, MX-20 և MX-25։ Դրանք բոլորը կառավարվում են զենքերի կարգավորումերում ԱՄՆ միջազգային երթևեկությամբ։ Ներկայումս դրանք օգտագործվում են պաշտպանական արդյունաբերության, տան անվտանգության և օրինապահ մարմինների համար, ինչպես նաև հեռուստատեսային սպորտային միջոցառումներում, ինչպես, օրինակ, NASCAR-ը։ Այս արտադրանքը սովորաբար ամրացվում է ֆիքսված թևերով, պտուտակաթև օդանավերին, անօդաչու թռչող սարքերին և աէրոստատ հարթակներին ու շատ այլ մարտական մեքենաներին և ծավային հարթակներին։
MX-10[խմբագրել | խմբագրել կոդը]
MX-10-ը ներկայացվել է 2009 թ․, այն ամենանոր պատկերային համակարգն է։ Դրա ամբողջական քաշը կազմում է 16,8 կգ, ունի 26 ցմ տրամաչափ և 36 ցմ բարձրություն։ Այս փոքր չափն ու քաշը նվազեցնում են այն օդաչուով և անօդաչու հարթակների վրա տեղադրելու համար քաշի և չափսի պահանջները։ MX-10-ը կարող է համակցել տարբեր տեսակի սենսորներ (մինչև վեց), ներառյալ բարձր թույլատվությամբ ցերեկային և ինֆրակարմիր սենսորներ[2]։
Wescam-ն արտադրում է նաև MX-10-ի տարբերակներ լայն կիրառության համար։ The MX-10GS-ը հարմարեցված է մարտական մեքենաների վրա ամրացման համար, այն ամրացվում է կամ շարժական կազմի կամ զրահաաշտարակի վերևում, որպեսզի գտնվի բարձր դիրքում՝ անկախ այն բանից, թե մեքենան շարժվում է, թե կանգնած է։ Արտադրվել է նաև MX-10MS տեսակը, որը Zyvex Technologies ընկերությունը օգտագործել է Piranha անօդաչու մակերևույթային նավի համար։ WESCAM's MX 10 is a compact a Multi-Sensor, Multi-Spectral imaging system for surveillance missions from light aircraft.
Wescam MX-10 ջերմապատկերային համակարգն ունի երկու տեսախցիկ։ Գունավոր տեսախցիկը, որն օգտագործվում է հիմնականում ցերեկային լույսի պայմաններում, կարող է արձանագրել ավտոմեքենայի համարանիշի չափսի առարկաներ ավելի քան 228 մ հեռավորությունից։ Երկրորդ՝ ինֆրակարմիր ջերմային տեսախցիկը կարող է օգտագործվել ցերեկային ու գիշերային պայմաններում։ Ինֆրակարմիր տեխնոլոգիան հնարավորություն է տալիս օդանավի անձնակազմին այն օբյեկտները, որոնք կարող են գիշերն աննկատ մնալ։
MX-15[խմբագրել | խմբագրել կոդը]
MX-15-ը Wescam-ի պատկերային համակարգերի ամենահայտնի ընտանիքն է։ Այս գլխիկը կարող է կշռել մինչև 45 կգ, ունի 40 ցմ տրամագիծ և 48 ցմ բարձրություն։ MX-15 ընտանիքը ներառում է MX-15, MX-15HDi, MX-15D և MX-15GS տարբերակները։ Այս պատկերային համակարգերը սովորաբար տեղադրվում են օդաչուով, ֆիքսված թևով և պտուտակաթև օդանավերի վրա։
MX-20[խմբագրել | խմբագրել կոդը]
MX շարքից MX-20-ը ամենամեծ պատկերային համակարգն է, որը կշռում է մինչև 90 կգ։ Այն ունի 54 ցմ տրամագիծ և 67 ցմ բարձրություն։ Այս ավելի մեծ համակարգը սովորաբար տեղադրվում է մեծ, ֆիքսված թևով օդանավերի վրա, ինչպիսիք են P-3 Orion-ն ու Aerostat-ը։ Այս գլխիկն օգտագործվում է հեռահար հետախուզության համար, քանի որ կարող է ճանաչել օբյեկտներ ավելի քան 20 կմ հեռավորությունից։
Հաճախորդներ[խմբագրել | խմբագրել կոդը]
Wescam-ը մատակարարում է իր արտադրանքը աշխարհի տարբեր ռազմական արդյունաբերությամբ զբաղվող ընկերություններին․
- Air Attack, Ֆրանսիա
- Ավստրիայի դաշնային ոստիկանություն
- Բայրաքթար ՏԲ2, Թուրքիա[3]
- Կանադային ազգային պաշտպանության վարչություն
- Կատալոնիայի ոստիկանություն
- Չիլիի նավատորմ
- Ֆրանսիական ժանդարմեդիա
- Իսլանդիայի առափնյա պահակախումբ
- Լիտվայի օդային պաշտպանություն
- Լյուքսեմբուրգի ոստիկանություն
- OHB SE, Գերմանիա
- Պորտուգալիայի օդային ուժեր
- Նիդեռլանդների թագավորական օդային ուժեր
- Նորվեգիայի թագավորական օդային ուժեր
- Spanish Fisheries
- Իսպանիայի արտակարգ իրավիճակների բաժին
- Ազգային օդային ոստիկանության ծառայություն (NPAS)
- Շվեդիայի առափնյա պահակախումբ
- Trafico Spain
- Միացյալ Թագավորության ծովային և առափնյա պահակախումբ
- Միացյալ Թագավորության պաշտպանության նախարարություն
- ԱՄՆ օդային ուժեր
- ԱՄՆ զինված ուժեր
- ԱՄՆ մաքսային և սահմանային պահակախումբ
- Հետաքննությունների դաշնային բյուրո
- ԱՄՆ ռազմածովային ուժեր
Ծանոթագրություններ[խմբագրել | խմբագրել կոդը]
- ↑ 1,0 1,1 McClain, Stan (2015 թ․ օգոստոսի 12) [Originally published Spring/Summer 1996 in The Operating Cameraman]. «A History of Aerial Cinematography». The Legend of Pancho Barnes(Movie).
- ↑ «L-3 WESCAM launches MX-10 EO/IR imaging turret». Rotorhub, Shephard.(չաշխատող հղում)
- ↑ Sevunts, Levon. «Armenia claims it found Canadian tech on downed Turkish drone». cbc.ca. Վերցված է 2020 թ․ հոկտեմբերի 24-ին.
{{cite web}}: CS1 սպաս․ url-status (link)
Արտաքին հղումներ[խմբագրել | խմբագրել կոդը]
- Official website Արխիվացված 2008-12-11 Wayback Machine