Ավստրալիական խևահավ
| Ավստրալիական խևահավ | |
 Ավստրալիական խևահավ | |
| Դասակարգում | |
| Թագավորություն | Կենդանիներ (Animalia) |
| Տիպ/Բաժին | Քորդավորներ (Chordata) |
| Ենթատիպ | Ողնաշարավորներ (Vertebrata) |
| Դաս | Թռչուններ (Aves) |
| Կարգ | Խոլահավազգիներ (Suliformes) |
| Ընտանիք | Խոլահավեր (ընտանիք) (Sulidae) |
| Ցեղ | Խևահավեր (Morus) |
| Տեսակ | Ավստրալիական խևահավ (M. serrator) |
| Միջազգային անվանում | |
| Morus serrator | |
| Տարածվածություն և պահպանություն | |
Հատուկ պահպանության կարգավիճակ՝  Քիչ մտահոգող տեսակ  Տաքսոնի տարածվածությունը | |
Ավստրալիական խևահավ (լատին․՝ Morus serrator), ծովային թռչուն խոլահավերի ընտանիքից։ Արտաքուստ հիշեցնում է հյուսիսային և կապյան խևահավերին։ Խոլահավերի ընտանիքից Ավստրալիական խևահավն ամենահարավային մասում բույն դնող տեսակն է։ Չնայած իր անվանը` ավստրալիական խևահավը պատկանում է ավելի շատ Նոր Զելանդիայի, քան Ավստրալիայի ֆաունային։ Բույն դրած գաղութների և առանձին տեսակների մեծ քանակություն գտնվում է Նոր Զելանդիայում։
Նկարագրություն
[խմբագրել | խմբագրել կոդը]Ավստրալիական խևահավի երկարությունը հասնում է 84-ից 91 սմ։ Թևերի երկարությունը 44-ից 48,5 սմ է, թևերի բացվածքը` 170-ից 200 սմ։ Հասուն թռչնի քաշը 2-ից 2,8 կգ է[1]։
Սեռահասուն թռչնի փետուրները առավելապես սպիտակ են։ Գլուխը և պարանոցը՝ դեղին, թռչնի դեղին երանգը կապված է եղանակից և անհատականությունից։ Թևերը, ծայրային և կենտրոնական պոչի փետուրները սև են։ Կտուցը կապտա-մոխրագույն է, հիմքում բաժանված է մերկ մաշկով։ Աչքերը մոխրագույն են` կապույտ ակնօղակով։ Ոտքերը սև-մոխրագույն են։ Երիտասարդ թռչուններն ունեն առավելապես մուգ դարչնագույն փետուրներ։
Տարածումը
[խմբագրել | խմբագրել կոդը]Ավստրալիական խևահավը երկրորդ ամենահազվադեպ տեսակն է` Աբբոտի խոլահավից հետո։ Բույն դնող զույգերի թիվը հասնում է 70000-ից 75000-ի։ Բույն դնողների շրջանը գտնվում է 32°12’S և 46°36’S կոորդինատների միջև։ Բույն դնողների աշխարհի պոպուլյացիայի 99 %-ը 34° մինչև 40°S գոտում է։ Ինչպես և իր երկու հարազատ տեսակները` հյուսիսային և կապյան խևահավերը, ավստրալիական խևահավը ևս օգտվում է զով, բայց ուտելիքներով հարուստ ծովի շրջաններից։
Դասակարգում
[խմբագրել | խմբագրել կոդը]Թռչնաբան Բրայան Նելսոնն առաջարկել է կապյան խևահավը, ինչպես նաև ավստրալիական խևահավը, համարել հյուսիսային խևահավի գերտեսակի ալոպատրիկ տեսակներ։ Կապյան խևահավից ավստրալիական խևահավը տարբերվում է փոքրիկ, չփետրակալած մաշկի մասերով աչքերի շուրջ, ավելի մուգ, ծիածանաթաղանթով և պոչի չորս կենտրոնական փետուրների սև գունավորմամբ։ Կապյան խևահավի հետ հազվադեպ են հիբրիդներ ձևավորում։
Ծանոթագրություններ
[խմբագրել | խմբագրել կոդը]- ↑ Shirihai, S. 207
Գրականություն
[խմբագրել | խմբագրել կոդը]- Josep del Hoyo et al.: Handbook of the Birds of the World, Band 1 (Ostrich to Ducks). Lynx Edicions, 1992, ISBN 84-87334-10-5
- J. Bryan Nelson: The Atlantic Gannet", Fenix Books LTd, Norfolk 2002, ISBN
- J. Bryan Nelson: Pelicans, Cormorants and their relatives Oxford University Press, 2005, ISBN 0-19-857727-3
- Hadoram Shirihai: A Complete Guide to Antarctic Wildlife — The Birds and Marine Mammals of the Antarctic Continent and Southern Ocean, Alula Press, Degerby 2002, ISBN 951-98947-0-5
 | Վիքիցեղերն ունի նյութեր, որոնք վերաբերում են «Ավստրալիական խևահավ» հոդվածին։ |
 | Վիքիպահեստն ունի նյութեր, որոնք վերաբերում են «Ավստրալիական խևահավ» հոդվածին։ |
| ||||||
