Hotel California (երգ)
| «Hotel California» | |
|---|---|
| Eagles-ի սինգլը | |
| «Hotel California» ալբոմից | |
| Թողարկված | 1978 |
| Ձայնագրված | 1976 |
| Ժանր | բլյուզ-ռոք, փոփ-ռոք |
| Երգահան | Դոն Ֆելդեր, Գլեն Ֆրայ, Դոն Խենլի |
| Տևողություն | 06:30 |
| Լեյբլ | Asylum Records |
«Hotel California» (Հյուրանոց Կալիֆոռնիա), Eagles խմբի երգը համանուն ալբոմից, որը թողարկվել է 1976 թվականին: 1977 թվականի սկզբին երգը թողարկվել է նաև որպես սինգլ:
Պատմություն[խմբագրել | խմբագրել կոդը]
Երգում նկարագրվում է մի «հյուրանոց, որը երբեք չի կարելի լքել»: Երգը հիշեցնում է հոգնած ճանապարհորդի պատմությունը, ով մղձավանջային հյուրանոցում, որը սկզբում շատ գրավիչ էր թվում, հայտնվել է թակարդում:
Ոմանց կարծիքով երգը այլաբանորեն խոսում է հեդոնիզմի և Հոլիվուդում երգի ինքնաոչնչացման մասին: Երգի գաղափարն այն է, որ Հոլիվուդը նման է շքեղ հյուրանոցի, որը նախ ողջունում է հյուրերին, ապա իր խորամանկության շնորհիվ նրանց գցում թակարդի մեջ: Կան նաև այլ տարբերակներ․ օրինակ՝ այն, որ «հյուրանոցի» անվան տակ նկատի է առնվում բանտ կամ հոգեբուժարան: Կա նաև վարկած, որ երգում խոսվում է թմրամոլության մասին: Որպես հիմք ներկայացվում է colitas բառի թարգմանությունն այս տողում․
|
Warm smell of colitas rising up through the air․ | 
|
Որոշ աղբյուրների համաձայն՝ colitas բառը ոչ այլ ինչ է, քան կանեփի տերևների ծայրեր[1], որի տերևները պարունակում են մեծ քանակությամբ տետչահիդրոկաննաբինոլ (ТГК): Այդ մեկնաբանության համաձայն՝ colitas-ն ունի իսպանական արմատներ և կապված է կոկաինի հետ:
Կա նաև տարբերակ, որ երգը գրվել է Ջեթրո Թալ խմբի կողմից՝ «Stand Up» (1969) ալբոմի «We Used to Know» երգի ազդեցությամբ: Նախքան երգի թողարկումը խմբերը հանդես են եկել համատեղ հյուրախաղերով: Նման են նաև մեղեդին և ակորդները: Ջեթրո Թալից Իեն Անդերսոնը 1970-ականների վերջին տված համերգների ժամանակ անձամբ է ընդգծել դա՝ սկսելով նվագել "We Used to Know"-ն, իսկ երկրորդ հատվածից կատարելով «Hotel California»-ի խոսքերը:
Որոշ աղբյուրների համաձայն՝ երգը նվիրվել է բոլոր ժամանակների քանթրի ռոքի մեծագույն կատարողներից մեկի՝ Գրեմ Պարսոնսի (իրական անունը՝ Սեսիլ Քոննոր) հիշատակին: 1973 թվականի սեպտեմբերի 19-ին նա մահացել է հերոինի չափաբաժնի չարաշահումից՝ Կալիֆոռնիայի հարավ-արևելքում գտնվող «Joshua Tree Inn» հյուրանոցում:
1978 թվականին «Hotel California» երգն արժանացել է «Գրեմմի» մրցանակի՝ որպես տարվա լավագույն երգ: Երգը նաև գլխավորել է Billboard Hot 100 հիթ-շքերթը:
Երգը համարվում է 20-րդ դարի լավագույն երգերից մեկը։ «Rolling Stone» ամսագրի «Բոլոր ժամանակների լավագույն 500 երգերը» ցանկում գրավել է 49-րդ հորիզոնականը[2]:
Քավեր տարբերակներ[խմբագրել | խմբագրել կոդը]
Թողարկվել են երգի տարբեր քավեր տարբերակներ: Օրինակ՝ այն կատարել են Gipsy Kings-ը, The Killers-ը, Alabama 3-ն, Oleg Skrypka-ն, Sunday-ն, Our Last Night-ը և Մաջեք Ֆաշեքը (տարբերակ, որը երբեմն վերագրում են Բոբ Մառլիին): Gipsy Kings-ի կատարմամբ քավեր տարբերակը դարձել է «Մեծ Լեբովսկի» ֆիլմի սաունդթրեքը:
2012 թվականի օգոստոսին ռոք երաժիշտ Մերիլին Մենսոնը իր մասնակցությամբ «Californication» հեռուստասերիալի վեցերորդ եթերաշրջանի նկարահանման ավարտին նվիրված երեկույթի ժամանակ հանդես եկավ «Hotel California» երգով:
Մշակույթում և արվեստում[խմբագրել | խմբագրել կոդը]
- Վադիմ Լևանովի պիեսներից մեկը անվանվում է «Hotel California»:
