«Exile», ամերիկացի երգչուհի Թեյլոր Սվիֆթի երգը Bon Iver ինդի-ռոք խմբի մասնակցությամբ։ Երգը ներառվել է Սվիֆթի «Folklore» ութերորդ ստուդիական ալբոմում, թողարկվել է 2020 թվականի հուլիսի 24-ին։ 2020 թվականի օգոստոսի 3-ին Republic Records լեյբլը թողարկել է այդ երգը բոլոր ռադիոկայաններում՝ որպես ալբոմի երկրորդ սինգլ։
Նոր երգի՝ որպես երկրորդ սինգլի թողարկումը ռադիոյում տեղի է ունեցել օգոստոսի 3-ին, իսկ լիրիկական հոլովակը թողարկվել է 2020 թվականի հուլիսի 24-ին YouTube ալիքում ալբոմի թողարկման հետ միաժամանակ[2]։ «Exile» երգը պատմում է փոխհարաբերությունների մասին[3]։ Երաժշտության մեջ գերակշռում են դաշնամուրն ու կիթառի հնչյունները[4], համեմատելի են նրա հետ, ինչ պատահել է 2013 թվականին Թեյլոր Սվիֆթի «Red» չորրորդ ստուդիական ալբոմի «The Last Time» (2013) թրեքի հետ[1][5]։
Կոմպոզիցիան, ընդհանուր առմամբ, հավանության է արժանացել երաժշտական քնադատների և մեկնաբանների կողմից, ինչպիսիք են E! Online-ից Բիլլի Նիլեսը[4], Քրիստոֆեր Ռոբերթսը Under the Radar ամսագրից։ Ռոբերթսը այն անվանել է «Folklore»-ի լավագույն երգերից մեկը, և նկատել է, որ «Սվիֆթի և Վերնոնի ձայները լավ համադրվում են միմյանց հետ», իսկ վերջինս հնչում է Պիտեր Գեբրիելի նման[3]։ Գրելով գրախոսություն «Consequence of Sound» հրատարակության համար՝ Մեթ Մելիսը «Exile»-ն անվանել է «Շաբաթվա երգ» (Song of the Week) «Folklore»-ի թողարկումից հետո, իսկ դուետի միավորումը՝ «2020 թվականի փոքրիկ հրաշք»[6]։ «Vulture» ամսագրից Ջասթին Կուրտոն հայտարարել է, որ «պանդեմիայի վերջին չորս ամիսներին [Սվիֆթը] ծախսել է իրենից դուրս տեղի ունեցածի մասին մտածելու վրա, և թողարկել է իր առավել հայեցողական ալբոմն «Exile» երգով՝ որպես հիմնական արդյունք»[1]։