1984 (գիրք)

Վիքիպեդիայից՝ ազատ հանրագիտարանից
Picto infobox book.png
1984
1984 girq.jpg
Հեղինակ Ջորջ Օրվել
Անվանվել է 1984
Տեսակ գիրք
Ժանր հակաուտոպիական գրականություն, քաղաքական նովել և սոցիալական ֆանտաստիկա
Թեմա ոստիկանական պետություն, մարդու իրավունքներ, մտքի ազատություն և ամբողջատիրություն
Բնօրինակ լեզու անգլերեն
Կերպար(ներ) Ուինսթոն Սմիթ, Ջուլիա, Մեծ Եղբայր, Օ'Բրայեն և Էմանուել Գոլդստեյն
Նկարագրում է Լոնդոն
Նախորդ Կենդանիների ագարակը
Հաջորդ 1985
Հրատարակում(ներ) 1984
Հրատարակիչ Harvill Secker
Հրատարակման տարեթիվ հունիսի 8, 1949
OCLC 52187275
Nineteen Eighty-Four Վիքիպահեստում

1984 (Հազար Ինը Հարյուր Ութսունչորս), բրիտանացի գրող Ջորջ Օրուելի հակաուտոպիական վեպը, որը լույս է տեսել 1949-ին (գրքի հիմնական մասը գրվել է 1948 թվականին)։ Վեպում պատկերված է արևմտյան քաղաքակրթությունը մ․թ․ 1984-ին, երբ անհատը կործանվում է ամբողջատիրական համակարգի դեմ ընդվզել փորձելիս։ «1984»-ը զգուշացում է Նացիստական Գերմանիայի, Ստալինի ղեկավարության տակ գտնվող Խորհրդային Միության և նման բռնատիրական ռեժիմների դեմ։

Հանրահայտ է դարձել վեպի «Մեծ Եղբայր» կերպարը՝ Օվկիանիայի տիրակալը, որի պատկերը փակցված է ամենուր «Մեծ Եղբայրը տեսնում է քեզ» մակագրությամբ։

Սյուժեն[խմբագրել]

Գրքի գլխավոր կերպարը՝ Ուինսթոն Սմիթը, աշխատում է «Ճշմարտության նախարարությունում» («Նախաճշտում»), որտեղ կառավարության պատվերով կատարվում է պատմական փաստաթղթերի, արձանագրությունների ու գրքերի կեղծումներ` իշխանության տեսակետներին համապատասխանեցնելու համար։ Ուինսթոնն արտաքին կուսակցության անդամ է (Օվկիանիայի ազգաբնակչությունը բաժանված է երեք խավի․ Ներքին կուսակցության անդամներ, Արտաքին կուսակցության անդամներ և պրոլներ)։ Նա թեև բարեխիղճ աշխատող է, սակայն ներքուստ ատում է Կուսակցությունը և Մեծ Եղբորը։

Օվկիանիայում մարդկանց հսկելու համար յուրաքանչյուր բնակարանում կամ հասարակական վայրում տեղադրված են հատուկ սարքեր («հեռէկրաններ»)։ Մտքի ոստիկանությունը հսկում է մարդկանց մտքերը։

Տես նաև[խմբագրել]