Ֆիլիկուդի

Վիքիպեդիայից՝ ազատ հանրագիտարանից
Jump to navigation Jump to search
Picto infobox map.png
Ֆիլիկուդի
Isola Filicudi

Երկիր Իտալիա
Վարչատարածքային բաժանում Լիպարի
Կղզեխումբ Լիպարյան կղզիներ
Ջրատարածություն Տիրենյան ծով
Մակերես 9,5 կմ2
Ամենաբարձր կետը Ֆոսսա Ֆելչի մ
Բնակչություն ((2001)) 235 մարդ
Բնակչության խտությունը 25 [1] մարդ/կմ2

Ֆիլիկուդի (իտալ.՝ Isola Filicudi), կղզի Իտալիայի հարավում, որը Լիպարյան արշիպելագի ութ կղզիներից մեկն է։ Տեղակայված է Սիցիլիա կղզուց 30-50 կմ դեպի հյուսիս-արևելք։ Այն Լիպարի կոմունայի մի մասն է։

Աշխարհագրություն[խմբագրել | խմբագրել կոդը]

Ընդհանուր մակերեսը կազմում է 9,5 քառ.կմ։ Կղզու վրա կան մի քանի փոքր գյուղեր, որոնցից են Պեկորինի Մարնեն և Վալդիկիեզան։ Ֆիլիկուդիում արտադրվում է գինի, ձիթապտղի յուղ, հացահատիկ և բանջարեղեն։ 1997 թվականին կղզու երեք քառորդը, որն ընդգրկում է մոտավորապես 7 քառ. կմ տարածք, դարձավ բնական արգելավայր։

Ֆիլիկուդիի ամենաբարձր կետը Ֆոսսա Ֆելչի լեռն է, որն ունի 774 մ բարձրություն։ Այլ լեռներից են Մոնտե Մոնտանյոլան, որն ունի 349 մ բարձրություն և Մոնտե Տերիոնեն։ Վերջինիս բարձրությունը 278 մ է։ Կապո Գրացիանոն բրոնզե դարի գյուղի մնացորդներ են։ Ափի աջակողմյան հատվածում վեր է խոյանում է Լա Կաննա հրաբխային քարաժայռը, որը գտնվում է ծովի մակարդակից 74 մ բարձրության վրա։

Պատմություն[խմբագրել | խմբագրել կոդը]

Ֆիլիկուդին կղզու ժամանակակից անունն է, որը «Փյունիկիա» հին հունական անվան աղավաղված տարբերակն է։ Ֆիլիկուդին մյուս Լիպարյան արշիպելագի կղզիների պես բնակեցված է եղել նեոլիթյան դարաշրջանից սկսած։ Ինչպես վկայում են հնագիտական գտածոները, կղզին բնակեցվել է դեռևս բրոնզե դարում։ Ֆիլիկուդին անմարդաբնակ է եղել դարեր շարունակ, մինչև որ այն գրավել են հույները։ Հռոմեական և բյուզանդական մնացորդներ ևս կարելի է գտնել կղզու վրա։ Սկսած 1970-ական թվականներից կղզին վերահայտնագործվել և բնակեցվել է լուսանկարիչների ու արվեստագետների կողմից, ինչպիսիք են Սերգիո Լիբիսզևսկին, Էտտորե Սոտտսասսը, նովելիստ Ռոլանդ Զոսը և խմբագիր Ջուլիո Էյնաուդին։ Նրանց շնորհիվ Ֆիլիկուդին ժամանակակից զբոսաշրջության կենտրոն է։

Մարդիկ[խմբագրել | խմբագրել կոդը]

  • Ջոն Բոնիկա (ծնվել է 1917 թվականին) անեսթեզիոլոգ և պրոֆեսիոնալ ըմբիշ
  • Ռոլանդ Զոս (ծնվել է 1951 թվականին) վիպագիր և կոմպոզիտոր

Պատկերասրահ[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]