Ֆելիքս Շաքարյան

Ֆելիքս Շաքարյան
Ծնվել է	1939 մարտի 14
Ծննդավայր	Օձուն, Լոռու մարզ
Վախճանվել է	դեկտեմբերի 29, 2015 (տարիքը 76)
Վախճանի վայր	Երևան
Մասնագիտություն	արձակագիր
Ազգություն	հայ
Քաղաքացիություն	Հայաստան և Հայկական ԽՍՀ
Կրթություն	Հայաստանի ազգային ագրարային համալսարան և Մաքսիմ Գորկու անվան գրականության ինստիտուտ
Ստեղծագործական շրջան	1968 - 2015
Անդամակցություն	ՀԳՄ
Պարգևներ	Հայաստանի մշակույթի նախարարության ոսկե մեդալ
	Ֆելիքս Շաքարյան Վիքիդարանում

Վիքիպեդիայում կան հոդվածներ Շաքարյան ազգանունով այլ մարդկանց մասին։

Ֆելիքս Պողոսի Շաքարյան (մարտի 14, 1939, Օձուն, Լոռու մարզ - դեկտեմբերի 29, 2015, Երևան^[1]), հայ արձակագիր։ Հայաստանի գրողների միության անդամ (1971)։

Կենսագրություն[խմբագրել | խմբագրել կոդը]

Ֆելիքս Շաքարյանը ծնվել է 1939 թվականին, Օձուն գյուղում։ Ավարտել է Երևանի գյուղատնտեսական ինստիտուտը, 1975 թվականին՝ Մոսկվայի Մաքսիմ Գորկու անվան գրականության ինստիտուտի գրական բարձրագույն դասընթացները։ 1968-1973 թթ. եղել է հանրապետական ռադիոյի թղթակիցը Թումանյանի և Նոյեմբերյանի շրջաններում։ Աշխատել է Ալավերդի քաղաքի քաղսովետում, «Գիտելիք» ընկերությունում, «Լոռի» շրջանային թերթում՝ վարելով պատասխանատու պաշտոններ։ 1957 թվականից տպագրվել է մամուլում։ 1971 թվականից Հայաստանի Գրողների միության անդամ է։ 1991 թվականին հիմնադրել է «Գրական Լոռի» պարբերականը, որը գործել է մինչ 1997 թվականը։

Շաքարյանի պատմվածքները թարգմանվել են ռուսերեն, լիտվերեն։ Գրքերից են՝ «Իմ կանաչ պատուհանը» (1968), «Վարդազարն իջավ լեռներից» (1975), «Պարզկա գիշեր» (1982), «Լեռների թիկունքում» (1987), «Օջախի տերը» (1989), «Հանգույց» (2002), «49 թվական» (2004)^[2]^[3]։