Օրասիո Ռոդրիգես Լարետա

Վիքիպեդիայից՝ ազատ հանրագիտարանից
Jump to navigation Jump to search
Օրասիո Ռոդրիգես Լարետա
իսպ.՝ Horacio Rodríguez Larreta
Larreta politico.jpg
Ծնվել էհոկտեմբերի 29, 1965(1965-10-29) (54 տարեկան)
ԾննդավայրԲուենոս Այրես, Արգենտինա
ՔաղաքացիությունFlag of Argentina.svg Արգենտինա
Կրոնկաթոլիկություն
ԿրթությունԲուենոս Այրեսի համալսարան և Հարվարդի բիզնես դպրոց
Մասնագիտությունքաղաքական գործիչ և տնտեսագետ
ԱմուսինBárbara Diez?
Զբաղեցրած պաշտոններքաղաքապետ
Քաղաքական կուսակցությունՀանրապետական առաջարկություն
Horacio Rodríguez Larreta Վիքիպահեստում

Օրասիո Ռոդրիգես Լարետա (իսպ.՝ Horacio Rodríguez Larreta), արգենտինացի քաղաքական գործիչ, ներկայումս՝ Բուենոս Այրես ինքնավար քաղաքի կառավարության ղեկավար։

Կենսագրություն[խմբագրել | խմբագրել կոդը]

Օրասիո Ռոդրիգես Լարետան ծնվել է 1965 թվականի հոկտեմբերի 29-ին, Բուենոս Այրեսում: Սովորել է օրինակելի դպրոցի համարում ունեցող Escuela Argentina Modelo-ում,[1] Բուենոս Այրեսի համալսարանում և ամերիկյան հեղինակավոր Հարվարդի համալսարանի բիզնեսի դպրոցում՝ ստանալով բիզնեսի կառավարման բարձրակարգ մասնագետի որակավորում:

1993 թվականին վերադարձել է հայրենի Արգենտինա, երկու տարի անց` Կառլոս Մենեմի նախագահության օրոք, նշանակվել ANSES-ի՝ սոցիալական ապահովության ազգային վարչության տնօրեն: 1998 թվականին պատասխանատու ղեկավար պաշտոնի է նշանակվել սոցիալական զարգացման նախարարությունում, 2000 թվականին՝ արդեն Ֆերնանդո դե լա Ռուայի նախագահության օրոք, Լարետային վստահվել է առողջապահության նախարարության համակարգում գործող ապահովագրական կազմակերպության ղեկավարումը, և նրան հաջողվել է կարճ ժամանակում նկատելիորեն բարելավել այդ կազմակերպության ֆինանսական կառուցվածքը:

Լարետան օգնել է Մաուրիսիո Մակրիին՝ ստեղծելու «Փոխզիջում՝ հանուն փոփոխությունների» աջ-կենտրոնամետ կուսակցությունը, որը 2008 թվականին վերանվանվեց «Հանրապետական առաջարկ» կուսակցության: Հաղթանակ տանելով ընտրություններում՝ Մակրին 2007 թվականին դարձավ Բուենոս Այրեսի քաղաքագլուխ, իսկ Լարետան՝ քաղաքի նախարարների կաբինետի ղեկավար:

2015 թվականին ներկուսակցական ընտրապայքարում հաջողությունն ուղեկցեց Լարետային, որը դարձավ «Հանրապետական առաջարկ»-ի թեկնածուն Բուենոս Այրեսի քաղաքապետի պաշտոնի համար այդ նույն տարում անցկացված ընտրություններում: Այստեղ ևս հաղթանակ տանելով՝ 2015 թվականի հուլիսի 5-ին Օրասիո Ռոդրիգես Լարետան ընտրվեց Արգենտինայի մայրաքաղաքի և խոշորագույն քաղաքի ղեկավար: «Հանրապետական առաջարկ»-ը հաղթեց նաև համապետական ընտրություններում, և կուսակցության ղեկավար Մաուրիսիո Մակրին ընտրվեց երկրի նախագահ:

Լարետան քաղաքագլխի պաշտոնում արդեն իսկ վճռական ու արդյունավետ քայլեր է ձեռնարկել Բուենոս Այրեսի քաղաքային ոստիկանություն կազմավորելու, օրինախախտումների դեմ պայքարն ուժեղացնելու, փողոցային առևտուրը կարգավորելու և ընդհանրապես քաղաքի ներքին կարգուկանոնը ամրապնդելու ուղղությամբ:

Լարետայի հեղինակած գրքերը[խմբագրել | խմբագրել կոդը]

  • 1996: Tecnología y competitividad en el Mercosur. Buenos Aires: Macchi.
  • 1997: Hacia un nuevo sector público. Buenos Aires, 1997.
  • 1998: Domando al elefante blanco. Buenos Aires.
  • 1999: El desafío de la igualdad. Buenos Aires:
  • 2004: La reconstrucción del Estado. Buenos Aires, 2004. Premisas, recopilación histórica e interrogantes a futuro. Son algunas de las características de "La reconstrucción del Estado".
  • 2005: Como superar el default social. Buenos Aires: Prometeo.
  • 2006: El país que queremos. Buenos Aires: Temas. El país que queremos constituye una propuesta integral de políticas públicas diseñadas para multiplicar exponencialmente las oportunidades de movilidad social para todos los argentinos y asegurar un piso mínimo de derechos que le den sentido a la definición de ciudadanía política y social.

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]