Օտտո Էդուարդ Դևրիենտ
| Օտտո Էդուարդ Դևրիենտ գերմ.՝ Otto Devrient | |
|---|---|
_b_684.jpg) | |
| Ծնվել է | հոկտեմբերի 3, 1838[1] |
| Ծննդավայր | Բեռլին, Գերմանական միություն[2] |
| Մահացել է | հունիսի 23, 1894[1] (55 տարեկան) |
| Մահվան վայր | Շչեցին, Պրուսիայի թագավորություն, Գերմանական կայսրություն[2] |
| Գերեզման | Նորդֆրիդհոֆ |
| Քաղաքացիություն | .svg){kind=small} Գերմանիա |
| Մասնագիտություն | դերասան, թատրոնի դերասան և գրող |
| Ծնողներ | հայր՝ Eduard Devrient? |
| Երեխաներ | Ernst Devrient? և Hans Devrient? |
 Otto Devrient Վիքիպահեստում | |
Օտտո Էդուարդ Դևրիենտ (գերմ.՝ Otto Devrient, հոկտեմբերի 3, 1838[1], Բեռլին, Գերմանական միություն[2] - հունիսի 23, 1894[1], Շչեցին, Պրուսիայի թագավորություն, Գերմանական կայսրություն[2]), թատրոնի գերմանացի դերասան, ռեժիսոր, թատրոնների տնօրեն և թատերագիր։
Կենսագրություն[խմբագրել | խմբագրել կոդը]
Դերասան Ֆիլիպ Էդուարդ Դևրիենտի որդին է։ Դեբյուտը նշել է 18 տարեկանում, Կարլսրուե պալատական թատրոնի բեմում, այնտեղ էլ ստացել է թատերական կրթություն։ Դրանից հետո խաղացել է Շտուտգարտի, Բեռլինի և Լայպցիգի թատրոնների բեմերում։ 1863 թվականին վերադարձել է Կարլսուեի թատրոն և մինչև 1873 թվականը խաղացել է դրա թատերախմբում, այնուհետև տեղափոխվել է Վայմարի պալատական թատրոն, որտեղ սկզբնապես կատարել է բնութագրական դերեր, իսկ այնուհետև այնտեղ աշխատել է որպես բեմադրող։ 1876 թվականին ներկայացվել է Դևրիենտի բեմադրությամբ «Ֆաուստը»` ըստ Գյոթեի պիեսի, որն արժանացել է դրական արձագանքների ու արդյունքում երկար ժամանակ ամենամյա է եղել։
1876 թվականին գլխավորել է Մանհայմի պալատական թատրոնը, 1877 թվականին նույն պաշտոնով տեղափոխվել է Մայնի Ֆրանկֆուրտի նորաբաց քաղաքային թատրոն, սակայն 1879-ի փետրվարին նա հեռացել է աշխատանքից, այնուհետև ապրել և աշխատել է Բեռլինում, Քյոլնում, Դյուսելդորֆում և Ենայում՝ հաճախ կազմակերպելով «Ֆաուստի» բեմադրություններ։ 1884 թվականին գլխավորել է Օլդենբուրգի պալատական թատրոնը, 1889-1890 թվականներին ղեկավարել է Բեռլինի դրամատիկական թատրոնը. երկու հաստատություններում էլ նա անմիջականորեն մասնակցել է ներկայացումների բեմադրություններին։ Եղել է Ենայի համալսարանի պատվավոր դոկտոր։
Նրա առավել հայտնի աշխատանքների թվում է նաև «Տիբերիուս Գրախուս» պիեսը (1871), ինչպես նաև քննադատների կողմից հատկանշական է համարվել Մեֆիստոֆելի դերակատարումը «Ֆաուստ» ներկայացման մեջ։
Ընտանիք[խմբագրել | խմբագրել կոդը]
- Որդին` Էռնստ Դևրիենտը (1873-1948)` եղել է դիվանապահ և ծագումնաբան։
Ծանոթագրություններ[խմբագրել | խմբագրել կոդը]
- ↑ 1,0 1,1 1,2 1,3 1,4 Բրոքհաուզի հանրագիտարան (գերմ.)
- ↑ 2,0 2,1 2,2 2,3 2,4 2,5 Deutsche Nationalbibliothek Record #116089083 // Gemeinsame Normdatei (գերմ.) — 2012—2016.
Արտաքին հղումներ[խմբագրել | խմբագրել կոդը]
- Օտտո Դևրիենտ // Badische Biographien(գերմ.)
- Օտտո Դևրիենտ // Allgemeine Deutsche Biographie(գերմ.)
- Օտտո Դևրիենտ // Nordisk Familjebok(շվեդ.)
 | Վիքիպահեստն ունի նյութեր, որոնք վերաբերում են «Օտտո Էդուարդ Դևրիենտ» հոդվածին։ |
| ||||||||||||
