Քրիստին Սմարթի սպանություն
| Կոչվել է ի պատիվ | Kristin Smart  | |
|---|---|---|
| Երկիր | Ամերիկայի Միացյալ Նահանգներ | |
| Վայր | Կալիֆոռնիայի պետական պոլիտեխնիկական համալսարան | |
| Թվական | 25 Մայիսի 1996 | |
Քրիստին Դենիզ Սմարթ (անգլ.՝ Kristin Denise Smart, ), ամերիկացի ուսանողուհի, որն սպանվել է Փոլ Ֆլորեսի կողմից Սան Լուիս Օբիսպոյի Կալիֆոռնիայի պոլիտեխնիկական համալսարանում իր առաջին կուրսի ավարտին։
1996 թվականի մայիսի 25-ին Սմարթը ներկա էր Կալիֆորնիայի համալսարանի մեկ այլ ուսանողի երեկույթին՝ համալսարանից դուրս։ Առավոտյան ժամը 2-ի սահմաններում նրան անգիտակից վիճակում գտել են հարևանի մարգագետնում, և երկու ուսանողներ որոշել են օգնել նրան քայլել դեպի հանրակացարանի սենյակ։ Փոլ Ֆլորես անունով երրորդ ուսանողը միացել է խմբին։ Քանի որ իր հանրակացարանը մոտ էր Սմարթի հանրակացարանին Սմարթը մյուս երկու ուսանողների ասել է, որ Քրիստինին անվտանգ և առողջ տուն կտանի։ Սմարթին այլևս երբեք չեն տեսել, և նրա անհետացումից հետո կատարված որոնումները ոչ մի արդյունք չեն տվել։
Սմարթի անհետացումը հանգեցրել է անվտանգության մասին օրենքի ընդունմանը, որը պահանջում է, որ Կալիֆոռնիայի բոլոր պետական քոլեջները և կառավարության կողմից ֆինանսավորվող ուսումնական հաստատությունները պայմանագրեր կնքեն ոստիկանության տեղական վարչությունների հետ ուսանողների նկատմամբ բռնության դեպքերի վերաբերյալ։ Օրինագիծը միաձայն ընդունվել է Կալիֆորնիա նահանգի Օրենսդիր ժողովի կողմից և ստորագրվել նահանգապետ Փիթ Ուիլսոնի կողմից։
2021 թվականի ապրիլի 13-ին Ֆլորեսը և նրա հայրը ձերբակալվել ենմ Սմարթի անհետացման կասկածանքով։ Խուզարկություններ են կատարվել նրանց տներում։ Քննիչները հայտնաբերել են բազմաթիվ ապացույցներ։ Նրանց նկատմամբ դատական գործընթացը սկսվել է 2022 թվականի հուլիսին։ 2022 թվականի հոկտեմբերի 18-ին Փոլ Ֆլորեսը մեղավոր է ճանաչվել Քրիստին Սմարթի սպանության մեջ։
Նախապատմություն[խմբագրել | խմբագրել կոդը]
Քրիստին Դենիս Սմարթը ծնվել է 1977 թվականի փետրվարի 20-ին Գերմանիայի Բավարիա նահանգի Աուգսբուրգ քաղաքում՝ ամերիկացի զինծառայողների երեխաների ուսուցիչներ Սթեն և Դենիզ Սմարթների ընտանիքում։ Նա ունեցել է եղբայր և քույր։ Սմարթը ընտանիքի հետ տեղափոխվել է Կալիֆորնիա նահանգի Սթոքտոն քաղաք։ Նա հաճախել և ավարտել է Լինքոլնի ավագ դպրոցը Սթոքթոնում 1995 թվականին։ Մինչ իր անհետացումը աշխատել է որպես փրկարար և ջոկատավար Հավայան կղզիների Մոկուլեա ճամբարում[1]։
Անհետացում[խմբագրել | խմբագրել կոդը]
1996 թվականին Սմարթը ընդունվել է Սան Լուիս Օբիսպոյի Կալիֆորնիայի պոլիտեխնիկական պետական համալսարան։ 1996 թվականի մայիսի 25-ի գիշերը, որը հիշատակի օրվա հետ կապված հանգստյան օրն էր, նա ներկա էր ծննդյան երեկույթի, որտեղ ոչ ոքի չէր ճանաչում։ Նրա ընկերները չէին ցանկանում մասնակցել երեկույթին[2]։
Մոտավորապես ժամը 2-ին Սմարթին անգիտակից վիճակում գտել են հարևանի մաևգագետնում երկու համակուրսեցի ուսանողներ՝ Շերիլ Անդերսոնը և Թիմ Դևիսը, որոնք երկուսն էլ նոր էին դուրս եկել խնջույքից։ Նրանք օգնել են Սմարթին ոտքի կանգնել և որոշել են նրան հետ տանել հանրակացարան։ Խնջույքից մեկ այլ ուսանող՝ Փոլ Ֆլորեսը, միացել է նրանց խմբին և առաջարկել օգնել նրանց երկուսին ուղեկցել Սմարթին հանրակացարան։
Դևիսն առաջինն էր, ով լքել է նրանց, քանի որ նա ապրում էր համալսարանից դուրս և երեկույթին գնացել էր մեքենայով։ Անդերսոնը երկրորդն է լքել խումբը՝ շարժվելով դեպի Սիերա Մադրե սրահ, այն բանից հետո, երբ Ֆլորեսը, ով ավելի մոտ էր ապրում Սմարթի բնակության սրահին, վստահեցրել է Անդերսոնին, որ կարող է ուղեկցել նրան այնտեղ[3]։ Ֆլորեսը ոստիկաններին ասել է, որ իրեն ուղեկցել է իր հանրակացարան՝ Սանտա Լյուսիա Հոլլ, իսկ հետո թույլ է տվել քայլել դեպի իր հանրակացարան Մուիր Հոլլում[4]։ Նրա անհետացման պահին Սմարթը ոչ գումար ուներ, ոչ էլ բանկային քարտ[5]։
Պաշտոնական հետաքննություն[խմբագրել | խմբագրել կոդը]
Համալսարանի ոստիկանական բաժանմունքը սկզբում կասկածում էր, որ Սմարթը արձակուրդում է, ինչպես դա սովորական էր հանգստյան ժամանակ ուսանողների շրջանում, և արդյունքում դանդաղել է նրան որպես անհայտ կորած հայտնել տեղական իրավապահ մարմիններին[6]։ Որպես անհայտ կորած նրան համարել են միայն մեկ շաբաթ անց, չնայած որ նրա ընտանիքը նախկինում դիմել էր ոստիկանություն։
Սմարթին փնտրում էին մի քանի կամավորներ։ Նրանցից ոմանք տեղաշարժվել են ձիերով, իսկ ոմանք օգտագործել են գեոռադարներ։
Լեյսի Փիթերսոնի սպանության հետաքննության ընթացքում մամուլում չհիմնավորված լուրեր են հայտնվել, որ Լեյսիի ամուսինը՝ Սքոթ Փիտերսոնը, ինչ-որ առնչություն ուներ Սմարթի անհետացման հետ[7]։ Նախնական կարճ հետաքննություն է անցկացվել՝ պարզելու, թե արդյոք Փիտերսոնը կապ ունի անհետացման հետ։ Նա հերքել է իր առնչությունը, և ոստիկանությունը, ի վերջո, բացառել է նրան որպես կասկածյալ[8]։
Չնայած նրա մարմինը երբեք չի հայտնաբերվել, ականջօղը, որը կարող էր պատկանել Սմարթին, հայտնաբերվել է Փոլ Ֆլորեսի մոր նախկին տանը։ Այդ ականջօղը չի նշվել որպես իրեղեն ապացույց[9]։ 1996 թվականից 2007 թվականներին իրականացվել են մնացորդների և այլ ապացույցների տարբեր որոնումներ, որոնցից մի քանիսում օգնել են շները, որոնք վարժեցվել են մարդու մնացորդների հոտը հայտնաբերելու համար։ Մոտ երկու տասնամյակ ոչ մի ապացույց չի հայտնաբերվել[10]։
2016 թվականի սեպտեմբերի 6-ին Սան Լուիս Օբիսպո շրջանի շերիֆի գրասենյակի պաշտոնյաները հայտարարել են, որ նրանք հետաքննում են այս գործի նոր կապը[11]։ ՀԴԲ-ից շներ են բերվել, և քննիչները պատրաստվում էին մոտ չորս օր անցկացնել Կալիֆոռնիայի համալսարանում պեղումներ կատարելու համար։ Երեք օր անց Սմարթ բնակելի սրահի մոտ գտնվող նույն բլրի լանջին գտնվող բոլոր երեք պեղումներից հայտնաբերվել են իրեր։ Շերիֆի գրասենյակի խոսնակն ասել է. Առարկաները վերլուծվում են՝ պարզելու համար, թե արդյոք դրանք կապված են մի գործի հետ, որը կարող է քննվել օրեր, շաբաթներ կամ նույնիսկ ամիսներ[12]։ 2020 թվականի դրությամբ հայտնաբերված իրերը դեռևս գտնվել են հետաքննության փուլում[13]։
2021 թվականի ապրիլի 20-ին դատախազը հայտարարել է, որ կարծում են, Քրիստինի մարմինը թաղված է Ռուբեն Ֆլորեսի տան տախտակամածի տակ, բայց վերջերս դուրս է բերվել։ Կենսաբանական ապացույցները հայտնաբերվել են գեոռադարի և շների միջոցով[14]։
Դատավարություն[խմբագրել | խմբագրել կոդը]
Սմարթը պաշտոնապես մահացած է հայտարարվել 2002 թվականի մայիսի 25-ին՝ նրա անհետացման վեցերորդ տարեդարձին։ 2005 թվականին նրա ծնողները՝ Դենիսը և Սթեն Սմարթը, քաղաքացիական հայց են ներկայացրել Ֆլորեսի դեմ։ Սմարթի ընտանիքը ներկայացվել է փաստաբան Ջեյմս Մերֆիի կողմից[15]։ 2006 կամ 2007 թվականին Ֆլորենսի ընտանիքը հայց է ներկայացրել Սմարթի ընտանիքի դեմ, սակայն դատական գործընթացը երբեք չի վերածվել դատական որոշման։
Սան Լուիս Օբիսպոյի շրջանի շերիֆի գրասենյակը պարբերաբար ուսումնասիրել է գործը 2011 թվականից 2016 թվականներին[16]։ ՀԴԲ-ն նրան ներառել է որպես անհայտ կորած առաջնահերթ անձանց ցուցակում՝ իր անհետացման մասին տեղեկատվության համար 75,000 ԱՄՆ դոլարի պարգևատրմամբ[17]։ Դելտա շրջանի բնակիչ Թերի Բլեքը 100 000 դոլար պարգև է առաջարկել Սմարթի մարմնի համար[18]։
Լուսաբանում[խմբագրել | խմբագրել կոդը]
2019 թվականի սեպտեմբերի 30-ից երաժիշտ Քրիս Լամբերտը թողարկել է տասը դրվագներից բաղկացած փոդքասթ[19]։ Փոդքասթը մանրամասնում է Քրիստինի հավանական առևանգումը և դրան հաջորդած մահը Կալիֆոռնիայի պոլիտեխնիկական համալսարանում 23 տարի առաջ։ Փոդքաստը ներբեռնվել է ավելի քան 12 միլիոն անգամ[20]։
2020 թվականի հունվարի 18-ին The Stockton Record-ը հայտնել է, որ ՀԴԲ-ն տեղեկացրել է Սմարթի ընտանիքին, որ նրա անհետացման մասին լրացուցիչ նորություններ կլինեն[21][22]։ 2020 թվականի հունվարի 29-ին Սան Լուիս Օբիսպոյի ոստիկանության բաժինը հաստատել է, որ Ֆլորեսին պատկանող երկու բեռնատարներ առգրավվել են որպես ապացույցներ[23][24]։ Ֆլորեսը ձերբակալվել է խուզարկության ժամանակ[25][26][27]։
Ձերբակալություն[խմբագրել | խմբագրել կոդը]
2021 թվականի ապրիլի 13-ին Փոլ Ֆլորեսը և նրա հայրը՝ Ռուբեն Ֆլորեսը, կալանքի տակ են վերցվել Սան Լուիս Օբիսպո շրջանի շերիֆի դեպարտամենտի կողմից։ Փոլ Ֆլորեսին մեղադրանք է առաջադրվել սպանության համար, իսկ Ռուբեն Ֆլորեսին մեղադրանք է առաջադրվել հանցակցության համար[28][29]։ Ավելի ուշ հետաքննությունից եզրակացվել է, որ Փոլ Ֆլորեսը փորձել է բռնաբարել Սմարթին, չնայած Սան Լուիս Օբիսպոյի շրջանի դատախազ Դեն Դոուն հայտարարել է, որ սեռական բռնության մեղադրանքով վաղեմության ժամկետը լրացել է, բայց բռնաբարության ընթացքում կատարված սպանությունը կամ բռնաբարության փորձը համապատասխանում են առաջին աստիճանի սպանության մեղադրանքին[30][31]։ 2021 թվականի սեպտեմբերին դատավորը որոշել է, որ առկա են բավարար ապացույցներ մեղքի համար, որպեսզի գործը հանձնվի դատարան[32]։
Վճիռ[խմբագրել | խմբագրել կոդը]
2022 թվականի հոկտեմբերի 18-ին առանձին երդվյալներ, ովքեր միաժամանակ լսում էին գործը Մոնտերեյի շրջանի դատարանում, Փոլ Ֆլորեսին մեղավոր են ճանաչել առաջին կարգի սպանության մեջ, իսկ հայր Ռուբեն Ֆլորեսին՝ անմեղ։ Ռուբեն Ֆլորեսին սպառնում էր առավելագույն պատիժ՝ երեք տարվա ազատազրկում, իսկ Փոլ Ֆլորեսին սպառնում էր քսանհինգ տարուց մինչև ցմահ ազատազրկում[33]։
Տես նաև[խմբագրել | խմբագրել կոդը]
Ծանոթագրություններ[խմբագրել | խմբագրել կոդը]
- ↑ Who was Kristin?
- ↑ «The long, twisted, frustrating road to an arrest in the disappearance of Kristin Smart». Los Angeles Times (ամերիկյան անգլերեն). 2021 թ․ ապրիլի 13. Արխիվացված օրիգինալից 2021 թ․ ապրիլի 14-ին. Վերցված է 2021 թ․ ապրիլի 14-ին.
- ↑ Townsend, Catherine (2016 թ․ սեպտեմբերի 8). «A New Investigation Into The Disappearance of Kristin Smart, Who Vanished From Her College Campus 20 Years Ago - CrimeFeed». CrimeFeed. Արխիվացված է օրիգինալից 2017 թ․ հոկտեմբերի 8-ին. Վերցված է 2017 թ․ հոկտեմբերի 8-ին.
- ↑ «Where is Kristin Smart? 19 years later, Cal Poly student still missing». Mustang News Staff. Mustang News. 2015 թ․ մայիսի 28. Վերցված է 2017 թ․ հոկտեմբերի 8-ին.
- ↑ Ellis, Ralph (2016 թ․ սեպտեմբերի 7). «A break in a cold case on Cal Poly campus». CNN. Վերցված է 2017 թ․ հոկտեմբերի 8-ին.
- ↑ «University Police Department». Cal Poly, Administration & Finance. California Polytechnic State University.
- ↑ «Search for missing woman fruitless». USA Today. Associated Press. 2003 թ․ հունվարի 18. Վերցված է 2018 թ․ փետրվարի 27-ին.
- ↑ «No link found to missing student». modbee. Արխիվացված է օրիգինալից 2014 թ․ փետրվարի 21-ին. Վերցված է 2015 թ․ փետրվարի 8-ին.
- ↑ «The Kristin Smart disappearance». CBS. 2020 թ․ նոյեմբերի 27. Վերցված է 2021 թ․ մարտի 16-ին.
- ↑ Lambert, Cynthia (2016 թ․ սեպտեմբերի 7). «Searches for Kristin Smart spanned from Cal Poly to Paul Flores's home». The Tribune. San Luis Obispo. Վերցված է 2018 թ․ փետրվարի 27-ին.
- ↑ Scholl, Claire (2016 թ․ սեպտեմբերի 6). «SLO County Sheriff, FBI Begin Excavation at Cal Poly campus in Search for Missing Kristin Smart». KEYT. Արխիվացված է օրիգինալից 2016 թ․ սեպտեմբերի 7-ին. Վերցված է 2016 թ․ սեպտեմբերի 6-ին.
- ↑ Morgan Winsor; Roger Lee; Kayna Whitworth (2016 թ․ սեպտեմբերի 9). «Kristin Smart's Family Is Cautiously Hopeful as Excavation Begins at Cal Poly». ABC News. Վերցված է 2016 թ․ սեպտեմբերի 11-ին.
- ↑ Matt Fountain (2017 թ․ մարտի 3). «Kristin Smart investigation continues 6 months after Cal Poly excavation». The Tribune. Վերցված է 2017 թ․ օգոստոսի 8-ին.
- ↑ «Document: Kristin Smart once buried in suspect's backyard». news.yahoo.com (ամերիկյան անգլերեն). Վերցված է 2021 թ․ ապրիլի 21-ին.
- ↑ «Smart v. Flores». James R. Murphy, Jr., A Law Corporation (ամերիկյան անգլերեն). Վերցված է 2021 թ․ փետրվարի 25-ին.
- ↑ «Sheriff's detectives searching for Kristin Smart's remains at Cal Poly». Paso Robles Daily News. Վերցված է 2016 թ․ սեպտեմբերի 6-ին.
- ↑ Carlton, April (2016 թ․ մայիսի 31). «Cal Poly freshman Kristin Smart missing for 20 years». Napa Valley Register. Վերցված է 2016 թ․ հոկտեմբերի 8-ին. «offers a $75,000 reward for information»
- ↑ Thompson, Ellen (2007 թ․ մայիսի 24). «Family hopes for break in Smart case». recordnet.com. Վերցված է 2016 թ․ սեպտեմբերի 7-ին. «Delta-area resident Terry Black has offered a $100,000 reward in the case, despite not knowing the Smart family personally.»
- ↑ SLO Tribune. «Kristin Smart podcast details missing Cal Poly student's case». SLO Tribune. Վերցված է 2019 թ․ սեպտեմբերի 25-ին.
- ↑ KSBY News (2020 թ․ հունվարի 6). «Arroyo Grande business donates new billboard for Kristin Smart». KSBY News. Վերցված է 2020 թ․ հունվարի 6-ին.
- ↑ Highfill, Bob (2020 թ․ հունվարի 18). «Could answers be coming in Kristin Smart's disappearance?». Stockton Record. Արխիվացված է օրիգինալից 2020 թ․ հունվարի 20-ին. Վերցված է 2020 թ․ հունվարի 22-ին.
- ↑ «FBI reportedly tells mom of woman missing since 1996 to "be ready" for unexpected news». www.cbsnews.com.
- ↑ Leslie, Kaytlyn; Fountain, Matt (2020 թ․ հունվարի 29). «Kristin Smart update: SLO sheriff confirms 2 key pieces of evidence in missing person case». The Tribune. San Luis Obispo, California. Արխիվացված օրիգինալից 2020 թ․ հունվարի 30-ին.
- ↑ Burke, Minyvonne; Blankstein, Andrew; Li, David K. (2020 թ․ փետրվարի 5). «Search warrants served in 1996 disappearance of California college student Kristin Smart». NBC News. Վերցված է 2020 թ․ փետրվարի 5-ին.
- ↑ «Classmate of Kristin Smart Briefly Detained, Police Search Home Decades After Her Disappearance». PEOPLE.com (անգլերեն). Վերցված է 2020 թ․ փետրվարի 6-ին.
- ↑ «Paul Flores detained in disappearance of Kristin Smart». Cal Coast News (ամերիկյան անգլերեն). 2020 թ․ փետրվարի 5. Վերցված է 2020 թ․ փետրվարի 6-ին.
- ↑ Levenson, Michael (2020 թ․ փետրվարի 5). «'Items of Interest' Recovered in Case of Kristin Smart, Missing Since 1996 (Published 2020)». The New York Times.
- ↑ «Live: Paul Flores arrested in connection with Kristin Smart case». KSBY (անգլերեն). 2021 թ․ ապրիլի 13. Վերցված է 2021 թ․ ապրիլի 13-ին.
- ↑ Crystal Bonvillian, Cox Media Group National Content Desk (2021 թ․ ապրիլի 13). «'Prime suspect,' his father charged in 1996 disappearance, murder of student Kristin Smart». WPXI.com. Վերցված է 2021 թ․ ապրիլի 14-ին.
- ↑ Diaz, Johnny (2021 թ․ ապրիլի 14). «Kristin Smart Was Killed During Attempted Rape, Prosecutor Says». The New York Times (ամերիկյան անգլերեն). ISSN 0362-4331. Վերցված է 2021 թ․ ապրիլի 14-ին.
- ↑ «Kristin Smart, who disappeared in 1996, may have been raped and killed in a college dorm, prosecutor says». CNN News.
- ↑ Velie, Karen (2021 թ․ դեկտեմբերի 30). «Flores' lawyer files a motion to dismiss Kristin Smart murder charges». CalCoastNews.com. Վերցված է 2022 թ․ հունվարի 10-ին.
- ↑ Planas, Antonio. «Verdicts reached in 1996 disappearance and murder of California college student Kristin Smart». nbcnews.com. NBC. Արխիվացված է օրիգինալից 2022 թ․ հոկտեմբերի 18-ին. Վերցված է 2022 թ․ հոկտեմբերի 18-ին.