Քենեթ Քլարկ

Վիքիպեդիայից՝ ազատ հանրագիտարանից
Jump to navigation Jump to search
Քենեթ Քլարկ
անգլ.՝ Kenneth Clark
Ծնվել էհուլիսի 13, 1903(1903-07-13)[1][2][3][…]
ԾննդավայրԼոնդոն, Մեծ Բրիտանիայի և Իռլանդիայի միացյալ թագավորություն
Մահացել էմայիսի 21, 1983(1983-05-21)[1][2][3][…] (79 տարեկան)
Մահվան վայրHythe, Folkestone and Hythe, Քենթ, Քենթ, Անգլիա, Միացյալ Թագավորություն
ՔաղաքացիությունFlag of the United Kingdom.svg Միացյալ Թագավորություն
ԿրթությունԵրրորդության քոլեջ, Ուինչեսթեր քոլեջ և Wixenford School?
Մասնագիտությունարվեստագետ, պատմաբան, համալսարանի դասախոս, գրող, հեռուստահաղորդավար, ֆոնդապահ, թանգարանի տնօրեն և քաղաքական գործիչ
ԱշխատավայրՕքսֆորդի համալսարան
ԱմուսինElizabeth Jane Martin? և Comtesse Nolwen de Janzé?
Ծնողներհայր՝ Kenneth MacKenzie Clark?[4], մայր՝ Margaret Alice McArthur?[4]
Զբաղեցրած պաշտոններԼորդերի պալատի անդամ և նախագահ
Պարգևներ և
մրցանակներ
Բաղնիքի շքանշանի ասպետ կոմանդոր Բրիտանական ակադեմիայի անդամ և Serena Medal?
ԱնդամությունԲրիտանական ակադեմիա, Արվեստների և գիտությունների ամերիկյան ակադեմիա, Բավարիայի գեղարվեստի ակադեմիա և Շվեդիայի բանահյուսության, պատմության և հնավաճառության թագավորական ակադեմիա
ԵրեխաներAlan Clark?[4], Colette Clark?[4] և Colin Clark?[4]
Kenneth Clark Վիքիպահեստում

Քենեթ Մակենզի Քլարկ, բարոն Քլարկ (անգլ.՝ Kenneth McKenzie Clark, Baron Clark, հուլիսի 13, 1903(1903-07-13)[1][2][3][…], Լոնդոն, Մեծ Բրիտանիայի և Իռլանդիայի միացյալ թագավորություն - մայիսի 21, 1983(1983-05-21)[1][2][3][…], Hythe, Folkestone and Hythe, Քենթ, Քենթ, Անգլիա, Միացյալ Թագավորություն[5]), բրիտանացի գրող, պատմաբան, արվեստի պատմության ոլորտի գլխավոր մասնագետներից, 1969-1970 թվականներին BBC-ով հեռարձակված «Քաղաքակրթություն» ռահվիրայական հեռուստասերիալի հեղինակ և վարող։

Կենսագրություն[խմբագրել | խմբագրել կոդը]

Շոտլանդացի հարուստ մի ընտանիքի միակ երեխան։ Ընտանիքը զբաղվում էր տեքստիլ արհեստի ոլորտում։

Ավարտել է հեղինակավոր Վինչեսթեր քոլեջը։ Այնուհետև 1922-1926 թվականներին սովորել է Օքսֆորդի Երրորդության քոլեջում, որտեղ նա ուսումնասիրել է արվեստի պատմություն։

1931 թվականին նա սկսել է դասավանդել Օքսֆորդի համալսարանում, իսկ դրանից առաջ երկու տարվա պրակտիկա է անցել Բեռնարդ Բեռնսոնի մոտ։

1934 թվականին Քլարկը դարձել է Լոնդոնի ազգային պատկերասրահի ամենաերիտասարդ տնօրենը։ Այն ղեկավարել է մինչև 1945 թվականը։

Նա ունեցել է այնպիսի նկարիչների նկարներ, ինչպիսիք են Սասետան, Ջովաննի դի Պաոլոն, Բոշխը, Ռեմբրանդը, Ինգրեսը և Սեզանը։ Նա նաև սահմանել է արվեստի գործերի պահպանման նոր ստանդարտներ։ Երկրորդ համաշխարհային պատերազմի ժամանակ, երբ ռմբակոծվեց Լոնդոնը, նա պատասխանատու էր նկարների տարհանման, իսկ պատերազմի ավարտին՝ դրանց անվտանգ վերադարձի համար։

1946 թվականին ստացել է պրոֆեսորի պատվավոր կոչում Օքսֆորդի Սլեյդ գեղարվեստի դպրոցում, որտեղ աշխատել է մինչև 1950 թվականը։

Նա ակտիվ մասնակցություն է ունեցել «Բրիտանիայի փառատոնի»` 1951-1952 թվականներին Լոնդոնում կայացած բրիտանական հոբելյանական ցուցահանդեսի կազմակերպմանը։

1955-1960 թվականներին եղել է Մեծ Բրիտանիայի գեղարվեստական խորհրդի նախագահ։

1967-1978 թվականներին աշխատել է որպես Յորքի համալսարանի ղեկավար, միևնույն ժամանակ եղել է Բրիտանական թանգարանի համադրող։

1969 թվականին նրան շնորհվել է «Life peer» կոչում և նա պաշտոնապես անվանվել է բարոն Քլարկ օֆ Սոլթվուդ՝ 1955 թվականին ձեռք բերած Սոլթվուդ դղյակի անունով։ Վերջինս էլ դարձել է նրա նստավայրը։ Նրա հետնորդները այս ամրոցը պահպանում են մինչ օրս։

Չնայած այն հանգամանքին, որ Քլարկը միշտ հիացել է մեծ մարդկանցով, նա նաև քարոզել էր անհատականություն, համամարդկային արժեքներ և ունեցել է հակամարքսիստական համբավ։ Նա հակված է եղել բանավիճելու պոստմոդեռնիզմի կողմնակիցների հետ։ Արվեստաբանների որոշ եզրակացություններ չեն դիմացել ժամանակի փորձությանը։ Մասնավորապես, Ադոլֆո Վենտուրին Ֆերարայի նկարիչ Գալասսոյին է վերագրում հայտնի «Tarokka Mantegna» հավաքածուները։ Սա կարելի է եզրակացնել «Քաղաքակրթություններ» շարքի նրա հայտարարություններից։

Իր հիմնական գործունեությանը զուգահեռ աշխատել է ռադիոյում և հեռուստատեսությունում, ինչպես նաև ակտիվորեն զբաղվել է գրականությամբ։ 1974-ին, Ջ. Հոլլի հետ միասին, նա հրատարակել է Արվեստի սյուժեների և խորհրդանիշների բառարանը (1996-ին գիրքը հրատարակվել է նաև ռուսերեն տարբերակով. թարգմանել է Ա. Մայկապարը)

Նա մահացել է կարճատև հիվանդությունից հետո` Քենթ կոմսության Հիթ քաղաքում։

1949 թվականին նա եղել է Բրիտանական ակադեմիայի անդամ։

1927 թվականին նա ամուսնացել է Օքսֆորդի համալսարանի իր ուսանողուհու՝ իռլանդուհի Էլիզաբեթ Ջեյն Մարտինի հետ։ Հետագայում նրանք ունեցել են երեք երեխա՝ Ալանը, որ ծնվել է 1928 թվականին և երկվորյակներ Քոլեթն ու Քոլինը, որոնք ծնվել են 1932 թվականին։ Ջեյնը մահացել է 1976 թվականին, իսկ հաջորդ տարի Քլարկը նորից է ամուսնացել` Նոլվեն դե Ժանզե-Ռայսի հետ։

Նրա որդին՝ Ալան Քլարկը, հետագայում դարձել է պատմաբան և պահպանողական պատգամավոր։

Մատենագիտություն[խմբագրել | խմբագրել կոդը]

  • 1928 — The Gothic Revival (Возрождение готики)
  • 1935 — Catalogue of the Drawings by Leonardo da Vinci in the Collection of HM King at Windsor Castle (каталог рисунков Леонардо да Винчи в Виндзорском замке, том 2)
  • 1939 — Leonardo da Vinci: An Account of his development as an Artist (Леонардо да Винчи: его развитие как художника)
  • 1945 — Florentine Painting: The Fifteenth Century (Флорентийская живопись: XV век)
  • 1951 — Piero della Francesca (Пьеро делла Франческа)
  • 1949 — Landscape into Art (Пейзаж в искусстве), переработка лекций
  • 1954 — Moments of Vision (Моменты видения)
  • 1956 — The Nude: a study in ideal form (Обнажённые: изучение идеальной формы)
  • 1960 — Looking at Pictures (Всматриваясь в картины)
  • 1964 — Ruskin Today (Рёскин сегодня)
  • 1966 — Rembrandt and the Italian Renaissance (Рембрандт и итальянское Возрождение)
  • 1968 — Catalogue of the Drawings by Leonardo da Vinci in the Collection of HM King at Windsor Castle (каталог рисунков Леонардо да Винчи в Виндзорском замке, том 3)
  • 1969 — Civilisation: A Personal View (Цивилизация: личная точка зрения), книжная версия телепередач
  • 1973 — Blake and Visionary Art (Блэйк и призрачное искусство)
  • 1973 — The Romantic Rebellion (Романтический бунт), книжная версия телепередач
  • 1974 — Ջեյմս Հոլլ, 1996
  • 1974 — Another Part of the Wood (Иная часть леса), автобиография
  • 1977 — Animals and Men (Животные и человек)
  • 1977 — The Other Half (Другая половина), автобиография
  • 1979 — What is a Masterpiece? (Что есть шедевр?)
  • 1980 — Feminine Beauty (Женская красота)

Ծանոթագրություններ[խմբագրել | խմբագրել կոդը]

  1. 1,0 1,1 1,2 1,3 1,4 Bibliothèque nationale de France data.bnf.fr (ֆր.): տվյալների բաց շտեմարան — 2011.
  2. 2,0 2,1 2,2 2,3 2,4 RKDartists
  3. 3,0 3,1 3,2 3,3 3,4 Babelio (ֆր.) — 2007.
  4. 4,0 4,1 4,2 4,3 4,4 4,5 4,6 4,7 Lundy D. R. The Peerage
  5. Bibliothèque nationale de France идентификатор BNF (фр.): платформа открытых данных — 2011.

Արտաքին հղումներ[խմբագրել | խմբագրել կոդը]