Փոքր Խինգան լեռնասղթա, Սյաոսինանլին լեռներ ԽՍՀՄ-ում (ՌՍՖՍՀ Խաբարովսկի երկրամասում ու Ամուրի մարզում) և Չինաստանիհյուսիս-արևելքում։ Երկարությունը մոտ 500 կմ է, առավելագույն բարձրությունը՝ 1150 մ (Դույմյանշան լեռ, Չինաստանում)։ Փոքր Խինգանի Չինական մասը շրջապատված է Նունցզյան, Աունգարի գետերիհովիտներով, Սունլյաո և Սանցզյան հարթավայրերով։ Ամուրի կիրճից արևելք մինչև Տիրմա գետի վերին հոսանքները, 150 կմ երկարությամբ ձգվում է Փոքր Խինգանի սովետական մասը։ Տիրապետում է հարթ, հաճախ ճահճացած ջրբաժաններով և առանձին բարձրություններով միջին բարձրության լեռնային ռելիեֆը։ Կազմված է գրանիտներից, գնեյսներից, բյուրեղայինթերթաքարերից, բազալտներից։ Արևմուտք ստորոտին է Ուդալյանչի հրաբուխը (ժայթքել է 18-րդ դարում)։ Կան ածխի, գրաֆիտի, ոսկու, երկաթի և անագի հանքավայրեր։ Լանջերը ծածկված են անտառներով։
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։
Ռուսաստան
