Փշամանդիկ փշավոր
Փշամանդիկ փշավոր | |
Փշամանդիկ փշավոր | |
Դասակարգում | |
Թագավորություն | Բույսեր (Plantae) |
Տիպ/Բաժին | Անոթավոր բույսեր (Tracheophyta) |
Ենթատիպ | Սերմնավոր բույսեր (Spermatophytes) |
Կարգ | Մեխակածաղկավորներ (Caryophyllales) |
Ընտանիք | Հնդկացորենազգիներ (Polygonaceae) |
Ենթաընտանիք | Հնդկացորենայիններ (Polygonoideae) |
Ցեղ | Փշամանդիկ (Atraphaxis) |
Տեսակ | Փշամանդիկ փշավոր (A. spinosa) |
Միջազգային անվանում | |
Atraphaxis spinosa |
Փշամանդիկ փշավոր (լատին․՝ A. spinosa Լ), մատիտեղազգիների ընտանիքի, փշամանդիկ ցեղի բույս։
Նկարագրություն[խմբագրել | խմբագրել կոդը]
Փոքր թուփ է՝ 50 - 80 սմ բարձրությամբ, չռված ճյուղավոր սաղարթով։ Ընձյուղները բարակ են, ծայրում անտերև, ծածկված մոխրագույն, խորդուբորդ կեղևով։ Տերևները մանր են, էլիպսաձև, մերկ, 3 - 5 մմ երկարությամբ և 3 - 4 մմ լայնությամբ, կոշտ, հաստ։ Ռաստրուբները կարճ են, գլանաձև, 1 - 2 մմ երկարությամբ, երկու ատամիկներով։ Ծաղկապատը կազմված է 4 տերևիկներից։ Վարսանդները 6-ն են, սերմիկը տափակ է, ձվաձև, փայլուն, հարթ։ Ծաղկապատի ներքին մասնիկները պտուղների կազմավորման ժամանակ կլորասրտանման են կամ երիկամաձև։
Տարածվածություն[խմբագրել | խմբագրել կոդը]
Տարածված է Կովկասում, Միջին Ասիայում, Արևմտյան Սիբիրում, Միջերկրական ծովի ափերին, Փոքր Ասիայում, Հյուսիսային Չինաստանում։ Հայաստանում հանդիպում է Արարատյան դաշտում, Վայքում, Մեղրիում, Զանգեզուրում, որտեղ աճում է գետաքարային հողազանգվածներում, չոր, քարքարոտ թեքությունների վրա[1]։
Ծանոթագրություններ[խմբագրել | խմբագրել կոդը]
- ↑ Հարությունյան Լ․ Վ․, Հարությունյան Ս․ Լ․, Հայաստանի դենդրոֆլորան, հ. 1, Երևան, «Լույս հրատարակչություն», 1985, էջ 225։